पुमा भाषा

पुमा
क्षेत्र	खोटाङ र उदयपुर, नेपाल
मातृभाषी वक्ता	६,७००
भाषा परिवार	चिनियाँ तिब्बती भोट बर्मेली महाकिराँती (?) किराँती मध्य किराँती दक्षिणी '
भाषा सङ्केतहरू
आइएसओ ६३९-३	pum
ग्लोटोलग	puma1239

पुमा भाषा किराँती भाषा परिवार अन्तर्गत पर्ने नेपालको कोशी प्रदेशमा लगभग ४,३१० मानिसहरूले बोल्ने (केन्द्रीय तथ्याङ्क विभागको प्रतिवेदन २०५८) एक भाषा हो। यसको वास्तविक जनसङ्ख्या केही बढी हुन सक्छ। एउटै शब्द 'पुमा'ले मानिसहरू र उनीहरूले बोल्ने भाषा दुवैलाई बुझाउँछ।

हिमालय भाषा परियोजनाले पुमाको पहिलो व्याकरणिक स्वरूप तयार पारेको थियो। वि.सं २०७६ देखि खोटाङको बराहपोखरी र जन्तेढुङ्गा गाउँपालिकाका १४ वटा विद्यालयमा पुमा भाषामा पढाइँदै आएको छ।

स्थानहरू

पुमा भाषा, खोटाङ जिल्लाको दिप्लुङ, मौवाबोटे, देवस्थान, पौवासेरा र चिसापानी गाविसमा र उदयपुर जिल्लाको बेल्टार र सौनेचौर गाविसमा बोलिन्छ। यो रुवा खोला उपत्यकादेखि बुवा खोलासम्म र दक्षिणतिर दूधकोशीमा पनि बोलिन्छ।

बाह्य कडीहरू

• छिन्ताङ र पुमा भाषा परियोजना
• पुमा भाषाको वृत्तचित्र अभिलेख