The Fox and the Hound
|
Lo guèine e lo can de caça
| |
|---|---|
| Títol original | The Fox and the Hound |
| Títol quebequés | Rox et Rouky |
| Realizacion | Ted Berman Richard Rich Art Stevens |
| Actors principals | Mickey Rooney Kurt Russell Pearl Bailey Jack Albertson Sandy Duncan Jeanette Nolan Pat Buttram John Fiedler John McIntire Dick Bakalyan Paul Winchell Keith Mitchell Corey Feldman |
| Scenari | Ron Miller Wolfgang Reitherman Art Stevens |
| Musica | Buddy Baker |
| Produccion | Ron Miller Wolfgang Reitherman Art Stevens |
| Societat de distribucion | Buena Vista Distribution |
| Genre | comèdia, drama, familha, aventura |
| Durada | 83 minutas |
| Sortida | lo 10 de julhet de 1981 |
| Lenga(s) originala(s) | Anglés |
| País d’origina | Estats Units |
The Fox and the Hound (literalament en occitan "Lo guèine e lo can de caça") es un filme d'animacion american liurament basat sul roman omonim de Daniel P. Mannix, producha per Walt Disney Productions e sortit lo 10 de julhet de 1981. Es le 24e filme de la seria Walt Disney Animated Classics. Lo filme explica la vida de dos amics que los es pas permés d'o èsser, un guèine roge nomenat Tod e un can de caça nomenada Copper, qu'auràn de lutar contra lors pròpris instints e contra la societat que los environa e los afronta, per conservar lor amistat.
Lo filme es realizat per Ted Berman, Richard Rich, e Art Stevens amb las voses de Kurt Russell, Mickey Rooney, Pearl Bailey, Pat Buttram, Sandy Duncan, Richard Bakalyan, Paul Winchell, Jack Albertson, Jeanette Nolan, John Fiedler, John McIntire, Keith Coogan, e Corey Feldman. Al moment de sa sortida, èra lo filme d'animacion mai car producha fins a aquesta data, amb un còst de 12 milions de dolars. Una seguida, The Fox and the Hound 2, foguèt lançada dirèctament en vidèo en 2006.
Sinòpsi
[modificar | Modificar lo còdi]Lo filme tracta de la relacion entre dos animals, un guèine cridat Tod e un can de caça cridat Copper, los quals partejan una fòrta amistat. Copper es un can de caça e son mèstre lo pren pendent una sason de caça per lo dometjar, ven aital un ferotge caçaire de guèines e deslembra son amic d'enfància. Après, torna e es obligat d'èsser enemic de Tod. Mas Tod o pas deslembrat e malgrat que Copper o perseguís, fenís en o defendent quand o vei en perilh.
