Giovanni Pico della Mirandola
| Giovanni Pico della Mirandola | |
 | |
| Statsborgarskap | Fyrstedømmet Mirandola |
| Fødd | 24. februar 1463 Mirandola |
| Død |
17. november 1494 (31 år) |
| Yrke | filosof, skribent |
| Språk | latin, italiensk |
| Medlem av | Platons Akademi |
| Religion | Den romersk-katolske kyrkja |
| Far | Gianfrancesco I Pico |
| Mor | Giulia Boiardo |
| Giovanni Pico della Mirandola på Commons | |
Giovanni Pico della Mirandola[a] (fødd 24. februar 1463 i Mirandola, død 17. november 1494 i Firenze) var ein italiensk humanist og filosof og elev av Ficino. Han var også ein del av krinsen kring Lorenzo de' Medici.
Pico er ein av dei viktigaste humanistane i renessansen. Han studerte i Bologna, Padova og Paris. Seinare drog han til Firenze og vidare til Roma, der han 1486 gav ut 900 tesar frå alle vitskapar med tilbod om offentleg å forsvare dei – hans vidgjetne tale Om menneskets verdighet er ein lekk av dette dette forsvaret. Pico meinte at mennesket er fritt til å byggje sin eigen personlegdom, og er i stand til å velje sitt eige eksistensnivå.
Fordi desse tesane inneheldt ymse som kyrkja ikkje kunne godta, kom Pico i søkjelyset åt inkvisisjonen. Tesene hans vart fordømd av Paven, og han måtte flykte til Frankrike, og sat også ei tid i fengsel. Seinare fekk han returnere til Italia etter at Lorenzo de' Medici greip inn. Han drog seg då attende til ein landstad ved Firenze og fordjupa seg i studiar av Platon, Aristoteles, Kabbala og hermetiske skrifter.
Pico ynskte å skape ein syntese av platonistisk og arabisk filosofi, jødisk kabbalistisk mystikk og mellomalderens skolastikk. I 1496 kom verka hans ut i Bologna. Nevøen Giovanni Francesco Pico (d. 1533) skildra livet hans og var sjølv ein fruktbar forfattar, som mellom anna var oppteken av mystikk.
Merknadar
[endre | endre wikiteksten]- ↑ utt. pˈico della mirˈandola
Kjelder
[endre | endre wikiteksten]- «Giovanni_Pico_della_Mirandola» i Store norske leksikon, snl.no.
- Delar av denne artikkelen bygger på «Giovanni Pico della Mirandola» frå Wikipedia på dansk, den 7. august 2011.
- Wikipedia på dansk oppgav desse kjeldene:
- Opslag af dr.theol. A. Th. Jørgensen i Salmonsens konversationsleksikon bd. 19, s. 134
