Magne Lystad
| Magne Lystad | |
| Statsborgarskap | Noreg |
| Fødd | 12. november 1932 |
| Død | 21. januar 1999 (66 år) |
| Idrett | orientering |
| Utmerkingar | Aftenpostens Gullmedalje, Sportsjournalistenes statuett |
Magne Lystad (12. november 1932–21. januar 1999) var ein norsk orienteringsløpar frå Lunderseter i Hedmark. Han vart nordisk mester i 1957 og 1959, i 1962 sigra han i det nyinnførte europameisterskapet. Han hadde 7 individuelle mesterskap og fem stafettmesterskap.
Aktiv
[endre | endre wikiteksten]Lystad vart norsk meister fyrste gongen i 1954, ein prestasjon han fylgde med å vinne dei neste tre meisterskapa. I 1957 vart han i tillegg nordisk meister på suverent vis framom tre landsmenn, meisterskapen vart avvikla ved Hegra i Nord-Trøndelag. To år seinare vart han på ny både norsk og nordisk meister, den siste meisterskapen fann stad ved Ålborg i Danmark. I 1960 og 1962 vart han noregsmeister for sjette og sjuande gong, sommaren i mellom kom han på tredjeplass i den nordiske meisterskapen.
Høgdepunktet for Lystad kom ved den fyrste av to europameisterskap. Sundag 23. september 1962 i Løten sprang han inn til sigerstida 1.48.32 og slo andremann med 5 minutt og 39 sekund. I 1964 var han med i det norske firemanns-laget som tok sølv i stafetten under EM. Han avslutta år som aktiv løpar med å vinne bronsemedaljen i den individuelle tevlinga ved den nordiske meisterskapen 1965 ved Hokksund.
Med laget sitt, Lunderseter IL, vart Lystad stafettmeister i noregmeisterskapane 1956, 1957, 1958, 1961 og 1964.
År 1957 vart Magne Lystad tildelt både Morgenbladets gullmedalje og Sportsjournalistenes statuett for triumfen i den nordiske mesterskapen.
Kjelder
[endre | endre wikiteksten]