ᱠᱚᱱᱫᱷᱚᱢᱟᱲ ᱡᱤᱞᱞᱟᱹ
| ᱠᱚᱱᱫᱷᱚᱢᱟᱲ | |
|---|---|
| ᱦᱚᱱᱚᱛ | |
 ᱯᱷᱩᱞᱵᱟᱬᱤ ᱨᱮᱭᱟᱜ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ, ᱠᱚᱱᱫᱷᱚᱢᱟᱲ ᱨᱮᱭᱟᱜ ᱦᱮᱰᱠᱣᱟᱴᱚᱨ | |
 Location in Odisha, India | |
| Coordinates: 20°28′N 84°14′E / 20.47°N 84.23°ECoordinates: 20°28′N 84°14′E / 20.47°N 84.23°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱮᱰᱠᱣᱟᱴᱚᱨ | ᱯᱷᱩᱞᱵᱟᱬᱤ |
| ᱥᱚᱨᱠᱟᱨ | |
| • ᱠᱚᱞᱮᱠᱴᱚᱨ ᱟᱨ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴ | ᱰᱨ. ᱵᱨᱩᱱᱫᱷᱟ ᱰᱤ, IAS |
| • ᱯᱩᱞᱤᱥ ᱥᱩᱯᱚᱨᱤᱱᱴᱮᱱᱰᱮᱸᱴ | ᱢᱟ.ᱱ ᱯᱨᱚᱛᱤᱠ ᱥᱤᱝ, IPS |
| • ᱠᱚᱱᱫᱷᱚᱢᱟᱲ ᱨᱤᱱᱤᱡ ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱢᱟ.ᱱᱤᱡ ᱯᱨᱚᱛᱭᱩᱥᱟ ᱨᱟᱡᱮᱥᱣᱚᱨᱤ ᱫᱮᱵᱤ, (BJD) |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 8021 ᱠᱤᱢᱤ২ (3097 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 700 ᱢᱤᱴᱚᱨ (2300 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱞᱮᱠᱷᱟᱜᱩᱴ | ᱗᱓᱑,᱙᱕᱒ |
| • ᱰᱮᱱᱥᱤᱴᱤ | 91/ᱠᱤᱢᱤ2 (240/ᱜᱟᱺᱴ ᱢᱟᱹᱭᱤᱞ) |
| ᱯᱟ.ᱨᱥᱤ | |
| • ᱞᱳᱠᱟᱞ | ᱠᱩᱭᱤ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 762 0xx |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-12 |
| ᱡᱟᱱᱟᱝ ᱡᱟ.ᱱᱤ | 0.964 ♂/♀ |
| ᱥᱮᱪᱮᱫ | 65.12% |
| ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱠᱚᱱᱫᱷᱚᱢᱟᱲ |
| ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | 3
|
| ᱦᱚᱭᱞᱚᱝ | Aw (Köppen) |
| Precipitation | 1,587 millimetres (62.5 in) |
| Avg. summer temperature | 40 °C (104 °F) |
