ᱥᱟᱥᱟᱝ

ᱥᱟᱥᱟᱝ ᱫᱚ ᱢᱤᱫ ᱵᱩᱫᱟᱹ, ᱡᱟᱹᱛ ᱨᱮᱱᱟᱜ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ ᱥᱟᱫᱟᱨᱚᱱ ᱥᱟᱥᱟᱝ, ᱠᱟᱹᱯᱩᱨ ᱥᱟᱥᱟᱝ ᱟᱨ ᱵᱤᱨ ᱥᱟᱥᱟᱝ ᱾ ᱱᱚᱣᱟ ᱵᱮᱜᱚᱨ ᱟᱨᱦᱚᱸ ᱫᱟᱨᱮ ᱥᱟᱥᱟᱝ ᱢᱮᱱᱛᱮ ᱢᱤᱜ ᱢᱮᱱᱟᱜᱼᱟ ᱾ ᱫᱟᱨᱮ ᱥᱟᱥᱟᱝ ᱨᱮᱱᱟᱜ ᱜᱩᱱ ᱫᱚ ᱱᱚᱣᱟ ᱠᱷᱚᱱ ᱵᱷᱮᱜᱟᱨ ᱜᱮᱭᱟ ᱾ ᱥᱟᱥᱟᱝ ᱫᱟᱨᱮ ᱫᱚ ᱜᱚᱫᱽ ᱫᱟᱨᱮ ᱞᱮᱠᱟ ᱧᱮᱞᱚᱜᱼᱟ ᱟᱨ ᱥᱟᱠᱟᱢ ᱦᱚᱸ ᱜᱚᱫᱽ ᱥᱟᱠᱟᱢ ᱞᱮᱠᱟ ᱜᱮ ᱾ ᱥᱟᱹᱨᱩ ᱞᱮᱠᱟ ᱜᱮ ᱚᱛ ᱵᱷᱤᱛᱤᱨ ᱨᱮ ᱥᱟᱥᱟᱝ ᱫᱚ ᱫᱟ ᱟ ᱾ ᱥᱟᱠᱟᱢ ᱛᱤᱨᱢᱤᱫ ᱠᱟᱛᱮ ᱡᱤ ᱞᱮᱠᱷᱟᱱ ᱥᱟᱥᱟᱥᱟᱝ ᱨᱚᱱᱟᱜ ᱥᱚ ᱦᱤᱡᱩᱜᱼᱟ ᱾ ᱳᱰᱤᱥᱟ ᱨᱮᱱᱟᱜ ᱠᱚᱱᱫᱷᱚᱢᱟᱲ ᱡᱤᱞᱟᱹ ᱨᱮ ᱪᱟᱥ ᱦᱩᱭᱩᱜ ᱠᱟᱱ ᱥᱟᱥᱟᱝ ᱫᱚ ᱨᱚᱝ ᱟᱨ ᱜᱩᱱ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱᱟ ᱾

