ᱥᱟᱜᱚᱨ ᱦᱚᱱᱚᱛ
| ᱥᱟᱜᱚᱨ ᱦᱚᱱᱚᱛ | |
|---|---|
| ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
  .jpg)   ᱪᱮᱛᱟᱱ: ᱮᱨᱟᱱ, ᱦᱟᱡᱟᱨᱤᱭᱟ ᱢᱚᱦᱟᱫᱮᱵᱽ ᱵᱟᱢᱳᱨᱟ ᱛᱟᱞᱟ: ᱱᱚᱣᱨᱟᱫᱮᱦᱤ ᱡᱤᱵᱽ ᱡᱤᱭᱟᱹᱞᱤ ᱵᱟᱜᱟᱱ ᱨᱮ ᱪᱤᱛᱟᱞ, ᱨᱟᱦᱚᱛᱜᱚᱲ ᱡᱷᱟᱨᱱᱟ ᱞᱟᱛᱟᱨ: ᱞᱟᱠᱷᱟ ᱵᱚᱸᱡᱟᱨᱟ ᱡᱷᱤᱞ | |
 ᱥᱚᱜᱚᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱠᱷᱚᱸᱰ | ᱥᱟᱜᱚᱨ |
| ᱦᱮᱰᱠᱩᱣᱟᱴᱚᱨ | ᱥᱟᱜᱚᱨ, ᱢᱚᱫᱷᱭᱚ ᱯᱨᱚᱫᱮᱥ |
| ᱥᱚᱨᱠᱟᱨ | |
| • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱥᱟᱜᱚᱨ |
| ᱮᱨᱤᱭᱟ | |
| • ᱜᱩᱴ | 10252 ᱠᱤᱢᱤ২ (3958 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱒,᱓᱗᱘,᱔᱕᱘ |
| • ᱰᱮᱱᱥᱤᱴᱤ | 230/ᱠᱤᱢᱤ2 (600/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞ | |
| • ᱥᱮᱪᱮᱫ ᱫᱚᱨ | ᱗᱗.᱕᱒% |
| • ᱡᱟᱱᱟᱝ ᱡᱟᱹᱱᱤ | ᱘᱙᱖ |
| IST (ᱭᱩᱴᱤᱥᱤ+᱐᱕:᱓᱐) | |
| ᱣᱮᱵᱽᱥᱟᱭᱤᱴ | sagar |
ᱥᱟᱜᱚᱨ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱥᱟᱜᱚᱨ ᱥᱚᱦᱚᱨ ᱫᱚ ᱱᱚᱣᱟ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱛᱟᱞᱢᱟ ᱠᱟᱱᱟ ᱾
ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱑᱐,᱒᱕᱒ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱟᱨ ᱱᱚᱸᱰᱮ ᱨᱤᱱ ᱦᱚᱲ ᱮᱞ ᱫᱚ ᱒,᱓᱗᱘,᱔᱕᱘ (᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ) ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱑᱙᱙᱑ ᱥᱟᱞ ᱨᱮᱱᱟᱜ ᱑,᱖᱔᱖,᱑᱙᱘ ᱦᱚᱲ ᱮᱞ ᱠᱷᱚᱱ ᱔᱕% ᱥᱮ ᱗᱓᱒,᱒᱖᱐ ᱠᱚ ᱰᱷᱮᱨ ᱜᱮᱭᱟ ᱾ ᱥᱟᱜᱚᱨ ᱦᱚᱱᱚᱛ ᱨᱮ ᱥᱳᱱᱤ, ᱡᱮᱭᱱ ᱟᱨ ᱭᱟᱫᱚᱵᱽ ᱠᱚᱣᱟᱜ ᱚᱥᱚᱞ ᱴᱷᱟᱶ ᱢᱮᱱᱟᱜᱼᱟ ᱾[᱑]
᱒᱐᱑᱑ ᱥᱟᱞ ᱫᱷᱟᱹᱨᱤᱡ, ᱱᱚᱣᱟ ᱤᱱᱫᱳᱨ ᱟᱨ ᱡᱟᱵᱟᱞᱯᱩᱨ ᱛᱟᱭᱚᱢ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱛᱮᱥᱟᱨ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱦᱚᱱᱚᱛ ᱠᱟᱱᱟ ᱾[᱒]