| Avg. winter temperature | 5 °C (41 °F) |
| ᱣᱮᱵᱽᱥᱟᱭᱤᱴ | www |
ᱠᱚᱱᱫᱷᱚᱢᱟᱲ ᱡᱤᱞᱞᱟ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱠᱚᱱᱫᱷᱚᱢᱟᱲ ᱡᱤᱞᱞᱟ ᱫᱚ ᱥᱤᱨᱤᱡᱽ ᱨᱮᱭᱟᱜ ᱥᱚᱨᱚᱜᱽ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜᱼᱟ ᱾ ᱱᱚᱰᱮ ᱢᱮᱱᱟᱜ ᱫᱚᱨᱤᱝᱵᱟᱰᱤ ᱢᱟ ᱳᱰᱤᱥᱟ ᱨᱮᱭᱟᱜ ᱠᱟᱥᱢᱤᱨ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱦᱮᱰᱠᱣᱟᱴᱚᱨ ᱫᱚ ᱯᱷᱩᱞᱵᱟᱬᱤ ᱾ ᱟᱨᱟᱢ ᱟᱨ ᱥᱩᱠᱩᱱ ᱛᱚᱞᱟᱥ ᱨᱮᱠᱚ ᱦᱟ.ᱡᱩᱜ ᱠᱟᱱ ᱥᱟᱸᱜᱷᱟᱨᱤᱭᱟ. ᱠᱚ ᱞᱟ.ᱜᱤᱫ ᱫᱚ ᱱᱚᱰᱮ ᱟ.ᱰᱤᱜᱟᱱ ᱡᱟᱭ ᱢᱮᱱᱟᱜᱼᱟ ᱾ ᱱᱚᱰᱮᱱᱟᱜ ᱵᱤᱨ ᱡᱤᱭᱚᱱ, ᱦᱚᱲᱢᱚ ᱥᱟᱦᱟᱣ ᱦᱚᱭ ᱦᱤᱥᱤᱫ, ᱵᱩᱨᱩ, ᱡᱷᱟᱨᱱᱚ ᱟᱨ ᱦᱚᱨ ᱠᱚᱫᱚ ᱟ.ᱰᱤ ᱦᱚᱲᱟᱜ ᱢᱚᱱᱮᱭ ᱢᱩᱦᱤᱛ ᱜᱚᱫᱟ ᱾ ᱠᱚᱱᱫᱷᱚᱢᱟᱲ ᱫᱚ ᱛᱤ ᱵᱟᱰᱚᱦᱤ ᱞᱟ.ᱜᱤᱫ ᱟ.ᱰᱤ ᱜᱮ ᱧᱩᱛᱩᱢ ᱟᱱᱟ ᱾ ᱱᱚᱰᱮᱱᱟᱜ ᱫᱳᱠᱨᱟ, ᱴᱮᱨᱟᱼᱠᱟᱸᱴᱟ, ᱢᱟᱫ ᱨᱮᱭᱟᱜ ᱠᱟ.ᱢᱤ ᱥᱟᱺᱜᱤᱧ ᱥᱟᱺᱜᱤᱧ ᱫᱷᱟ.ᱵᱤᱡ ᱩᱯᱨᱩᱢ ᱮ ᱵᱮᱱᱟᱣ ᱦᱩᱭ ᱟᱠᱟᱫᱼᱟ ᱾ [᱑][᱒][᱓]
ᱠᱚᱱᱫᱷᱚᱢᱟᱲ ᱦᱚᱱᱚᱛ ᱨᱮᱭᱟᱜ ᱛᱷᱟᱯᱚᱱ ᱫᱚ ᱑᱙᱙᱔ ᱥᱟᱞᱮᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱤᱱᱟ. ᱚᱠᱛᱚ ᱨᱮᱫᱚ ᱯᱷᱩᱞᱵᱟᱬᱤ ᱡᱤᱞᱞᱟ ᱠᱷᱚᱱ ᱠᱚᱱᱫᱷᱚᱢᱟᱲ ᱟᱨ ᱵᱚᱣᱫᱷ ᱧᱩᱛᱩᱢᱟᱱ ᱵᱟᱨᱭᱟ ᱦᱚᱱᱚᱛ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱠᱚᱱᱫᱷᱚᱢᱟᱲ ᱫᱚ ᱥᱚᱨᱮᱥ ᱞᱟᱠᱪᱟᱨ ᱟᱠᱷᱲᱟ ᱨᱮᱭᱟᱜ ᱪᱤᱱᱦᱟ. ᱠᱟᱱᱟ ᱾ ᱢᱚᱣᱨᱭᱚ ᱥᱚᱢᱨᱟᱴ ᱚᱥᱳᱠ ᱫᱚ ᱡᱚᱣᱜᱚᱫᱟ ᱨᱮᱭᱟᱜ ᱫᱷᱤᱨᱤᱚᱞ ᱨᱮ ᱱᱩᱠᱩ ᱵᱤᱨ ᱴᱚᱴᱷᱟ ᱨᱤᱱ ᱦᱚᱲ ᱠᱚᱣᱟᱜ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱼᱟ ᱾ ᱱᱚᱰᱮᱱᱟᱜ ᱜᱷᱟᱴ ᱨᱮᱭᱟᱜ ᱮᱞᱟᱠᱟ ᱡᱟᱦᱟᱸ ᱫᱚ ᱠᱚᱲᱤᱝᱜᱚ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱛᱟᱞᱟᱡᱩᱜᱽ ᱨᱮ ᱡᱟ.ᱛᱨᱤ ᱠᱚᱣᱟᱜ ᱥᱟ.ᱜᱟ.ᱭ ᱨᱮ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱵᱮᱵᱷᱟᱨ ᱫᱚ ᱛᱟᱞᱟ ᱵᱷᱟᱨᱚᱛ ᱫᱷᱟᱹᱵᱤᱡ ᱵᱩᱞᱩᱝ ᱥᱮᱴᱮᱨ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱾ ᱡᱚᱛᱚ ᱥᱮᱞᱮᱫ ᱠᱟᱛᱮ ᱢᱮᱱ ᱞᱮᱠᱷᱟᱱ ᱥᱤᱨᱡᱚᱱ ᱟᱨ ᱱᱟᱜᱟᱢ ᱨᱮᱭᱟᱜ ᱢᱤᱫ ᱥᱚᱱᱚᱛ ᱥᱚᱝᱜᱚᱢ ᱜᱮ ᱠᱚᱱᱫᱷᱚᱢᱟᱲ ᱨᱮᱭᱟᱜ ᱢᱩᱬᱩᱛ ᱩᱯᱨᱩᱢ ᱫᱚ ᱾
