Mendelejevsk

Mendelejevsk
Менделеевск (ven.)
Менделеевск / Mendeleyevsk (tot.)
	Lidnanznam;
Valdkund	Venäma
Eläjiden lugu (2022)	21,606 ristitud
Pind	30,65 km²
Pämez'	Radmir Beläjev; (kül'mku 2021—)
Telefonkod	+7−85 549-xx-xxx
Avtokod	16, 116, 716
Aigvö	UTC+3 (MSK+0)

Mendelejevsk (ven.: Менделе́евск, tot.: Менделеевск / Mendeleyevsk vai Менделеев шәһәре) om Venäman lidn Tatarstanan Tazovaldkundan pohjoižpäivnouzmas, mülüb Alakaman lidnaglomeracijha. Lidn om Mendelejevskan rajonan administrativine keskuz i üks'jäine lidn, mülüb rajonha lidnankundaks.

Istorii

Eländpunktan aluz om pandud vl 1868 kuti Bondüžskii-žilo läz himišt tegint. Vspäi 1928 oli lidnanvuiččeks Bondüžsk-žiloks. Žilo sai lidnan statusad vl 1967 nügüdläiženke nimenke Dmitrii Mendelejev-tedomehen muštoks, hän oli tegimen radnikan.

Mendelejevsk šingotase järedal himižel tegimel^[1] (himižed i zell'substancijad, sauvondmaterialad).

Geografijan andmused

Lidn sijadase Kamanjogen oiktal randal da sen Toim-ližajogen randoil, 100 m keskmäižel korktusel valdmeren pindan päl. Matkad Kazanihesai om 238 km päivlaskmha.

Mendelejevsk om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 22 075 ristitud, rajonan ristitišton seičeme kümnendest. Kaikiš suremb lidnan ristitišt om läz 22 tuhad eläjid vodespäi 2002 (22 257 rist. vl 2009).

Rahvahad (enamba 1% vl 2010): totarlaižed — 51,4%, venälaižed — 39,0%, udmurtalaižed — 3,1%, marilaižed — 3,0%, toižed rahvahad — 3,5%.

Islaman «Tan»-pühäpert' om lidnas, toine «Husain»-mečet' linneb avaitud vn 2022 elokus. Ortodoksižen hristanuskondan viž pühäpertid^[2] oma olmas: nell' jumalanpertid i časoun'.

Professionaližen opendusen aluzkundad ratas lähembaižiš lidnoiš. Uz' himiž-tehnologine kolledž projektiruiše i linneb vaumitud vn 2024 sügüz'kule.

Edeline lidnan i rajonan pämez' om Valerii Čeršincev (sügüz'ku 2015 — kül'mku 2021).

Galerei

Lidnan da rajonan tobmuden sauvuz (2010)
«Tan»-mečet', vn 2007 nägu
Himine tegim L.Ja. Karpovan nimed vl 2007
Kul'turkeskuz Sergei Gassar-revolücioneran nimed (2016)
Vägimehiden allei (2016)

Homaičendad

↑ Himižen tegimen Karpovan nimed sait (karpovchem.ru). (ven.) (angl.)
↑ Mendelejevskan pühäpertid sobory.ru-saital. (ven.)

Irdkosketused

Lidnan da Mendelejevskan rajonan sait (mendeleevsk.tatarstan.ru) Tatarstanan Tazovaldkundan tobmuden portalal. (tot.) (ven.)

Mendelejevsk Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Himižen tegimen Karpovan nimed sait (karpovchem.ru). (ven.) (angl.)

[2] Mendelejevskan pühäpertid sobory.ru-saital. (ven.)

[1]

[2]