Veerner Moor
Dat Veerner Moor is en 91 Hektar groot Naturschuulrebeed in de Gemeen Kerklinneln in’n Landkreis Veern. Dat liggt twischen de Dörper Veernermoor in’n Westen un Groten Heinz in’n Noordoosten. Direkt an dat Veerner Moor liggt de lüttje Oort Goldborn.
Dat Water ut dat Moor warrt över Gravens afföhrt. In’n Süüdoosten hen na de Lehrde, de üm un bi een Kilometer wied weg von dat Naturschuulrebeed langsflütt un in’n Noordwesten hen na’n Gohbeek.
Dat Naturschuulrebeed driggt dat Kennteken NSG LÜ 176 un is an’n 16. Dezember 1989 ünner Schuul stellt worrn.
Dat Veerner Moor weer fröher en Hoogmoor, is aver dröögleggt worrn, üm dor Törf to graven to’n Böten för de Lüüd in de Stadt Veern. In’n Westdeel von dat Moor is tosätzlich in dat 18. Johrhunnert dat Dörp Veernermoor anleggt worrn. Aver ok de Oostdeel, de nu dat Naturschuulrebeed billt, is stark verännert worrn.
In de Midd liggt en See, rundrüm is dat Land deelwies Heid, deelwies is dat as Wischen bruukt worrn oder as Forst. Op grote Delen steiht Busch, aver dör Utkusseln un Weddervernätten schall dat Moor in dat Naturschuulrebeed sik wedder regeneren.
Tostännige Naturschuulbehörde is de Landkreis Veern.
Allerschleifen twüschen Wohlendörp un Hülsen | Auborn | Blenner See | Dünen bi Neemöhlen | Hu’er Wümmdaal | Hügelgräver-Heid bi Kerklinneln | Höhnermoor | Otterbarger Moor | Sanddröögrasen Achem | Veerner Moor | Waller Moor | Wiestdaal
Koordinaten:52° 55′ N, 9° 25′ O