ᱢᱩᱠᱷᱤᱭᱟ. ᱢᱩᱦᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱞᱵᱟᱬᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱞᱵᱟᱬᱤ ᱫᱚ ᱦᱚᱱᱚᱛ ᱦᱮᱰᱠᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱤᱡᱽ ᱱᱚᱡᱚᱨ ᱛᱮᱫᱚ ᱢᱤᱫ ᱟ.ᱰᱤ ᱪᱚᱨᱚᱠ ᱴᱚᱴᱷᱟ ᱠᱟᱱᱟ ᱾ ᱜᱚᱴᱟᱯᱟᱲᱟ ᱠᱷᱚᱱ ᱵᱩᱨᱩ ᱛᱮ ᱜᱷᱮᱨᱟᱣ ᱟᱠᱟᱱᱟ ᱟᱨ ᱯᱮ ᱯᱟᱦᱴᱟ ᱠᱷᱚᱱ ᱯᱤᱞᱞᱚᱥᱚᱞᱩᱝᱠᱤ ᱱᱟ.ᱭ ᱞᱤᱸᱜᱤᱱ ᱠᱟᱱᱟ ᱾ ᱵᱷᱮᱴᱠᱷᱳᱞ ᱟᱨ ᱵᱨᱟᱢᱦᱚᱬᱤᱼᱫᱮᱵᱤ ᱵᱩᱨᱩ ᱪᱮᱛᱟᱱ ᱠᱷᱚᱱ ᱱᱟᱜᱟᱨ ᱨᱮᱭᱟᱜ ᱥᱚᱨᱮᱥ ᱨᱩᱯ ᱧᱮᱞ ᱜᱟᱱᱚᱜᱼᱟ ᱾ ᱦᱟᱯᱛᱟᱠᱤᱭᱟ. ᱵᱟᱡᱟᱨ, ᱡᱚᱜᱚᱱᱱᱟᱛᱷ ᱟᱨ ᱱᱟᱨᱟᱭᱚᱬᱤ ᱢᱩᱫᱽᱨᱤ ᱱᱚᱰᱮᱱᱟᱜ ᱟᱨ ᱢᱤᱫ ᱢᱟᱨᱟᱝ ᱢᱩᱦᱤᱛᱟᱱ ᱴᱚᱴᱷᱟ ᱠᱟᱱᱟ ᱾ ᱥᱚᱲᱚᱠ ᱛᱮ ᱛᱟᱲᱟᱢ ᱟᱨᱵᱟᱝ ᱱᱟ.ᱭ ᱟᱲᱮ ᱨᱮ ᱴᱚᱞᱦᱟᱣᱜ ᱫᱚ ᱟ.ᱰᱤ ᱠᱩᱥᱤ ᱵᱩᱡᱷᱟ.ᱣᱜᱼᱟ ᱾
ᱯᱩᱛᱩᱰᱤ ᱡᱷᱟᱨᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱛᱩᱰᱤ ᱫᱚ ᱥᱤᱨᱤᱡᱽ ᱛᱟᱞᱟᱨᱮ ᱵᱚᱥᱠᱚᱫ ᱟᱠᱟᱱ ᱢᱤᱫ ᱟ.ᱰᱤ ᱪᱚᱨᱚᱠ ᱡᱟᱭᱜᱟ ᱠᱟᱱᱟ ᱡᱟᱦᱟᱸᱨᱮ ᱥᱚᱞᱩᱝᱠᱤ ᱱᱟ.ᱭ ᱫᱚ ᱖᱐ ᱯᱷᱤᱴ ᱪᱮᱛᱟᱱ ᱠᱷᱚᱱ ᱞᱤᱸᱜᱤ ᱟᱬᱜᱚᱱ ᱠᱟᱱᱟ ᱾ ᱜᱚᱢᱦᱮᱲ ᱶᱤᱨ ᱛᱟᱞᱟ ᱡᱷᱟᱨᱱᱟ ᱠᱷᱚᱱ ᱧᱩᱨᱩᱜ ᱠᱟᱱ ᱫᱟᱜ ᱨᱮᱭᱟᱜ ᱥᱟᱰᱮ ᱟ.ᱰᱤ ᱥᱚᱨᱮᱥ ᱟ.ᱭᱠᱟ.ᱣᱜᱼᱟ ᱾ ᱯᱩᱛᱩᱰᱤ ᱡᱷᱟᱨᱱᱟ ᱯᱷᱩᱞᱵᱟᱬᱤ ᱵᱟᱡᱟᱨ ᱠᱷᱚᱱ ᱑᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱵᱚᱞᱟᱥᱚᱝᱠᱩᱯᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱴᱚᱴᱷᱟ ᱫᱚ ᱵᱚᱨᱚᱞᱟ ᱫᱮᱵᱤ ᱞᱟ.ᱜᱤᱫ ᱧᱩᱛᱩᱢ ᱮ ᱟᱢᱮᱮᱴ ᱟᱠᱟᱫᱼᱟ ᱡᱟᱦᱟᱸᱭ ᱤᱫᱤ ᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱫᱚ ᱩᱱᱤ ᱫᱚ ᱥᱟᱝᱥᱟᱨ ᱫᱩᱜ ᱫᱚᱦᱚᱭ ᱫᱮᱵᱤ ᱠᱟᱱᱟᱭ ᱾ ᱚᱱᱟ ᱴᱚᱴᱷᱟ ᱨᱤᱱ ᱦᱚᱲ ᱫᱚ ᱚᱸᱰᱮ ᱫᱤᱱᱟ.