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱜᱚᱨ ᱦᱚᱱᱚᱛ ᱫᱚ ᱯᱚᱱᱚᱛ ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱠᱟᱨᱠ ᱜᱟᱨ ᱫᱚ ᱥᱟᱜᱚᱨ ᱦᱚᱱᱚᱛ ᱞᱮᱠᱟᱛᱮ ᱪᱟᱞᱟᱜ ᱠᱟᱱᱟ ᱾[᱓] ᱱᱚᱣᱟ ᱫᱚ ᱟᱥᱚᱠᱱᱚᱜᱚᱨ, ᱵᱤᱫᱤᱥᱟ, ᱨᱟᱭᱥᱮᱱ, ᱱᱚᱨᱥᱤᱝᱯᱩᱨ, ᱫᱟᱢᱳᱦ ᱟᱨ ᱪᱷᱚᱛᱚᱨᱯᱩᱨ ᱦᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾ ᱥᱟᱜᱚᱨ ᱦᱚᱱᱚᱛ ᱨᱮᱱᱟᱜ ᱜᱩᱴ ᱚᱥᱟᱨ ᱵᱤᱥᱟᱹᱨ ᱫᱚ ᱑᱐,᱒᱕᱒ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱥᱟᱜᱚᱨ ᱫᱚ ᱵᱤᱱᱫᱷᱭᱟ ᱵᱩᱨᱩ ᱟᱨ ᱢᱟᱞᱣᱟ ᱯᱞᱟᱴ ᱨᱮᱱᱟᱜ ᱥᱟᱢᱟᱝ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱥᱩᱱᱟᱨ, ᱫᱷᱚᱥᱟᱱ, ᱵᱤᱱᱟ, ᱵᱤᱵᱟᱥ, ᱦᱚᱱᱚᱛ ᱨᱮᱱᱟᱜ ᱢᱩᱬ ᱜᱟᱰᱟ ᱠᱟᱱᱟ ᱾[᱔]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱮ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱢᱟᱬᱟᱝ ᱫᱚ, ᱥᱟᱜᱚᱨ ᱫᱚ ᱟᱦᱤᱨ ᱨᱟᱡᱟ ᱠᱚᱣᱟᱜ ᱥᱟᱥᱚᱱ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱨᱟᱡᱽᱜᱟᱲ ᱫᱚ ᱜᱟᱲᱯᱮᱦᱨᱟ ᱛᱟᱦᱮᱸ ᱠᱟᱱᱟ ᱾[᱕]
ᱱᱟᱶᱟ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱜᱚᱨ ᱥᱚᱦᱚᱨ ᱨᱮᱱᱟᱜ ᱱᱟᱜᱟᱢ ᱫᱚ ᱑᱖᱖᱐ ᱥᱮᱨᱢᱟ ᱠᱷᱚᱱ ᱮᱦᱚᱵᱚᱜᱼᱟ, ᱡᱚᱠᱷᱚᱱ ᱱᱤᱦᱟᱞ ᱥᱟᱦ ᱟᱜ ᱵᱚᱝᱥᱚ ᱩᱫᱚᱱ ᱥᱟᱦ ᱡᱟᱦᱟᱸ ᱨᱮ ᱱᱮᱛᱟᱨᱟᱜ ᱠᱤᱞᱟ ᱢᱮᱱᱟᱜᱼᱟ, ᱚᱸᱰᱮ ᱢᱤᱫᱴᱟᱹᱝ ᱦᱩᱰᱤᱧ ᱠᱤᱞᱟ ᱵᱮᱱᱟᱣ ᱞᱮᱫᱼᱟ ᱟᱨ ᱚᱱᱟ ᱥᱩᱨ ᱨᱮ ᱯᱟᱨᱠᱳᱴᱟ ᱥᱟᱜᱚᱨ ᱧᱩᱛᱩᱢᱟᱱ ᱢᱤᱫᱴᱟᱹᱝ ᱟᱹᱛᱩ ᱛᱷᱟᱯᱚᱱ ᱞᱮᱫᱼᱟ ᱾ ᱱᱮᱛᱟᱨᱟᱜ ᱠᱤᱞᱟ ᱟᱨ ᱱᱚᱣᱟ ᱨᱮᱱᱟᱜ ᱠᱟᱸᱛ ᱞᱟᱛᱟᱨ ᱨᱮ ᱢᱤᱫᱴᱟᱹᱝ ᱵᱩᱥᱛᱤ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱜᱳᱵᱤᱸᱫᱽ ᱯᱚᱱᱴ ᱵᱩᱱᱫᱮᱞᱮ, ᱯᱮᱥᱣᱟ ᱵᱟᱡᱤᱨᱟᱳ ᱫᱚ ᱯᱩᱭᱞᱩ ᱨᱤᱱᱤᱡ ᱢᱤᱫᱴᱟᱹᱝ ᱚᱯᱷᱤᱥᱚᱨ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱗᱓᱕ ᱥᱮᱨᱢᱟ ᱛᱟᱭᱚᱢ ᱥᱟᱜᱚᱨ ᱟᱨ ᱚᱱᱟ ᱥᱩᱨᱥᱩᱯᱩᱨ ᱴᱚᱴᱷᱟᱭ ᱥᱟᱥᱚᱱ ᱞᱮᱫ ᱛᱟᱦᱮᱸᱫ, ᱡᱚᱠᱷᱚᱱ ᱯᱮᱥᱣᱟ ᱫᱚ ᱱᱚᱣᱟ ᱴᱚᱴᱷᱟᱭ ᱥᱟᱥᱚᱱ ᱞᱮᱫ ᱛᱟᱦᱮᱸᱫ ᱾ ᱑᱘᱑᱘ ᱥᱮᱨᱢᱟ ᱨᱮ ᱯᱮᱥᱣᱟ ᱵᱟᱡᱤᱨᱟᱣ ᱫᱚᱥᱟᱨ ᱦᱚᱛᱮᱛᱮ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱴᱷᱟᱶ ᱵᱨᱤᱴᱤᱥ ᱥᱚᱨᱠᱟᱨ ᱮ ᱮᱢᱟᱫᱮ ᱛᱟᱦᱮᱸᱫ, ᱚᱠᱟ ᱫᱚ ᱥᱟᱜᱚᱨ ᱨᱮᱱᱟᱜ ᱱᱤᱛᱚᱜᱟᱜ ᱦᱚᱱᱚᱛ ᱫᱚ ᱑᱘᱑᱘ ᱟᱨ ᱑᱘᱖᱐ ᱥᱮᱨᱢᱟ ᱛᱟᱞᱟ ᱨᱮ ᱵᱨᱤᱴᱤᱥ ᱠᱚᱣᱟᱜ ᱛᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱑᱘᱖᱑ ᱥᱟᱞ ᱨᱮ ᱥᱟᱜᱚᱨ ᱟᱨ ᱱᱮᱨᱵᱩᱰᱰᱟ ᱴᱚᱴᱷᱟ (ᱱᱟᱜᱽᱯᱩᱨ ᱯᱚᱱᱚᱛ ᱥᱟᱶᱛᱮ) ᱫᱚ ᱢᱤᱫᱴᱟᱹᱝ ᱠᱚᱢᱤᱥᱚᱱᱚᱨ ᱯᱚᱱᱚᱛ ᱵᱮᱱᱟᱣ ᱠᱮᱫᱼᱟ ᱡᱟᱦᱟᱸ ᱫᱚ ᱛᱟᱞᱢᱟ ᱯᱚᱱᱚᱛ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱥᱟᱜᱚᱨ ᱫᱚ ᱑᱘᱖᱓-᱖᱔ ᱥᱮᱨᱢᱟ ᱫᱷᱟᱹᱨᱤᱡ ᱥᱟᱜᱚᱨ ᱠᱚᱢᱤᱥᱚᱱᱚᱨᱥᱤᱯ ᱟᱜ ᱦᱮᱰᱠᱩᱣᱟᱴᱚᱨ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱱᱚᱣᱟ ᱦᱚᱱᱚᱛ ᱫᱚ ᱡᱟᱵᱟᱞᱯᱩᱨ ᱠᱚᱢᱤᱥᱚᱱᱚᱨᱥᱤᱯ ᱨᱮ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱾ ᱥᱟᱞ ᱑᱙᱓᱒ ᱨᱮ, ᱫᱟᱦᱚᱦ ᱦᱚᱱᱚᱛ ᱫᱚ ᱥᱟᱜᱚᱨ ᱦᱚᱱᱚᱛ ᱨᱮ ᱡᱚᱲᱟᱣ ᱮᱱᱟ ᱟᱨ ᱥᱟᱵᱽᱼᱰᱤᱵᱤᱡᱚᱱ ᱞᱮᱠᱟᱛᱮ ᱥᱟᱥᱚᱱ ᱪᱟᱪᱞᱟᱣ ᱠᱟᱹᱢᱤ ᱪᱟᱞᱟᱜ ᱠᱟᱱᱟ ᱾ ᱑᱙᱕᱖ ᱥᱟᱞ ᱨᱮ, ᱱᱚᱣᱟ ᱫᱚ, ᱫᱟᱦᱚᱦ ᱥᱟᱵᱽᱼᱰᱤᱵᱤᱡᱚᱱ ᱫᱚ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱟᱨᱦᱚᱸ ᱢᱤᱫᱴᱟᱹᱝ ᱦᱚᱱᱚᱛ ᱵᱮᱱᱟᱣ ᱮᱱᱟ ᱟᱨ ᱥᱟᱜᱚᱨ ᱦᱚᱱᱚᱛ ᱨᱮ ᱯᱩᱱᱭᱟᱹ ᱛᱚᱦᱥᱤᱞ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱥᱚᱜᱚᱨ, ᱠᱷᱩᱨᱟᱭ, ᱨᱟᱦᱞᱤ, ᱵᱟᱸᱫᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱔᱖᱙,᱖᱘᱖ | — |
| ᱑᱙᱑᱑ | ᱕᱔᱑,᱒᱕᱖ | +1.43% |
| ᱑᱙᱒᱑ | ᱕᱒᱘,᱓᱘᱔ | −0.24% |
| ᱑᱙᱓᱑ | ᱕᱔᱔,᱙᱒᱘ | +0.31% |
| ᱑᱙᱔᱑ | ᱕᱙᱗,᱐᱔᱙ | +0.92% |
| ᱑᱙᱕᱑ | ᱖᱓᱖,᱑᱙᱑ | +0.64% |
| ᱑᱙᱖᱑ | ᱗᱙᱖,᱕᱔᱗ | +2.27% |
