Itachi Uchiha

Itachi Uchiha
Anime: Naruto, Naruto Shippuden obrazi
Muallif(lar)	Masashi Kishimoto
Ovoz bergan(lar)	Yapon tilida: Hideo Ishikava Yuka Terasaki (bolaligi) Ingliz tilida: Crispin Freeman Michelle Ruf (bolaligi)
Umumiy maʼlumotlar
Jinsi	Erkak
Unvoni	Jonin
Mansubligi	Akatsuki
Oilasi	Otasi: Fugaku Uchiha Onasi: Mikoto Uchiha Ukasi: Sasuke Uchiha

Itachi Uchiha (yaponcha: うちは イタチ Uchiha Itachi), Naruto nomli manga va anime seriyasidagi qahramonlardan biri.

Itachi Uchiha – Konoha qishlogʻida tugʻilib oʻsgan, Uchiha sulolasi vakili, eng kuchli ninzalardan biri. Mangekyou Sharingan koʻz texnikasiga ega, jang mahorati yuqori, S darajadagi ninza. Mangekyou Sharinganning uchta eng kuchli jutsulari: Amaterasu, Tsukuyomi va Susanooni qoʻllay oladi. Sasuke Uchihaning akasi.

Hayoti

Itachi Fugaku va Mikoto Uchihalarning katta farzandi. Bolalik davrida, 4 yoshligida III Yirik Ninza Urushiga guvoh boʻladi. Oʻlim va buzgʻunchiliklarni juda erta anglab yetgani tufayli pasifist insonga aylanadi. Oʻlim va hayotning haqiqatini anglab yetshga, tiriklik maʼnosini anglashga intiladi. 5 yoshida Shisui Uchiha bilan tanishadi va yaqin doʻstga aylanadi. 7 yoshida Shinobi Akademiyasini eng yuqori ball bilan bitiradi. 8 yoshida jamoadoshi Izuku Tenmaning oʻlimiga guvoh boʻlgach, Sharingani uygʻonadi. 10 yoshida Chunin imtihonlarini muvaffaqiyatli yakunlab, Chuninga aylanadi. 11 yoshida ANBU ga olinadi. 13 yoshida oʻz klani(sulolasi) Konoha qishlogʻiga qarshi urush boshlashidan xabar topgach, maxsus topshiriq asosida butun sulolasini yoʻq qiladi. Faqatgina oʻz ukasi, Sasuke Uchihanigina tirik qoldiradi.

Feʼl-atvori

Itachi sovuqqon xarakterga ega. Zimmasiga yuklatilgan vazifa tufayli yoki oʻzi toʻgʻri deb hisoblagan hollarida suiqasd qilishi mumkin. Bolaligida III Katta Ninza urushida ishtirok etishi uning xarakteriga katta taʼsir koʻrsatdi. Pasifist insonga aylanadi, majbur boʻlmagunicha birov bilan jang qilmaydi. Xuddi shaxmat oʻyinchisidek fikrlaydi, analiz qobiliyati juda kuchli rivojlangan.