గండిగుంట

గండిగుంట
—  రెవెన్యూయేతర గ్రామం  —
గండిగుంట ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	కృష్ణా
మండలం	వుయ్యూరు
ప్రభుత్వం
- సర్పంచి	శ్రీ గుండె రాంబాబు
పిన్ కోడ్	521165
ఎస్.టి.డి కోడ్	08676

గండిగుంట, కృష్ణా జిల్లా, ఉయ్యూరు మండలానికి చెందిన రెవెన్యూయేతర గ్రామం.

గ్రామ భౌగోళికం

ఇది సముద్రమట్టానికి 11 మీటర్ల ఎత్తులో ఉంది

సమీప గ్రామాలు

గుడివాడ, విజయవాడ, తెనాలి, మంగళగిరి

ప్రముఖులు

దండమూడి రాజగోపాలరావు - భారతదేశానికి చెందిన వెయిట్‌లిఫ్టింగ్ క్రీడాకారుడు. సినిమా నటుడు

• దండమూడి రాజగోపాలరావు - (అక్టోబరు 16, 1916 - ఆగష్టు 6, 1981) ఇతను భారతదేశానికి చెందిన వెయిట్‌లిఫ్టింగ్ క్రీడాకారుడు, "ఇండియన్ టార్జన్" అన్న బిరుదు పొందాడు.తెలుగు రంగస్థల, సినిమా నటుడు.1963లో విడుదలైన నర్తనశాల సినిమాలో, 1965లో విడుదలైన వీరాభిమన్యు సినిమాలో భీముడు పాత్ర పోషించాడు.

గ్రామ విశేషాలు

• "గండిగుంట" అది నిర్మలమైన గ్రామం. అక్కడ పచ్చని పొలాలు, తేట తేట చెరువులు, అహ్లాదకరమైన వాతావరణంతో ఉంటుంది.
• ఈ గ్రామానికి చెందిన దండమూడి ప్రసాదరావు 45 సంవత్సరాలనుండి పశుపోషకులు. ఇతను వరుసగా 10 సంవత్సరాల నుండి, గండిగుంట పాలకేంద్రంలో అత్యధికంగా పాలు సరఫరా చేసే పాల ఉత్పత్తిదారుగా, కృష్ణా జిల్లా పాలసంఘం అందించు ప్రోత్సాహక బహుమతులు అందుకుంటున్నాడు.

గ్రామానికి రవాణా సౌకర్యాలు

వుయ్యూరు, మానికొండ నుండి రోడ్డురవాణా సౌకర్యం ఉంది. రైల్వేస్టేషన్: విజయవాడ 33 కి.మీ.దూరంలో ఉంది.

గ్రామంలోని విద్యాసౌకర్యాలు

మండల పరిషత్తు ప్రాథమిక పాఠశాల, కాకానినగర్. రవీంద్రభారతి స్కూల్, నారాయణ టెక్నో ప్రాథమిక పాఠశాల, శ్రీ చైతన్య టెక్నో స్కూల్, ఉయ్యూరు

గ్రామంలోని మౌలిక సదుపాయాలు

వ్యవసాయ మార్కెట్ యార్డ్.

గ్రామ పంచాయతీ

2013 లో ఈ గ్రామ పంచాయతీకి జరిగిన ఎన్నికలలో సంగాని నాగకుమారి, సర్పంచిగా ఎన్నికైంది.

దర్శనీయ ప్రదేశాలు/దేవాలయాలు

శ్రీ కోదండరామస్వామివారి ఆలయం

ఈ ఆలయం స్థానిక ఎన్.టి.ఆర్.సర్కిల్ సమీపంలో ఉంది.

శ్రీ దత్త దేవాలయం

ఈ దేవాలయంలో, శ్రీ అనఘాసమేత దత్తదిగంబరస్వామి కొలువై యున్నారు. 19-11-2013 మంగళవారం నాడు స్వామి జయంతిని పురస్కరించుకొని ఆలయంలో వివిధ పూజలు నిర్వహించారు. స్వామివారి గ్రామోత్సవం, గోపూజ అనంతరం, లక్ష తులసి దళార్చనతో, దత్తాత్రేయునికి అర్చన చేశారు. లోకకళ్యాణార్ధం హోమం నిర్వహించారు. అన్నసమారాధన చేశారు.

ఈ క్షేత్రం ఏర్పడి 25 సంవత్సరాలు అయిన సందర్భంగా, 2016, జనవరి-9వ తేదీ శనివారంనాడు, మహాసంప్రోక్షణ-బ్రహ్మ కలశాభిషేకం, వేదపారాయణం, హోమాలు నిర్వహించారు.

శ్రీ అయ్యప్పస్వామి దేవస్థానం

ఈ దేవస్థానంలో, ఆలయ కమిటీ ఆధ్వర్యంలో, 2007 నుండి మాలలు ధరించిన అయ్యప్ప దీక్షాపరులకు ఉచిత అన్నసమారాధన కార్యక్రమం, బహు నియమనిష్ఠలతో జరుగుచున్నది. ఈ కార్యక్రమం ప్రతిసంవత్సరం నవంబరు 21 నుండి జనవరి 10 వరకూ జరుగుతుంది. ప్రతి రోజూ, ఉయ్యూరు, పమిడిముక్కల, తోట్లవల్లూరు మండలాలకు చెందిన 500 మంది అయ్యప్ప దీక్షాపరులు ఇక్కడ భోజనం చేస్తున్నారు. దీనికి దాతల సహకారం మరువలేనిది.

ఈ ఆలయంలో ఉపాలయంగా శ్రీ షిర్డీ సాయిబాబా ఆలయం ఉంది.

శ్రీ గంగానమ్మ తల్లి ఆలయం

ఈ ఆలయంలో అమ్మవారి విగ్రహప్రతిష్ఠా కార్యక్రమం, 2017, ఆగస్టు-12వతేదీ శనివారంనాడు వైభవంగా నిర్వహించారు.