Бёрнстерне Бёрнсон

Бёрнстерне Бёрнсон
норвегӣ: Bjørnstjerne Bjørnson
Ном ба ҳангоми таваллуд:	букмул Bjørnstjerne Martinius Bjørnson
Таърихи таваллуд:	8 декабр 1832(1832-12-08)[…]
Зодгоҳ:	Квикне[d], Union between Sweden and Norway[d]
Таърихи даргузашт:	26 апрел 1910(1910-04-26)[…] (77 сол)
Маҳалли даргузашт:	Порис, Фаронса
Шаҳрвандӣ (табаият):	Норвегия
Навъи фаъолият:	шоир, намоишноманавис, нависанда, рӯзноманигор, насрнавис, сиёсатмадор
Забони осор:	Забони норвегӣ ва забони даниягӣ
Ҷоизаҳо:	Ҷоизаи Нобел дар бахши адабиёт[d] (1903)
Имзо:
Парвандаҳо дар Викианбор

Бйёрнстйерне Мартиниус Бйёрнсон (норвегӣ: Bjørnstjerne Martinius Bjørnson; 8 декабри 1832, Квикне, Норвегия – 26 апрели 1910, Париж) — нависандаи норвегӣ. Барандаи ҷоизаи Нобел (1972).

Дар повести «Сюнёве Сулбаккен» (1857; ба тавассути он Б. чун нависанда шуҳрат ёфт) ва повестҳои «Ҷавони хушҳол» (1860), «Суруди тӯёна» (1872) ва ғ. Б. аз аҳвол ва рӯзгори мардуми деҳот бо тасвироти шоирона ҳикоя кардааст. Ҷиҳати басе ҷолиби эҷодиёти Б. таваҷҷуҳ ба ватандӯстӣ, эҳёи фарҳанги миллии мардуми Норвегия, худшиносии онҳо мебошад. Барои театрҳои шаҳрҳои Бергене ва Христиания намоишномаҳои романтикӣ дар мавзӯъҳои таърихи Норвегия таълиф намуд («Дар байни муҳорибаҳо», 1857; «Хулдаи ланг», 1858; «Шоҳ Сверре», 1861; «Сигурди бадхашм», 1862; «Сигурди салибдор», 1872) ва ғ. Намоишномаҳои иҷтимоӣ-танқидии ӯ: «Муфлисшавӣ» ва «Муҳаррир» чун «драмаҳои нав» дар мавзӯъҳои рӯз эътироф шуданд. Масъалаҳои иҷтимоӣ, ахлоқӣ ва динӣ дар намоишномаҳои «Подшоҳ» (1877), «Низоми ҷадид» (1879), «Дастпӯшак» (1883), романҳои «Ғубор» (1882), «Парчамҳо дар шаҳр ва бандар» (1884), «Дар роҳи Худо» (1889), асари дугонаи «Аз ҳамаи нерӯҳо қавитар» (1883–95), намоишномаҳои баъдинаи ӯ «Паул Ланге ва Тура Парсберг» (1898), «Ҷӯшиши шароби ноб» (1909) ва ғ. матраҳ гардидаанд. Б. муаллифи Суруди Миллии Норвегия «Бале, мо ин заминро дӯст медорем» (1859) мебошад.

Адабиёт

• Неустроев В. П. Литература скандиновских стран (1870–1970). М., 1980.

Сарчашма

• Бёрнсон, Бёрнстерне Мартинус // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.