ᱢ ᱦᱤᱞᱚᱜ ᱜᱮ ᱫᱮᱵᱤ ᱵᱚᱸᱜᱟ ᱟᱭ ᱞᱟ.ᱜᱤᱫ ᱥᱮᱱ ᱟᱠᱟ ᱠᱚ ᱛᱟᱦᱮᱸᱱᱟ ᱾ ᱵᱟ.ᱲᱛᱤ ᱞᱮᱠᱟ ᱛᱮᱫᱚ ᱯᱟᱨᱵᱚᱱ ᱚᱠᱛᱚ ᱨᱮ ᱚᱸᱰᱮ ᱫᱚ ᱟ.ᱰᱤ ᱵᱷᱤᱲ ᱛᱟᱦᱮᱸᱱᱟ ᱾ ᱫᱚᱥᱚᱦᱚᱨᱟ ᱯᱩᱡᱟ ᱫᱚ ᱚᱸᱰᱮ ᱯᱩᱨᱟ. ᱜᱚᱨᱚᱡᱽ ᱟᱨ ᱦᱩᱞᱟ.ᱥ ᱥᱟᱶᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱯᱤᱞᱞᱚᱥᱚᱞᱩᱝᱠᱤ ᱵᱟᱸᱫᱽ ᱵᱤᱨᱥᱚᱲᱮ ᱢᱟᱱᱚᱣ ᱞᱟ.ᱜᱤᱫ ᱫᱚ ᱢᱤᱫ ᱱᱟᱯᱟᱭ ᱴᱷᱟᱶ ᱠᱟᱱᱟ ᱟᱨ ᱱᱚᱣᱟ ᱫᱚ ᱵᱚᱞᱟᱥᱠᱩᱢᱯᱟ ᱠᱷᱚᱱ ᱥᱩᱢᱩᱝ ᱯᱮ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱟᱨᱟᱢ ᱞᱟ.ᱜᱤᱫ ᱟᱨ ᱥᱟ.ᱱᱛᱤ ᱥᱟᱶᱛᱮ ᱚᱠᱛᱚ ᱠᱷᱮᱢᱟᱣ ᱞᱟ.ᱜᱤᱫ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱥᱚᱨᱮᱥ ᱴᱚᱴᱷᱟ ᱠᱟᱱᱟ ᱾ ᱵᱚᱞᱟᱥᱠᱩᱢᱯᱟ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱑᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱵᱤᱨᱩᱯᱟᱠᱷᱭᱚ ᱢᱩᱫᱽᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱨᱩᱯᱟᱠᱷᱭᱚ ᱢᱩᱫᱽᱨᱤ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱖᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱪᱟᱠᱯᱟᱰᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱢᱩᱫᱽᱨᱤ ᱫᱚ ᱵᱷᱚᱜᱚᱵᱟᱱ ᱥᱤᱵᱽ ᱞᱟ.ᱜᱤᱫ ᱟᱞᱟᱭ ᱟᱠᱟᱱᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱢᱩᱠᱷᱤᱭᱟ. ᱡᱤᱱᱤᱥ ᱫᱚ ᱚᱸᱰᱮᱱᱟᱜ ᱥᱤᱵᱽᱞᱤᱸᱜᱽ ᱠᱟᱱᱟ ᱡᱟᱦᱟᱸ ᱫᱚ ᱫᱩᱠᱷᱤᱱ ᱯᱟᱦᱴᱟ ᱥᱮᱫ ᱠᱚᱪᱮ ᱟᱠᱟᱱᱟ ᱾ ᱱᱚᱝᱠᱟ ᱜᱮ ᱱᱚᱰᱮᱱᱟᱜ ᱫᱟᱨᱮ ᱠᱚᱦᱚᱸ ᱫᱩᱠᱷᱤᱱ ᱥᱮᱦᱮᱫ ᱜᱮ ᱞᱤᱰᱩᱨ ᱛᱟᱦᱮᱸᱱᱟ ᱾ ᱢᱟᱨᱮ ᱫᱷᱚᱨᱚᱢ ᱠᱟᱛᱷᱟ ᱞᱮᱠᱟᱛᱮ ᱨᱟᱵᱚᱬ ᱛᱤᱱ ᱡᱚᱦᱚᱜ ᱥᱤᱵᱽᱡᱤ ᱦᱚᱛᱮᱛᱮ ᱮᱢ ᱟᱠᱟᱱ ᱥᱤᱵᱽᱞᱤᱝ ᱤᱫᱤ ᱠᱟᱛᱮ ᱞᱚᱝᱠᱟᱭ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱩᱱᱤ ᱫᱚ ᱱᱚᱰᱮᱭ ᱡᱮᱤᱨᱟ.