ᱥᱟᱥᱟᱝ ᱪᱟᱥ

ᱥᱟᱥᱟᱝ ᱨᱮᱱᱟᱜ ᱥᱟᱬᱮᱥ ᱧᱩᱛᱩᱢ ᱫᱚ ᱠᱩᱨᱠᱩ ᱢᱟᱞᱚᱝᱜᱟ ᱾ ᱱᱚᱣᱟ ᱪᱟᱥ ᱞᱟᱹᱜᱤᱫ ᱫᱚ ᱥᱟᱥᱟᱝ ᱜᱮ ᱠᱷᱟᱸᱰᱭᱟᱹ ᱠᱷᱟᱹᱰᱭᱟᱹ ᱦᱟᱜ ᱛᱚᱯᱟ ᱦᱩᱭᱩᱜᱼᱟ ᱾ ᱟᱨ ᱚᱸᱰᱮ ᱠᱷᱚᱱ ᱢᱤᱫ ᱢᱟᱨᱟᱝ ᱵᱩᱫᱟᱹ ᱚᱢᱚᱱᱚᱜᱼᱟ ᱾ ᱟᱹᱰᱤ ᱵᱟᱹᱲᱛᱤ ᱨᱮ ᱕ ᱯᱷᱩᱴ ᱜᱟᱱ ᱩᱥᱩᱞ ᱫᱟᱨᱮ ᱟ ᱟᱡ ᱚᱱᱟ ᱨᱮᱱᱟᱜ ᱨᱮ ᱡᱷᱟᱢᱯᱟ ᱡᱷᱩᱨᱟᱹ ᱫᱟ ᱚᱰᱚᱠᱚᱜᱼᱟ ᱾ ᱮᱦᱚᱵ ᱫᱚ ᱚᱱᱟ ᱠᱷᱟᱺᱰᱭᱟᱹ ᱥᱟᱥᱟᱝ ᱠᱷᱚᱱ ᱜᱮ ᱟᱹᱰᱤ ᱜᱟᱱ ᱥᱟᱠᱟᱢ ᱚᱰᱚᱠᱚᱜᱼᱟ ᱾ ᱥᱟᱠᱟᱢ ᱫᱚ ᱢᱤᱫ ᱯᱷᱩᱴ ᱠᱷᱚᱱ ᱡᱤᱞᱤᱧ ᱟᱨ ᱒-᱓ ᱤᱸᱪ ᱜᱟᱱ ᱚᱥᱟᱨ ᱦᱩᱭᱩᱜᱼᱟ ᱾ ᱵᱟᱱᱟᱨ ᱯᱟᱴᱷᱟ ᱥᱤᱨ ᱫᱚ ᱥᱚᱢᱟᱱ ᱜᱮ ᱟᱴᱮᱫ ᱠᱚᱜᱼᱟ ᱾ ᱥᱟᱥᱟᱝ ᱫᱷᱟᱨᱟ ᱜᱮ ᱵᱟᱦᱟ ᱦᱚᱸ ᱵᱟᱦᱟ ᱟ ᱢᱮᱱ ᱠᱷᱟᱱ ᱡᱚ ᱫᱚ ᱵᱟᱭ ᱡᱚ ᱟ ᱾ ᱱᱚᱣᱟ ᱨᱮᱱᱟᱜ ᱫᱟ ᱫᱚ ᱥᱟᱥᱟᱝ ᱞᱮᱠᱟᱛᱮ ᱵᱚᱱ ᱵᱮᱵᱷᱟᱨᱮᱜᱼᱟ ᱾ ᱟᱭᱢᱟ ᱫᱤᱥᱚᱢ ᱨᱮᱜᱮ ᱱᱚᱣᱟ ᱫᱚ ᱪᱟᱥ ᱦᱩᱭᱩᱜᱼᱟ ᱾ ᱳᱰᱤᱥᱟ ᱯᱚᱱᱚᱛ ᱨᱮ ᱫᱚ ᱠᱚᱱᱫᱷᱚᱢᱟᱬᱚ ᱟᱨ ᱯᱷᱩᱞᱵᱟᱬᱤ ᱦᱚᱱᱚᱛ ᱨᱮ ᱟᱹᱰᱤ ᱡᱩᱨ ᱪᱟᱥ ᱦᱩᱭᱩᱜᱼᱟ ᱾

ᱜᱩᱱ

ᱥᱟᱥᱟᱝ ᱨᱮ ᱫᱚ ᱠᱩᱨᱠᱩᱢᱤᱱ ᱧᱩᱛᱩᱢᱟᱜ ᱥᱟᱥᱟᱝ ᱨᱚᱝ ᱛᱟᱦᱮᱸᱱᱟ ᱾ ᱚᱱᱟ ᱥᱟᱶᱛᱮ ᱥᱚᱸᱫᱷᱟᱲ ᱥᱩᱱᱩᱢ ᱛᱟᱦᱮᱸᱱᱟ ᱾ ᱚᱱᱟᱛᱮ ᱥᱟᱥᱟᱝ ᱥᱟᱠᱟᱢ ᱛᱮ ᱯᱚᱴᱚᱢ ᱠᱟᱛᱮ ᱯᱤᱴᱷᱟᱹ ᱠᱚ ᱛᱮᱭᱟᱨᱟ ᱾

ᱵᱮᱵᱷᱟᱨ

ᱥᱟᱥᱟᱝ ᱫᱟᱨᱮ ᱨᱮᱱᱟᱜ ᱢᱩᱬ ᱫᱚ ᱨᱟᱞ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ ᱾ ᱥᱟᱥᱟᱝ ᱫᱟᱨᱮ ᱨᱮᱱᱟᱜ ᱱᱚᱣᱟ ᱨᱮᱦᱮᱫ ᱜᱮ ᱥᱟᱥᱟᱝ ᱫᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸ ᱫᱚ ᱵᱮᱨᱮᱞᱟᱜ ᱨᱚᱦᱚᱲ ᱠᱟᱛᱮ ᱠᱚ ᱵᱮᱵᱷᱟᱨᱟ ᱾

