Бродский, Иосиф Александрович
| Иосиф Александрович Бродский | |
 | |
| Вордскыкуз сётэм нимыз: |
ӟуч Иосиф Александрович Бродский |
|---|---|
| Вордскем дырыз: | |
| Вордскем интыез: | |
| Кулэм дырыз: |
28-тӥ толшоре 1996[1][4][…] (55 ар) |
| Кулэм интыез: | |
| Кунмуртлыкез (подданство): | |
| Ужан ӧнерез: |
кылбурчи[d][7], берыктӥсь[d][7], эссеист[d], гожъяськись[d], драматург[d], драматург-режиссёр[d] но преподаватель[d] |
| Жанр: | |
| Кинюртэмез: |
|
Ио́сиф Алекса́ндрович Бро́дский (вордскиз 1940-тӥ арын 24-тӥ мае Ленинградын, кулӥз 1996-тӥ арын 28-тӥ январе Нью-Йоркын, США) — ӟуч но американ кылбурчи, эссеист, драматург, берыктӥсь, 1987-тӥ арын литературая Нобель премилэн лауреатэз, 1991—тӥ-1992-тӥ аръёсы США-ысь поэт-лауреат. Тросгес кылбуръёсыз ӟуч кылын, нош эссеосыз - англи. XX даурысь одӥгез тодмоез кылбурчи.
Иосиф Александрович Бродский вордскиз Ленинградын. Солэн анаез бухгалтер вал, атаез — тодмо фотожурналист, ож аръёсы ужаз флотын корреспондент луыса. Иосифлэн анаез малпаз, корка вӧзысьтызы школа ляб шуыса, соин пизэ воргоронъёслэн школаязы, дорзылэсь кыдёке сётӥз (соку нылъёс но пиос дышетскизы нимаз). 1955-тӥ арын Бродский йылпумъяз сое но заводэ ужаны интыяськиз. Со вакытэ ик дышетӥз англи но поляк кылъёсыз.
Нырысетӥ кылбуръёссэ Иосиф Бродский 1957-тӥ арын гожтӥз. 60-тӥ аръёсы берыктон уж борды басьтӥськиз. Солы кельшизы славян но англи кылбурчиос. 60-тӥ аръёслэн пумазы Бродскийлэн нимыз Ленинградысь егитъёс но литератураен тунсыкъяськисьёс пӧлын тодмо вал ни.
1964-тӥ арын кылбурчиез пытсазы: солы пумит тунеядствоя уж ӝутӥзы, соя 5 арлы Архангельск улосысь Коношской ёросысь Норенская гуртэ ссылкае келязы. Отысь колхозын поэт пӧртэм ужез быдэстӥз, но тазалыкез лябен, солы лэзизы мукет ужен вырыны. Со фотограф луиз. Та дыре (1965-тӥ арын) кунгож сьӧрын, солы вератэк, солэсь нырысетӥ книгазэ поттӥзы. Поэт ачиз но тодмо вал ни, но эшшо палаз пыризы Анна Ахматова, Самуил Маршак, Дмитрий Шостакович но мукет тодмо адямиос, кудъёсызлэсь малпанзэс совето кивалтэт лыдэ басьтытэк ӧз быгаты. 1965-тӥ арын кылбурчилэсь ссылказэ вакчиятӥзы, одӥг но ӝыны ар ортчыса, дораз лэзизы.
Бродский Ленинградэ берытскиз. Кылбуръёссэ солэсь печатланы кышказы, соин ужъёссэ со «ӝӧказ» возиз. Трос аръёс ӵоже, кунгож сьӧры кошкытозяз, со 4 кылбурзэ гинэ поттыны быгатӥз. Солэн творчествоез калык пӧлы вӧлмиз но тодмо луиз «самиздат» понна гинэ. Вордскем караз улонэз нуналмысь секытгес но секытгес луиз. Выльысь басьтӥськиз берыктон уж борды, но кема ӧз чида - 1972-тӥ арын 4-тӥ июне СССР-ысь кошкиз, интыяськиз Нью-Йоркын. Отын профессор Бродский Саутхедлиын ӟуч но англи литературалэн историезъя дышетӥз, ӟуч кылбуръёс гожъяз, но выль кыл творчествояз пыӵатэк ӧз кыльы: 1973-тӥ арысен куд-ог кылбуръёссэ но эссеоссэ англи кылын кылдытъяз. 1987-тӥ арын Бродский Нобель премия утӥз (Бунин, Пастернак, Шолохов но Солженицын бере со витетӥ ӟуч кылбурчи луиз, кудӥзлы литература удысын та вылӥ премиез сётӥзы). 1987-тӥ арын «Новый мир» журнал поттӥз быдэс дуннелы тодмо луэм Бродскийлэсь кӧня ке кылбуръёссэ. Собере солэсь ужъёссэ поттыны кутскизы кунысь мукет газет-журналъёс но. Нош 1992-тӥ-1994-тӥ аръёсы Пушкинлэн фондэз, Бродскийлэсь ужъёссэ люкаса, дасяз но поттӥз 4 томен бичет. Озьы ик книгаосыз потӥзы кунгож сьӧрын но, тросгес - США-ын.
Палэнын улыса, кылбурчи дуннеез котыръяз, пӧртэм каръёсын лекциос лыдӟиз. Малпанъёссэ, шӧдонъёссэ гожъяз кылбуръёсаз, вакчи заметкаосаз, эссеосаз.
Иосиф Бродский кулӥз 1996-тӥ арын 28-тӥ январе Нью-Йоркын.
Валэктонъёс
[Тупатыны | бамлэсь кодзэ тупатоно]- ↑ 1,0 1,1 1,2 1,3 Record #118660136 // Общий нормативный контроль (GND) — 2012—2016.
- ↑ идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ SNAC — 2010.
- ↑ Find a Grave — 1996.
- ↑ Discogs — 2000.
- ↑ https://www.poets.org/poetsorg/poet/joseph-brodsky
- ↑ 7,0 7,1 Архив изобразительного искусства — 2003.
- 24-тӥ куартолэзе вордӥськемъёс
- 1940-тӥ арын вордӥськемъёс
- 28-тӥ толшоре кулэмъёс
- 1996-тӥ арын кулэмъёс
- Адямиос алфавитъя
- Гожъяськисьёс алфавитъя
- Кылбурчиос алфавитъя
- Эссеистъёс алфавитъя
- Драматургъёс алфавитъя
- СССР-ысь кылбурчиос
- СССР-ысь берыктӥсьёс
- СССР-ысь эссеистъёс
- СССР-ысь гожъяськисьёс
- СССР-ысь драматургъёс
- АОШ-ысь кылбурчиос
- АОШ-ысь берыктӥсьёс
- АОШ-ысь эссеистъёс
- АОШ-ысь гожъяськисьёс
- АОШ-ысь драматургъёс
- Нимо-дано адямиос
- Литература