ᱣ ᱞᱮᱱ ᱛᱟᱦᱮᱸᱫ ᱾ ᱵᱷᱚᱜᱚᱵᱟᱱ ᱥᱤᱵᱽ ᱮ ᱢᱮᱱ ᱞᱮᱫᱼᱟ ᱫᱚ ᱚᱲᱟᱜ ᱥᱮᱴᱮᱨᱚᱜ ᱢᱟᱬᱟᱝ ᱨᱮ ᱚᱠᱟ ᱨᱮᱦᱚᱸ ᱱᱚᱣᱟ ᱥᱤᱵᱽᱞᱤᱸᱜᱽ ᱟᱞᱚᱢ ᱫᱚᱦᱚᱭᱟ ᱾ ᱦᱚᱨ ᱨᱮ ᱨᱟᱵᱚᱬ ᱫᱚ ᱢᱤᱫ ᱦᱟᱲᱟᱢ ᱦᱚᱲ ᱱᱚᱣᱟ ᱥᱟᱵ ᱞᱟ.ᱜᱤᱫ ᱮᱢᱟᱫᱮᱭᱟ ᱤᱠᱷᱟ.ᱱ ᱩᱱᱤ ᱫᱚ ᱞᱟᱸᱜᱟ ᱜᱮᱭ ᱟ.ᱭᱠᱟ.ᱣ ᱠᱮᱫ ᱠᱷᱟ.ᱛᱤᱨ ᱥᱤᱵᱽᱞᱤᱸᱜᱽ ᱫᱚ ᱚᱛ ᱨᱮᱭ ᱫᱚᱦᱚ ᱠᱮᱫᱼᱟ ᱾ ᱩᱱ ᱠᱷᱚᱱ ᱜᱮ ᱱᱚᱣᱟ ᱥᱤᱵᱽᱞᱤᱸᱜᱽ ᱫᱚ ᱱᱚᱰᱮ ᱵᱟ.ᱭᱥᱟ.ᱣ ᱮᱱᱟ ᱟᱨ ᱥᱟᱥᱟᱥᱟᱭ ᱢᱩᱠᱨᱩᱲ ᱠᱟᱛᱮ ᱨᱮᱦᱚᱸ ᱚᱸᱰᱮ ᱠᱷᱚᱱ ᱵᱟᱝ ᱠᱚ ᱦᱤᱞᱟ.ᱣ ᱫᱟᱲᱮᱭᱟᱫᱼᱟ ᱾ ᱟᱨ ᱵᱟᱝ ᱫᱚ ᱫᱩᱠᱷᱤᱱ ᱥᱮᱦᱮᱫ ᱠᱚᱪᱮ ᱜᱮ ᱠᱚ ᱥᱚᱡᱷᱮ ᱫᱟᱲᱮᱭᱟᱫᱼᱟ ᱾
ᱢᱩᱫᱽᱨᱤ ᱨᱮᱭᱟᱜ ᱠᱟᱸᱛ ᱨᱮᱦᱚᱸ ᱚᱱᱠᱟᱱ ᱪᱤᱛᱟ.ᱨ ᱜᱮ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸᱨᱮ ᱨᱟᱵᱚᱬ ᱥᱤᱵᱽ ᱫᱚ ᱟᱨ ᱦᱚᱸ ᱥᱤᱵᱽᱞᱤᱸᱜᱽ ᱛᱩᱞ ᱞᱟ.ᱜᱤᱫ ᱮ ᱱᱮᱦᱚᱸᱨ ᱮ ᱠᱟᱱᱟ ᱟᱨ ᱵᱷᱚᱜᱚᱵᱟᱱ ᱥᱤᱵᱽ ᱫᱚᱭ ᱢᱟᱱᱟ ᱜᱚᱫ ᱠᱟᱜ ᱠᱟᱱᱟ ᱾ ᱱᱚᱣᱟ ᱪᱤᱛᱟ.ᱨ ᱦᱚᱛᱮᱛᱮ ᱚᱱᱟ ᱯᱩᱨᱟ. ᱜᱷᱚᱴᱚᱱ ᱮ ᱡᱤᱣᱤᱫ ᱨᱩᱣᱟ.ᱲ ᱜᱚᱫ ᱠᱟᱜ ᱠᱟᱱᱟ ᱾ ᱱᱚᱣᱟ ᱪᱤᱛᱟ.ᱨ ᱨᱮᱫᱚ ᱵᱨᱚᱦᱢᱟ ᱟᱨ ᱵᱤᱥᱱᱩ ᱦᱚᱸ ᱠᱤᱱ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾
ᱫᱚᱨᱤᱝᱵᱟᱰᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱓᱐᱐᱐ ᱯᱷᱩᱴ ᱨᱮᱭᱟᱜ ᱪᱮᱛᱟᱱ ᱨᱮ ᱢᱮᱱᱟᱜ ᱫᱚᱨᱤᱝᱵᱟᱰᱤ ᱫᱚ ᱢᱤᱫ ᱥᱚᱨᱮᱥ ᱥᱤᱛᱩᱝᱱᱟᱝᱟᱱ ᱨᱤᱥᱚᱨᱴ ᱠᱟᱱᱟ ᱾ ᱚᱸᱰᱮ ᱟᱴᱮᱫ ᱟᱠᱟᱱ ᱪᱚᱨᱚᱠ ᱪᱤᱠᱟ.ᱬ ᱠᱷᱟ.ᱛᱤᱨ ᱚᱱᱟ ᱫᱚ ᱳᱰᱤᱥᱟ ᱨᱮᱭᱟᱜ ᱠᱟᱥᱢᱤᱨ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱚᱸᱰᱮ ᱫᱚ ᱯᱟᱭᱤᱱ ᱫᱟᱨᱮ ᱨᱮᱭᱟᱜ ᱵᱤᱨ, ᱠᱟᱯᱷᱤ ᱵᱟᱜᱟᱱ ᱟᱨ ᱠᱷᱩᱵ ᱪᱚᱨᱚᱠ ᱜᱷᱟ.ᱴᱤ ᱧᱮᱧᱮᱞᱤᱭᱟ. ᱠᱚᱭ ᱢᱩᱦᱤᱛ ᱠᱚᱣᱟ ᱾ ᱱᱚᱣᱟ ᱜᱮ ᱳᱰᱤᱥᱟ ᱨᱮᱭᱟᱜ ᱢᱤᱫ ᱥᱩᱢᱩᱝ ᱡᱟᱭᱜᱟ ᱠᱟᱱᱟ ᱡᱟᱦᱟᱸᱨᱮ ᱨᱟᱵᱟᱝ ᱫᱤᱱ ᱫᱚ ᱵᱚᱨᱚᱯᱷ ᱧᱩᱨᱩᱜᱼᱟ ᱾ ᱫᱚᱨᱤᱝᱵᱟᱰᱤ ᱨᱮᱭᱟᱜ ᱢᱟᱴ ᱠᱷᱚᱱ ᱵᱩᱨᱩ ᱴᱚᱴᱷᱟ ᱫᱷᱟ.ᱵᱤᱡᱟᱜ ᱥᱟᱸᱜᱷᱟᱨ ᱟ.