| ᱑᱙᱗᱑ | ᱑,᱐᱖᱒,᱒᱙᱑ | +2.92% |
| ᱑᱙᱘᱑ | ᱑,᱓᱒᱓,᱑᱓᱒ | +2.22% |
| ᱑᱙᱙᱑ | ᱑,᱖᱔᱗,᱗᱓᱖ | +2.22% |
| ᱒᱐᱐᱑ | ᱒,᱐᱒᱑,᱙᱘᱗ | +2.07% |
| ᱒᱐᱑᱑ | ᱒,᱓᱗᱘,᱔᱕᱘ | +1.64% |
| source:[᱖] | ||
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱥᱟᱜᱚᱨ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱒᱓,᱗᱘,᱔᱕᱘ ᱦᱚᱲ ᱢᱮᱱᱟᱜ ᱠᱚᱣᱟ,[᱒] ᱞᱟᱛᱵᱷᱤᱭᱟ ᱫᱤᱥᱚᱢ[᱘] ᱟᱨᱵᱟᱝ ᱟᱢᱮᱨᱤᱠᱟ ᱯᱚᱱᱚᱛ ᱨᱮᱱᱟᱜ ᱱᱤᱭᱩ ᱢᱮᱠᱥᱤᱠᱳ ᱥᱟᱞᱟᱜ ᱠᱚ ᱥᱚᱢᱟᱱ ᱜᱮᱭᱟ ᱾[᱙] ᱱᱚᱣᱟ ᱥᱤᱧᱚᱛ ᱨᱮ ᱑᱘᱘ ᱟᱱᱟᱜ (ᱜᱩᱴ ᱕᱔᱐ ᱠᱷᱚᱱ ᱫᱚ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾[᱒] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱒᱓᱒ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱖᱐᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜ ᱠᱚᱣᱟ ᱾[᱒] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱗.᱖᱒% ᱛᱟᱦᱮᱸ ᱠᱟᱱᱟ ᱾[᱒] ᱥᱟᱜᱚᱨ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱘᱙᱖ ᱛᱤᱨᱞᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ,[᱒] ᱟᱨ ᱥᱮᱪᱮᱫ ᱫᱚᱨ ᱫᱚ ᱗᱗.᱕᱓% ᱢᱮᱱᱟᱜᱼᱟ ᱾[᱒] ᱒᱙.᱘᱐% ᱦᱚᱲ ᱮᱞ ᱫᱚ ᱥᱚᱦᱚᱨᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱥᱤᱰᱭᱩᱞ ᱡᱟᱹᱛᱤ ᱫᱚ ᱒᱑.᱐᱙% ᱟᱨ ᱟᱹᱫᱤᱵᱟᱹᱥᱤ ᱫᱚ ᱙.᱓᱓% ᱢᱮᱱᱟᱜ ᱠᱚᱣᱟ ᱾[᱒]
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮ ᱙᱘.᱕᱒% ᱦᱚᱲ ᱫᱚ ᱦᱤᱱᱫᱤ ᱟᱨ ᱔᱒.᱙᱓% ᱵᱩᱱᱫᱮᱞᱤ ᱫᱚ ᱟᱡᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱟ ᱾[᱑᱐]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Suchandana Gupta (5 November 2003) Cong list causes dissent in MP, Digvijay worried. Times of India
