中西區 (香港)
閱讀設定
| |||
地區 | 香港島 | ||
大細 | 12.4平方公里(第12位) | ||
人口(2006年) | 250,064(第16位) | ||
人口密度 | 20,102/平方公里(第6位) | ||
成立日期 | |||
區議會主席 | 鄭麗琼 | ||
區議會選區數 | 15 |
中西區(粵拼:zung1 sai1 keoi1;英文:Central and Western District)係香港十八區之一,地處香港島西北沿岸,背山面海,東起金鐘,西至堅尼地城,北面係維多利亞港,南面係太平山頂,其中青洲門間有大、小青洲,離遠望見汲水門。開埠前香港人多數住喺中西區,早期群帶路得50個人,而石塘咀石礦場得25個人。根據2016年香港中期人口統計,人口有243,266[1]。中西區係香港嘅中心商業區,有大量寫字樓、商場以及交通樞紐。其中,西區係香港最早發展嘅地區之一。
風物
[編輯]中西區有好多舊建築,印證舊英國殖民時代。其中中區有總督府、高等法院、中央裁判司署、域多利監獄、中央警署、維多利亞軍營、三軍司令官邸,而喺西區,有摩星嶺炮台、龍虎山炮台、卑路乍炮台咁。舊時英國佬將雅賓利道以東愛嚟軍用,西便山坡就愛嚟政用,重改名政府山(又稱鐵崗)。
掌故
[編輯]1841年1月26號,英軍於上環水坑口登陸,其後興建卑路乍炮台。初時英軍走趯於港島西北海皮對入三千呎埞方,先有中環、上環、再去到西環,及後重上埋太平山,故此今時今日有半山區同埋山頂區。
名勝
[編輯]交通
[編輯]- 其中,金鐘站係港島綫、荃灣綫、南港島綫同東鐵綫嘅四線轉車站,成為四條鐵路線嘅超級轉車站。而中環站同香港站嘅收費區係連埋一齊,並且有自動行人道連接,可以轉乘港島綫、荃灣綫、東涌綫同機場快綫。
- 九龍巴士:過海路線經過其中一條過海隧道來往九龍、新界。
- 中華巴士(歷史):香港島內嘅交通以及過海路線。
- 新世界第一巴士(歷史):香港島內嘅交通以及過海路線。
- 城巴:香港島內嘅交通以及過海路線。
- 公共小巴:多數係接駁香港島內部嘅地方去交通樞紐、亦有唔少過海線。
- 中環天星碼頭:往來尖沙咀天星碼頭。
- 中環碼頭:往來各個離島。
- 港澳碼頭:往來澳門以及一啲中國大陸城市。
- 香港電車:服務範圍包括本區由堅尼地城去到金鐘,再去到東邊嘅各個旺區,譬如灣仔銅鑼灣,同埋冇鐵路服務嘅地方,譬如跑馬地。
- 山頂纜車:往來中環花園同太平山。
- 中環至半山自動扶手電梯:往來中環至半山區。
- 中區行人天橋系統:上環、中環、金鐘密集嘅行人天橋網絡為市民提供安全快捷嘅步行選擇來往各個寫字樓、商場、交通樞紐。
附近
[編輯]攷
[編輯]- ↑ 〈地區概覽 | 2016年中期人口統計〉。www.bycensus2016.gov.hk。喺2021-04-28搵到。
|