ᱰᱤ ᱢᱚᱡᱽ ᱛᱟᱦᱮᱸᱱᱟ ᱾ ᱱᱚᱣᱟ ᱵᱤᱨ ᱴᱚᱴᱷᱟ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱑᱐᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱰᱩᱝᱜᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱩᱝᱜᱤ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱔᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱯᱷᱩᱞᱵᱟᱬᱤᱼᱵᱚᱨᱦᱟᱢᱯᱩᱨ ᱨᱳᱰ ᱨᱮ ᱢᱮᱱᱟᱜᱼᱟ ᱾ ᱑᱑ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱱᱚᱰᱮ ᱫᱚ ᱢᱤᱫ ᱵᱚᱣᱫᱷ ᱵᱤᱦᱟᱨ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱢᱟᱞᱚᱴ ᱮᱱ ᱛᱟᱭᱚᱢ ᱱᱚᱣᱟ ᱥᱤᱵᱽ ᱢᱩᱫᱽᱨᱤ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱵᱮᱱᱟᱣ ᱮᱫ ᱚᱠᱛᱚ ᱨᱮ ᱵᱚᱣᱫᱷ ᱵᱤᱦᱟᱨ ᱟᱜ ᱡᱟᱦᱟᱸ ᱥᱟᱨᱮᱡ ᱛᱮᱫ ᱧᱟᱢ ᱞᱮᱱᱟ ᱚᱱᱟ ᱫᱚ ᱢᱩᱫᱽᱨᱤ ᱵᱮᱲᱦᱟᱭ ᱛᱮ ᱩᱫᱩᱜ ᱥᱚᱫᱚᱨ ᱮᱱᱟ ᱾ ᱥᱩᱨ ᱴᱚᱴᱷᱟ ᱠᱷᱚᱱ ᱜᱮ ᱧᱟᱢ ᱮᱱ ᱢᱤᱫ ᱵᱚᱣᱫᱷ ᱢᱩᱴᱷᱟ.ᱱ ᱳᱰᱤᱥᱟ ᱯᱚᱱᱚᱛ ᱢᱤᱣᱡᱤᱭᱚᱢ, ᱵᱷᱩᱵᱚᱱᱮᱥᱣᱚᱨ ᱨᱮ ᱫᱚᱦᱚ ᱟᱠᱟᱱᱟ ᱾
ᱠᱚᱞᱤᱝ ᱜᱷᱟᱴᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱤᱝ ᱜᱷᱟᱴᱤ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱔᱘ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱯᱷᱩᱞᱵᱟᱬᱤᱼᱵᱚᱨᱦᱟᱢᱯᱩᱨ ᱦᱚᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱜᱷᱟ.ᱴᱤ ᱥᱩᱨ ᱨᱮᱜᱮ ᱫᱚᱥᱢᱤᱞᱞᱟ ᱧᱩᱛᱩᱢᱟᱱ ᱢᱤᱫ ᱡᱟᱭᱜᱟ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱥᱚᱢᱨᱟᱴ ᱚᱥᱳᱠ ᱫᱚ ᱠᱚᱞᱤᱝ ᱨᱮᱭᱟᱜ ᱢᱟᱨᱟᱝ ᱞᱟ.ᱰᱷᱟ.ᱭ ᱮ ᱞᱟ.ᱰᱷᱟ.ᱭ ᱞᱮᱱᱟ ᱟᱨ ᱤᱱᱟ. ᱛᱟᱭᱚᱢ ᱵᱚᱣᱫᱷᱚ ᱫᱷᱚᱨᱚᱢ ᱮ ᱟᱯᱱᱟᱨ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱜᱷᱟ.ᱴᱤ ᱫᱚ ᱥᱤᱞᱣᱤᱠᱚᱞᱪᱚᱨ ᱜᱟᱰᱮᱱ ᱟᱨ ᱟᱭᱩᱨᱵᱮᱫᱤᱠ ᱫᱟᱨᱮ ᱱᱟ.ᱬᱤ ᱞᱟ.ᱜᱤᱫ ᱩᱯᱨᱩᱢ ᱢᱮᱱᱟᱜᱼᱟ ᱾ ᱥᱤᱞᱣᱤᱠᱚᱞᱪᱚᱨ ᱜᱟᱰᱮᱱ ᱨᱮ ᱨᱚᱵᱚᱞ ᱟᱨ ᱢᱟᱫᱽ ᱫᱟᱨᱮ ᱢᱮᱱᱟᱜᱼᱟ ᱾ ᱵᱟᱜᱟᱱ ᱨᱮ ᱞᱮᱛᱟᱲ ᱜᱮ ᱥᱚᱸᱫᱷᱟᱲ ᱥᱚ ᱟᱴᱮᱫ ᱛᱟᱦᱮᱸᱱᱟ ᱡᱟᱦᱟᱸᱛᱮ ᱦᱚᱲᱢᱚ ᱟᱨ ᱦᱟᱛᱟᱝ ᱪᱩᱦᱩᱞ ᱵᱩᱨᱤᱭᱟ.ᱲ ᱟ.ᱭᱠᱟ.ᱣ ᱜᱚᱫᱚᱜᱼᱟ ᱾
