Jules Brunet
Jules Brunet (2 de genier de 1838, Belfort - 12 d'aost de 1911, Fontenay-sous-Bois) es un generau francés dau sègle XIX famós per sa participacion a la guèrra de Boshin durant lo periòde de la Restauracion Meiji.
Eissit d'una familha de militars, integrèt l'Escòla Politecnica e venguèt oficier dins l'artilhariá. Après aver participat a la guèrra de Mexic, foguèt mandat en Japon dins lo quadre de la mission militara francesa dins aqueu país. Au començament de la guèrra de Boshin, en despiech deis òrdres de neutralitat donats per lo govèrn francés, decidèt de sostenir leis armadas dau Shogunat Tokugawa. Venguèt ansin lo cap de l'artilhariá de la republica d'Ezo, un Estat format per lei darriers partisans dau Shogunat sus l'illa d'Hokkaido. Capturat après la desfacha de sei tropas a la batalha de Hakodate en 1869, foguèt liberat a la demanda de París e tornat integrar dins l'armada francesa. Participèt a la guèrra de 1870 e a la repression de la Comuna. Acabèt sa carriera amb lo grade de generau de division.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) François-Xavier Héon, « Le véritable dernier Samouraï : l'épopée japonaise du capitaine Brunet », Stratégique, Institut de Stratégie Comparée, n° 99, 2010, pp. 193-223.
Nòtas e referéncias
[modificar | Modificar lo còdi]