ᱜᱤᱫᱽᱨᱟᱹ ᱦᱩᱭᱮᱱ ᱟᱨᱵᱟᱝ ᱦᱟᱲᱟᱢ ᱵᱩᱰᱷᱤ ᱫᱤᱱ ᱦᱤᱞᱚᱜ ᱵᱮᱨᱮᱞ ᱥᱟᱥᱟᱝ ᱨᱟᱥᱟ ᱧᱩ ᱞᱮᱠᱷᱟᱱ ᱦᱚᱲᱢᱚ ᱨᱮ ᱫᱟᱲᱮᱭ ᱯᱮᱨᱮᱡᱟ ᱟᱨ ᱦᱚᱲᱢᱚ ᱨᱮᱱᱟᱜ ᱨᱩᱣᱟ

ᱠᱚᱭ ᱥᱟᱦᱟᱭᱟ ᱾

ᱨᱤᱫ ᱥᱟᱥᱟᱝ ᱦᱚᱲᱢᱚ ᱨᱮ ᱚᱡᱚᱜ ᱞᱮᱱ ᱠᱷᱟᱱ ᱦᱚᱲᱢᱚ ᱨᱮ ᱜᱷᱟᱣ ᱡᱟᱨ ᱵᱟᱝ ᱦᱩᱭᱩᱜᱼᱟ ᱟᱨ ᱧᱤᱫᱟᱹ ᱵᱮᱲᱟ ᱞᱟᱜᱟᱣ ᱠᱟᱛᱮᱢ ᱡᱟᱹᱨᱤᱫᱽ ᱠᱷᱟᱱ ᱡᱟᱹᱯᱤᱫ ᱵᱮᱥ ᱦᱤᱡᱩᱜᱼᱟ ᱾
ᱯᱤᱛ, ᱟᱢᱵᱚᱞ ᱮᱢᱟᱱ ᱨᱩᱣᱟᱹ ᱠᱚ ᱨᱮ ᱵᱮᱨᱮᱞ ᱥᱟᱥᱟᱝ ᱨᱟᱥᱟ ᱜᱩᱲ ᱥᱟᱞᱟᱜ ᱧᱩ ᱞᱮᱠᱷᱟᱱ ᱞᱟᱵᱽ ᱧᱟᱢᱚᱜᱼᱟ ᱾
ᱥᱟᱥᱟᱝ ᱫᱚ ᱢᱚᱥᱞᱟ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨ ᱜᱮᱭᱟ ᱾ ᱥᱤᱧᱚᱛ ᱨᱮ ᱱᱚᱣᱟ ᱫᱚ ᱠᱩᱥᱤᱭᱟᱱᱟᱜ ᱢᱚᱥᱞᱟ ᱠᱟᱱᱟ ᱾ ᱱᱚᱣᱟ ᱫᱚ ᱤᱥᱤᱱ ᱵᱟᱥᱟᱝᱟᱜ ᱨᱮ ᱨᱚᱝ ᱮ ᱨᱟᱠᱟᱵᱟ ᱾
ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱤᱥᱤᱱ ᱵᱟᱥᱟᱝ ᱨᱮ ᱫᱚ ᱟᱹᱰᱤ ᱡᱟᱹᱥᱛᱤ ᱥᱟᱥᱟᱝ ᱠᱚ ᱵᱮᱵᱷᱟᱨᱟ ᱾

ᱵᱟᱨᱦᱮ ᱡᱚᱱᱚᱲ

The Wiktionary entry for ᱥᱟᱥᱟᱝ
Turmeric, from the U.S. National Institutes of Health
Turmeric List of Chemicals (Dr. Duke's)
Plant Cultures: review of botany, history and uses Archived ᱒᱐᱐᱘-᱑᱐-᱐᱗ at the Wayback Machine.
Scientists say curry compound kills cancer cells Archived ᱒᱐᱑᱐-᱐᱔-᱒᱑ at the Wayback Machine.

ᱥᱟᱹᱠᱷᱭᱟᱹᱛ