Abramov Nikolai

Abramov Nikolai
veps.: Nikolai Abramov
Портрет
radmižen toižend:	runokirjutai, kändai, lehtezmez', kirjutai
sündundan dat:	24. viluku 1961(1961-01-24)
sündundan sijaduz:	Ladv, Vinnitskoye rural settlement[d], Podporožjen rajon, Leningradan agj, Vene NFSV[d], Nevondkundaližiden Socialistižiden Tazovaldkundoiden Ühtištuz
valdkund:	Nevondkundaližiden Socialistižiden Tazovaldkundoiden Ühtištuz  Venäma
kolendan dat:	23. viluku 2016(2016-01-23) (54 vot)
kolendan sijaduz:	Petroskoi, Venäma

Nikolai Viktorovič Abramov (ven.: Никола́й Ви́кторович Абра́мов; sünd. 24. viluku, 1961, Ladv-külä, Kos'kenaluižen rajon, Leningradan agj — kol. 23. viluku 2016, Petroskoi, Karjalan Tazovaldkund) oli Venälaižen Federacijan kirjutajiden ühtištusen ühtnii, vepsänkel'ne runokirjutai, lehtezmez', Bengtan Pohjaižen literaturan premijan (2006) laureat da Karjalan Tazovaldkundan premijan (2009) laureat. Abramov oli etnine vepsläine.

Biografii

Abramov oli sündnu Ladvaha, Podporožjen (Kos'kenaluižen) rajonha, Leningradan agjha vn 1961 24. päiväl vilukud. Keskškolan jäl'ghe Nikolai Abramov openzihe Leningradas da Karjalan valdkundaližes pedagogižes akademijas Petroskoiš. Nikolai Abramov oli vepsän Kodima-lehtesen toimitajan.

Abramovan vepsänkeližed da venäkel'žed runod oma paindud 1980-ndel vodelpäi. 1994-ndel vodel ozutihe «Koumekümne koume»-runokogodust, ezmäine vepsänkeline čomamahtoine kirj. Abramovan runod oma kätud suomen, estin, mad'jaran kelihe da toižihe kelihe.

Kirjutai oli otnus fotografijha professionaližikš literaturradon ližaks. Tegi koumed personališt fotoozutelendad Petroskoiš. Abramovan fotokuvad oliba ozutadud Venäman, Norvegijan i Ukrainan ozutelendoil, publikoitihe niid aiglehtesiš i fotoal'bomoiš.

Kirjad

• «Koumekümne koume» (ven.: Тридцать три). Petroskoi: «Karjal», 1994.
• «Kurgiden aig» (Время журавлей). Petroskoi: «Periodika», 1999.
• «Pagiškam, vell'» (Поговорим, брат). Petroskoi: «Periodika», 2005.

Toižed kirjad

• «Kahtišti koumekümne koume» (Дважды тридцать три). Runokogoduz vepsän da mad'jaran kelil, 2010.
• «Kurgede aeg» (Время журавлей). Runokogoduz estin kelel, 2010.
• «Les chants des forêts» (Песни леса, veps.: Mecan pajod). Runokogoduz vepsän da francijan kelil, 2011.
• «Оять-ёген рандал...» (На берегу реки Оять...). Kirilline runokogoduz, 2013.

Irdkosketused

• Nikolai Abramovan biografii Vepsän kul'turan Sebran veps-karelia.ru-saital. (ven.)
• Biografii Suomalaiž-ugrilaižiden runokirjutajiden Kahesanden kongressan lehtpolil, admhmao.ru-sait. (venäkelel)
• Karjalan televizijan «Kirjakamari»-oigenduz Nikolai Abramovas youtube.com-saital. (veps.) (+ venäkel'žed subtitrad)
• «Koumekümne koume»-runokirj Karjalan Rahvahaližen kirjišton library.karelia.ru-saital.
• «Kurgiden aig»-runokirj Karjalan Rahvahaližen kirjišton library.karelia.ru-saital.