آسٹریلیا وچ اسلام

آسٹریلیا وچ اسلام ہک اقلیتی مذہب ہے۔ 2011ء دی مردم شماری دے مطابق 476,291 تے 2.2 فیصد آسٹریلوی مسلمان ہن۔ ایہ تعداد اسلام کوں آسٹریلیا وچ چوتھا وݙا مذہب بݨیندی ہے۔ باقی مذاہب وچ مسیحیت (61.1%)، لادینیت (22.9%) تے بدھ مت (2.5%) ہیں۔ جزائر کوکوس وچ حالیہ مردم شماری دے مطابق مسلمان آبادی اپݨی زیادہ شرح پیدائش تے موجودہ غیر ملکی آباد کاری قانون دی وجہ نال زیادہ ہے، جیہڑی 60 % ہے۔ آسٹریلیا دی مسلم آبادی وچ 2030 ء تک 714،000 اضافہ متوقع ہے۔ آسٹریلیا وچ آباد مسلمانیں دی اکثریت سنی ہے۔ آسٹریلیا مسلم برادری نال مذہبی تعلق رکھݨ آلیاں دی وݙی حد تائیں وضاحت کیتی ڳئی ہے، آسٹریلیا وچ مسلم برادری ثقافتی لسانی تے نسلی طور بکھری ہوئی ھے

تاریخ

آسٹریلیا آوݨ والے ابتدائی مسلماناں دا تعلق انڈونیشیا نال ہئی تے اوہ ماہی گیر ہن۔ آسٹریلیا دے قدیم باشندیاں دے مسلماناں نال تعلقات ہن تے ابوریجنل سݙیجݨ والے ٻہوں سارے لوگاں کوں ہݨ تک اسلام نال دلچسپی ہے۔ قدیم آسٹریلوی باشندیاں کیتے ایبوریجینل دی اصطلاح دا استعمال یورپیاں نے شروع کیتا۔ اولین مسلمان انڈونیشیا دے مکاسانی باشندے ہن جیہڑے ماہی گیری دی غرض نال آسٹریلیا پہنچے ہن۔ ایہ لوگ پہلی واری آسٹریلیا کݙݨ آئے ہن اس دا تعین تاں حالی نی تھی سڳا لیکن لگ بھگ پنج سو سال دا اندازہ لویج سڳدا ہے.