Support Your Local Sheriff!
| Filmdaten | |
|---|---|
| Plattdüütsch Titel: | — |
| Originaltitel: | Support Your Local Sheriff! |
| Düütsch Titel: | Auch ein Scheriff braucht mal Hilfe |
| Produkschoonsland: | USA |
| Johr vun’t Rutkamen: | 1968 |
| Läng: | 93 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Burt Kennedy |
| Dreihbook: | William Bowers |
| Produkschoon: | William Bowers |
| Musik: | Jeff Alexander |
| Kamera: | Harry Stradling Jr. |
| Snitt: | George W. Brooks |
| Szenenbild: | Leroy Coleman |
| Kledaasch: | Norman A. Burza Florence Hackett |
| Dorstellers | |
| |
Support Your Local Sheriff (op Platt so veel as: „Ünnerstütt dien Sheriff vör Oort“; dt.: Auch ein Sheriff braucht mal Hilfe) is de Titel vun en US-amerikaansche Westernkummedie vun 1968 mit James Garner in de Hööftrull.
Inholt
[ännern | Bornkood ännern]Jason McCullough sütt sik sülvst as en wohren Pionier an un hett dorüm ok in’n Sinn, na Australien uttowannern. Op’n Weg versleiht em dat twüschendör in de Goldgraverstadt Calendar. Wiel de Priesen dor so bannig in de Hööch gahn sünd, siet dor Gold funnen weer, stellt he fast, dat he Geld verdenen mutt un warrt korterhand Sheriff vun de Stadt.
Kort, vördem he de Steed annahmen hett, harr he in den Saloon en Duell twüschen twee Kerls mitansehn, dat nich ganz gerecht togüng. De Överlevende is Joe Danby, Söhn vun en Familie, welke de ganze Stadt terroriseert un jem Gold afnehmt. As eerste Amtshandeln nimmt de ne’e Sheriff Joe eerstmol fast un rekruteert dorför en stadtbekannten drinkfasten Rüpel. De Versööken vun den Rest vun de Danbys, jemehr Familienmitglied wedder free to kriegen höört to de lustigsten Parodien vun’t hele Westerngenre. De Film arbeidt dorbi vör allen mit Situatschoonskomik un slagfardig Wöörwessel.
To’n End vun’n Film kummt dat to’n Showdown twüschen de Danbys un Sheriff McCullough, de Help kriggt vun sien Helpssheriff nu den Dochter vun’n Börgermeester. Opletzt kriggt de Sheriff allen’s in Schick. He heiraadt de söte und begöderte Dochter vun’n Börgermeester un blifft in de Stadt – nich ahn af un an mit en Oogenplinkern dorop hentowiesen, dat he jo in’n Grunnen blots op den Weg na Australien is.
Achtergrünnen
[ännern | Bornkood ännern]- Üm McCullough to betütern, dat he in de Stadt blifft, wiest de Börgermeester jümmer wedder op den kultiveerten un modernen Charakter in de Stadt un in sien Huus hen. För sien Dochter harr he sogor en Harmonium köfft: „Dat kummt vun wiet her, ut Düsseldörp“. De Klavierboer Ibach, mit Verkoopssteed in Düsseldörp, weer tatsächlich op de Weltutstellen in Philadelphia 1876 un in St. Louis 1904 dorbi.
- 1970 is mit Support Your Local Gunfighter (dt.: Latigo) en Westernkummedie in’n lieken Stil naleggt worrn.
Kritiken
[ännern | Bornkood ännern]- Joe Hembus’ Westernnakieksel: „Eine angenehme Abwechslung für alle, die „Cat Ballou - Hängen sollst du in Wyoming“ schon dreimal gesehen haben.“
- Lexikon vun’n internatschonalen Film: „Heiter, witzig, kurzweilig.“
- Adolf Heinzlmeier un Berndt Schulz in’n Nakieksel „Filme im Fernsehen“ (wietermaakte Nee’utgaav). Rasch un Röhring, Hamburg 1990, ISBN 3-89136-392-3, S. 55: „Der witzige, flott gespielte und bis in die Nebenrollen typensicher besetzte Western nimmt das Genre frech aufs Korn.“ (Bewerten: 2½ Steerns = överdörsnittlich)
- Münchener Merkur, München: „Parodiert das Western-Genre auf sehr vergnügliche Weise.“
Filmpriesen
[ännern | Bornkood ännern]De Westernkummedie is vör dree Filmpriesen nomineert wesen un hett een dorvun ok wunnen:
- 1970: den Golden Laurel (2. Platz) för James Garner för de Best Kummedie-Dorsteller
nomineert weer he butendem för
- 1970: den Golden Laurel in de Kategorie Beste Kummedie
- 1970: den WGA Award (Lienwand) för William Bowers in de Kategorie Beste Kummedie schreven för’t Kino
Weblenken
[ännern | Bornkood ännern]- Support Your Local Sheriff! in de Internet Movie Database (engelsch)
