Israel Tal
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
Ël general Israel Tal a l'é stàit un dij dirigent ëd l'armada israelian-a e l'ideator dël cher d'assàut Merkava. A l'era nà dël 1924 an Palestin-a e a l'é mòrt a j'8 dë stèmber 2010. La cariera[modìfica | modifiché la sorgiss]A disdeut agn a l'é anrolasse ant l'armada britànica për combate le potense ëd l'Ass. Apress avèj partissipà a la bataja d'Italia a l'é tornà an Palestin-a për intré ant la Haganah, la milissia giudea. Teòrich ëd na guèra ëd moviment basà an sl'usage massiss dij blindà, a l'ha guidà con sucess na division motorisà ant ël Sìnai durant la guèra dël 1967. Vnùit agiutant dël cap dë stat magior, as fa armarché torna ant ël Sìnai e a agrandiss sò prestis an arzistend a l'órdin dël cap dë stat magior David Elazar ëd continué la contra-ofensiva israelian-a malgré ël chité ël feu. Ël cher Merkava[modìfica | modifiché la sorgiss]Dòp dla guèra, ch'a l'ha avù vàire mòrt da la part israelian-a, Israel Tal as angagia a la concession d'un cher d'assàut ch'a gionza ansema la mobilità e la protession dij soldà. An arzultrà ël cher Merkava (ch'a veul dì cher an lenga ebréa) che, an particolar, a l'avìa ël motor dëdnans për përmëtte a l'echipage dë scapé da darera. Dovrà ëd fasson massissa për la prima vira durant l'operassion Pas an Galilea dël 1982, ël Merkava a l'é vnùit ël sìmbol ëd la fòrsa israelian-a. |