ᱢᱚᱸᱫᱽᱥᱚᱨᱩ ᱠᱩᱴᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱴᱚᱴᱷᱟ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱑᱐᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱴᱚᱞᱟ ᱨᱮᱭᱟᱜ ᱵᱟᱦᱨᱮ ᱯᱟᱦᱴᱟ ᱨᱮ ᱢᱤᱫ ᱪᱚᱨᱪ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱜᱚᱴᱟᱯᱟᱲᱟ ᱠᱷᱚᱱ ᱵᱩᱨᱩ ᱛᱮ ᱵᱮᱲᱦᱟᱭ ᱮᱥᱮᱫ ᱟᱠᱟᱱᱟ ᱾ ᱪᱚᱨᱚᱠ ᱥᱩᱨ ᱨᱮ ᱟᱡᱛᱮ ᱵᱮᱱᱟᱣ ᱟᱠᱟᱱ ᱵᱩᱨᱩ ᱠᱷᱟᱬᱟ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱩᱯᱩᱨ ᱒᱐᱐ ᱯᱷᱩᱴ ᱜᱟᱺᱦᱤᱨ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱪᱚᱨᱚᱠ ᱫᱚ ᱧᱮᱞ ᱡᱚᱝ ᱢᱮᱱᱟᱜᱼᱟ ᱾ ᱱᱚᱰᱮ ᱫᱚ ᱵᱩᱨᱩ ᱨᱮ ᱛᱟᱠᱮᱨᱚᱜ ᱟᱲᱟᱝ ᱟ.ᱰᱤ᱾ᱢᱚᱡᱽ ᱟ.ᱭᱠᱟ.ᱣᱜᱼᱟ ᱾
ᱵᱮᱞᱜᱷᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱡᱚᱱ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱛᱮ ᱥᱟᱡᱟᱣ ᱟᱠᱟᱱ ᱵᱮᱞᱜᱷᱚᱨ ᱦᱟ.ᱨᱭᱟ.ᱲ ᱵᱩᱨᱩ ᱥᱟᱶ ᱫᱤᱱᱟ.ᱢ ᱮ ᱧᱮᱯᱮᱞᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱠᱩᱴᱤᱭᱟ ᱠᱷᱳᱴᱟ ᱡᱚᱱᱡᱟ.ᱛᱤ ᱠᱚᱣᱟᱜ ᱵᱚᱥᱠᱚᱫ ᱴᱷᱟᱶ ᱠᱟᱱᱟ ᱾ ᱱᱩᱠᱩ ᱡᱚᱱᱡᱟ.ᱛᱤ ᱫᱚ ᱛᱮᱦᱮᱧ ᱦᱚᱸ ᱡᱚᱢᱟᱜ ᱛᱩᱢᱟ.ᱞ ᱟᱨ ᱥᱟᱧᱪᱟᱣ ᱫᱚᱦᱚᱭ ᱞᱟ.ᱜᱤᱫ ᱚᱱᱟ ᱢᱟᱨᱮ ᱦᱚᱨ ᱜᱮᱠᱚ ᱟᱯᱱᱟᱨᱟ ᱾ ᱱᱩᱠᱩ ᱫᱚ ᱟ.ᱰᱤ ᱜᱮ ᱟ.ᱱᱟ.ᱱᱤᱭᱟ. ᱦᱚᱲ ᱠᱟᱱᱟ ᱠᱚ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱒᱕᱕᱕ ᱯᱷᱩᱴ ᱪᱮᱛᱟᱱ ᱨᱮ ᱢᱮᱱᱟᱜ ᱵᱮᱞᱜᱷᱚᱨ ᱫᱚ ᱢᱤᱫ ᱨᱟ.ᱥᱠᱟ.ᱜ ᱥᱟᱸᱜᱷᱟᱨᱤᱭᱟ. ᱠᱚ ᱞᱟ.ᱜᱤᱫ ᱱᱟᱯᱟᱭ ᱴᱷᱟᱶ ᱠᱟᱱᱟ ᱾ ᱡᱟᱦᱟᱸᱭ ᱦᱚᱲ ᱵᱤᱨ ᱨᱮᱭᱟᱜ ᱢᱟᱦᱚᱞ ᱫᱚ ᱥᱩᱨ ᱠᱷᱚᱱ ᱟ.ᱭᱠᱟ.ᱣ ᱥᱟᱱᱟ ᱮᱫ ᱠᱚᱣᱟ ᱩᱱᱠᱩ ᱫᱚ ᱥᱩᱨ ᱨᱮ ᱢᱮᱱᱟᱜ ᱠᱳᱴᱟᱜᱚᱰ ᱥᱟᱸᱠᱪᱩᱣᱟᱨᱤ ᱠᱚ ᱮᱱᱡᱚᱭ ᱫᱟᱲᱮᱭᱟᱜᱼᱟ ᱾ ᱵᱮᱞᱜᱷᱚᱨ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱑᱖᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱦᱮᱡᱥᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱭ ᱦᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱠᱷᱚᱱ ᱥᱩᱨ ᱩᱰᱟ.