Bazajet Ièr

Retrach de Bazajet I^èr.

Bazajet I^èr (vèrs 1360 - 8 de març de 1403) foguèt lo quatren sultan de l'Empèri Otoman de 1389 au 20 de julhet de 1402. Succediguèt a son paire Murad I^èr (vèrs 1360-1389) e foguèt remplaçat per son fiu Mehmet I^èr (1413-1421) après una guèrra civila de dètz annadas.

Dins lo corrent de son rèine, deguèt mantenir un equilibri precari per perseguir l'expansion en Euròpa, onte lo reiaume crestian d'Ongria èra una menaça militara importanta, e per gardar son contraròtle en Anatolia onte lei senhors turcs èran ostils a la limitacion de sei libertats per lo poder dau sultan. De mai, durant lo rèine de son paire, lo Sultanat Otoman. De mai, lo contraròtle otoman sus unei regions conquistadas per Murad I^èr èra encara mau segur. En 1396, Bazajet I^èr ganhèt la batalha de Nicòpolis còntra leis Ongrés e lei chivaliers occidentaus venguts a son ajuda. Pasmens, menèt sensa succès dos sètges de Constantinòple e aguèt de dificultats per sometre lei tribüs d'Anatolia. Òr, la region èra venguda un refugi per leis enemics de Tamburlan que decidiguèt d'organizar una campanha per sometre la peninsula. En 1400, obtenguèt lo sostèn dei principats turcs locaus còntra Bazajet que foguèt desfach e capturat a Ankara en 1402. Lo venceire restaurèt l'autonòmia dei principats, especialament aqueu de Karaman, e Bazajet moriguèt en captivitat. Sei quatre eiretiers dau Sultanat Otoman acomencèron alora una guèrra civila lònga entre elei per la succession que s'acabèt en 1413.

Liames intèrnes

• Lista dei sultans otomans.
• Batalha de Nicòpolis.
• Batalha d'Ankara.
• Interrègne otoman.