აბუ ჰანიფა დინავარი
| აბუ ჰანიფა დინავარი | |
| სპარს: ابوحنيفه دينوری | |
 | |
| დაბადებაშ თარიღი: |
815 (ვარდა 828) |
|---|---|
| დაბადებაშ აბანი: | |
| ღურაშ თარიღი: |
895 (ვარდა 896) |
| ღურაშ აბანი: |
დინავარი, ჯიბალი, აბასიდეფიშ ხალიფატი |
| ომენცარე სფერო: |
ასტრონომია, |
აბუ ჰანიფა აჰმად იბნ დავუდ დინავარი (სპარს. ابوحنيفه دينوری, დ. 815 (ვარდა 828), დინავარი, ჯიბალი, აბასიდეფიშ ხალიფატი — ღ. 895 (ვარდა 896), დინავარი, ჯიბალი, აბასიდეფიშ ხალიფატი) — სპარსალი ასტრონომი, გეოგრაფი, ისტორიკოსი, მათემატიკოსი, ბოტანიკოსი, მეტალურგი დო აგრონომი.
აბუ ჰანიფა დინავარიქ დებადჷ ჯვეში სპარსეთიშ ნოღა დინავარს. გურაფულენდჷ გრამატიკას, ფილოლოგიას, გეომეტრიას, არითმეტიკას დო ასტრონომიას. თიში არძაშე შანულამი ნახანდი რე "ჩანარეფიშ წინგი". დინავარი მერჩქინელი რე არაბული ბოტანიკაშ დუმარსხუაფალო. ჩანარეფიშ წინგი იკათუანდჷ 6 ტომს. თეხანური პერიოდიშა მაჭირინუ ხვალე მასუმა დო მახუთა ტომეფქ. დინავარიშ ჸათე წინგის უკულიანი პერიოდიშ ბრელი მენცარი ციტირენს დო შილებე შხვა დინაფილი ტომეფიშ რეკონსტრუქცია. დინავარი ეთმოჭარუნს ჩანარეფიშ რდუალაშ ფაზეფს. წინგიშ ეჭარილი რე ჸეთი ორთაშობური მოლინეფი (ბჟა, თუთაშ ფაზეფი, პლანეტეფი, სეზონეფი, ჭვემა, თირი, ჩხანა, ბორია, წყარალა), ნამუეფსჷთ უღუ გოლინა ჩანარეფიშ რდუალაშ პროცესიშა. დინავარი მუში ნაჭარეფს ციტირენს შხვა, წოხოლიან ავტორეფს გიშაკერზაფილო მუჰამად ალ-შაიბანის, იბნ ას-სიკიტის დო შხვეფს.
დინავარი, თაშნეშე რე ავტორი "ზოგადი ისტორია"-შ, ნამუთ ჭარილი რე სპარსული პერსპექტივაშე. თინა ირინუანს არაბულ დო სპარსულ ისტორიულ, თაშნეშე ეპიკური ხასიათიშ წყუეფს.
მავითა ოშწანურაშ ბიოგრაფიული ენციკლოპედიაშ - წინგეფიშ კატალოგიშ ავტორი იბნ ალ-ნადიმი დინავარის მითმიოჭარანს 16 წინგიშ ავტორობას, ნამუეფით უმოსო ორხველჷ მათემატიკას დო ორთაშობური მენცარობეფს.
რესურსეფი ინტერნეტის
[რედაქტირაფა | წყუშ რედაქტირაფა]- აბუ ჰანიფა დინავარი ენციკლოპედია ბრიტანიკას
- ჩანარეფიშ წინგი