ᱱ ᱟᱰᱟ ᱵᱷᱩᱵᱽᱱᱮᱥᱚᱨ ᱱᱚᱰᱮ ᱠᱷᱚᱱ ᱒᱑᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱾
ᱨᱮᱞ ᱦᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱩᱨ ᱨᱮᱞᱦᱮᱰ ᱫᱩᱠᱷᱤᱱ ᱯᱩᱨᱩᱵᱽ ᱨᱮᱞᱣᱮ ᱨᱮᱭᱟᱜ ᱵᱚᱨᱦᱟᱢᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱡᱟᱦᱟᱸ ᱫᱚ ᱯᱷᱩᱞᱵᱟᱬᱤ ᱠᱷᱚᱱ ᱑᱖᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱥᱚᱲᱚᱠ ᱦᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱞᱵᱟᱬᱤ, ᱵᱷᱩᱵᱚᱱᱮᱥᱣᱚᱨ, ᱵᱚᱨᱦᱟᱢᱯᱩᱨ ᱟᱨ ᱯᱚᱱᱚᱛ ᱨᱮᱭᱟᱜ ᱮᱴᱟᱜ ᱢᱟᱨᱟᱝ ᱵᱟᱡᱟᱨ ᱠᱷᱚᱱ ᱫᱤᱱᱟ.ᱢ ᱦᱤᱞᱚᱜ ᱵᱚᱥ ᱥᱮᱵᱟ ᱦᱚᱛᱮᱛᱮ ᱡᱩᱲᱟ.ᱭ ᱛᱟᱦᱮᱸᱱ ᱠᱟᱱᱟ ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Orissa reference: glimpses of Orissa," Sambit Prakash Dash, TechnoCAD Systems, 2001
- ↑ "The Orissa Gazette," Orissa (India), 1964
- ↑ "Lonely Planet India," Abigail Blasi et al, Lonely Planet, 2017, ISBN 9781787011991
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
- Preliminary Findings & Recommendations - The National People’s Tribunal on Kandhamal Archived ᱒᱐᱑᱙-᱐᱖-᱐᱘ at the Wayback Machine., available at South Asia Citizens Web, 29 August 2010.
- From Kandhamal to Karavali: The Ugly Face of the Sangh Parivar Archived ᱒᱐᱑᱙-᱐᱖-᱐᱘ at the Wayback Machine., available at South Asia Citizen's Web, March 2009.