- ↑ ᱒.᱐ ᱒.᱑ ᱒.᱒ ᱒.᱓ ᱒.᱔ ᱒.᱕ ᱒.᱖ ᱒.᱗ "District Census 2011". Census2011.co.in. 2011. Retrieved 30 September 2011.
- ↑ "a publication from archaeological survey of india, pg 1" (PDF).
- ↑ "Sagar Geography of Sagar Culture of Sagar Cuisine of Sagar Places of interest in Sagar Geographic coordinate of Sagar". www.brandbharat.com. Retrieved 2024-04-09.
- ↑ Jain, Arun K.; Sharma, A. N. (2006). The Beria (Rai Dancers): A Socio-demographic, Reproductive, and Child Health Care Practices Profile (in ᱟᱝᱜᱽᱨᱮᱡᱤ). Sarup & Sons. ISBN 978-81-7625-714-5.
- ↑ Decadal Variation In Population Since 1901
- ↑ "Table C-01 Population By Religion: Madhya Pradesh". census.gov.in. Registrar General and Census Commissioner of India.
- ↑ US Directorate of Intelligence. "Country Comparison:Population". Archived from the original on 27 September 2011. Retrieved 1 October 2011.
Latvia 2,204,708 July 2011 est.
- ↑ "2010 Resident Population Data". U. S. Census Bureau. Archived from the original on 27 December 2010. Retrieved 30 September 2011.
New Mexico – 2,059,179
- ↑ 2011 Census of India, Population By Mother Tongue
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
|
ᱟᱥᱚᱠᱱᱚᱜᱚᱨ ᱦᱚᱱᱚᱛ | ᱞᱚᱞᱤᱛᱯᱩᱨ ᱦᱚᱱᱚᱛ, ᱩᱛᱛᱚᱨ ᱯᱨᱚᱫᱮᱥ | ᱪᱷᱚᱛᱚᱨᱯᱩᱨ ᱦᱚᱱᱚᱛ |
|
| ᱵᱤᱫᱤᱥᱟ ᱦᱚᱱᱚᱛ | 
|
ᱫᱟᱢᱳᱦ ᱦᱚᱱᱚᱛ | ||
 ᱥᱟᱜᱚᱨ ᱦᱚᱱᱚᱛ 
| ||||
| ||||
| ᱨᱟᱭᱥᱮᱱ ᱦᱚᱱᱚᱛ | ᱱᱚᱨᱥᱤᱝᱯᱩᱨ ᱦᱚᱱᱚᱛ |
