Andrei Rublev

Andrei Rublev (en rus: Андрей Рублёв; vèrs 1360, Moscòu – entre 1427 e 1430, Moscòu) es un monge e un pintre rus de la fin de l'Edat Mejana. Canonizat en 1988, es un sant de la Glèisa Ortodòxa celebrat lo 4 de julhet. Es considerat coma lo pintre d'icònas pus famós de l'istòria de la pintura russa, especialament gràcias a l’Icòna de la Trinitat.

Originari de Moscòu, foguèt l'aprendís de Teofan lo Grèc (vèrs 1340-1410), un pintre d'icònas bizantin que venguèt s'installar en Russia vèrs 1370. Lo rèsta de la vida d'Andrei Rublev es quasi desconegut. Foguèt probablament monge dau monastèri d'Andronikov. Segon una legenda dobtosa, seriá estat emborniat per aver signat la Trinitat, causa enebida ai monges dau periòde.

Son estil es una evolucion de la pintura religiosa bizantina. Es ansin una pintura sabenta inspirada per de règlas. Pasmens, Rublev i introduguèt mai de doçor e de soplesa gràcias a l'adopcion de composicions simplas, de linhas armoniosas e d'una lutz doça.

• 
  La Transfiguracion dau Crist (1405).
• 
  L'Ascension dau Crist (1408).
• 
  L'Annonciacion (vèrs 1405-1410).
• 
  Nativitat (ans 1410 ?).
• 
  Lo Batejament dau Crist (ans 1410 ?).
• 
  Lo Sauvaire (ans 1410 ?).
• 
  Sant Paul (entre 1410 e 1420).
• 
  Icòna de la Trinitat, icòna considerada coma lo cap d'òbra d'Andrei Rublev (entre 1410 e 1427).
• 
  La Mesa au Tombèu (entre 1425 e 1427).

Liames intèrnes

• Icòna (ortodoxia).
• Ortodoxia.
• Pintura russa.

Bibliografia

• (en) Gabriel Bunge, The Rublev Trinity (trad. Andrew Louth), Crestwood, 2007.
• (en) Viktor N. Lazarev, The Russian Icon: From Its Origins to the Sixteenth Century, Liturgical Press, 1997.