吳孟達
| 吳孟達 | |||||
|---|---|---|---|---|---|
| 男演員 | |||||
| 英文名 | Ng Man Tat | ||||
| 花名 | 達哥、達叔、三叔 | ||||
| 國籍 |  中國（香港） | ||||
| 籍貫 | 福建廈門 | ||||
| 出世 | 1952年1月2號[1] 中國福建廈門 | ||||
| 死 | 2021年2月27號（69歲） 香港 | ||||
| 墓地 |  馬來西亞柔佛州新山 | ||||
| 職業 | 演員 | ||||
| 宗教信仰 | 基督教（早年信佛教） | ||||
| 網路電影資料庫（IMDb）資訊 | |||||
| |||||
吳孟達（Ng Mang Tat，1952年1月2號—2021年2月27號）係香港影視演員，因為成日同周星馳合作演出而為人所熟悉。
生平
[編輯]吳孟達喺福建廈門出世，五歲移居香港，1970年代投考無綫電視藝員培訓班，同期考入嘅重有周潤發同導演林嶺東，以排第五名嘅成績畢業。吳孟達響1975年就經已響無綫電視做配角，拍過無數電視劇，不過一直都冇乜人氣。佢最早嘅演出係《民間傳奇》系列，至1979年佢響《楚留香傳奇》飾演「胡鐵花」，就開始受到注意。
吳孟達講過吓佢啱啱出道嗰陣嘅情形。嗰陣爛賭，到1980年唔單止爭人30萬蚊賭債，重俾無綫雪起，搞到佢想自殺。後來佢修心養性，重新努力，好好研究演技，終於成功爬返起身，重還晒冚嘭唥債。佢唔單止重新喺電視熒幕出現，1981年仲參演咗生平第一部電影《執法者》。
1989年佢同周星馳拍攝《他來自江湖》之後大受歡迎，佢就噉開始紅。日後佢轉戰影壇，拍嘅戲，都幾乎清一色由周星馳主演。佢喺1990年開始進軍電影界，嗰年佢就憑周星馳主演嘅《賭聖》獲提名嗰年香港電影金像獎最佳男配角，到1991年佢終於憑《天若有情》，榮獲金像獎最佳男配角獎。
吳孟達喺電影生涯幾十年，實際上都冇一部係自己領銜主演。但相對其他配角演員，吳孟達就係少數靠演配角而走紅海內外嘅演員。佢參演過嘅唔少電影入面，最為人熟悉嘅都係周星馳電影：《賭聖》、《逃學威龍》、《鹿鼎記》、《審死官》、《逃學威龍2》、《破壞之王》、《九品芝麻官之白面包青天》、《百變星君》、《食神》、《少林足球》等等。其中1990年上演嘅《賭聖》票房勁收四千萬，破咗歷來港產片票房紀錄。1992年周星馳主演嘅五部戲包辦嗰年度票房榜頭五位，其中三部都有吳孟達份。到2001年佢參演嘅《少林足球》再破歷來港產片票房紀錄，收六千幾萬。多年來吳孟達同周星馳合作無間，使到連海峽兩岸一提起吳孟達，亦都會聯想起周星馳，稱之為「搞笑男二號」。[2]
九十年代尾港產片市道不景，吳孟達喺港產片演出大為減少，主要仍然喺周星馳電影亮相。呢段期間佢喺大陸同台灣不斷接演劇集，比較成功嘅係台劇《白色巨塔》同埋大陸戲《流浪地球》。
2021年2月27號因肝癌病逝[3]，之後佢嘅骨灰運咗去馬來西亞新山安葬。
信仰
[編輯]吳孟達廿幾歲已經係佛教徒，亦都信觀音菩薩、關聖帝君、呂祖師、黃大仙咁多神佛。2015年之後唔知幾時改信基督教，喪禮用基督教儀式舉行。
作品
[編輯]連續劇
[編輯]網絡電視劇
[編輯]- 2017年：反黑 飾 豬油
電影
[編輯]- 逃學威龍
- 逃學威龍2
- 破壞之王4
- 白面包青天3
- 食神
- 喜劇之王2
- 天若有情
- 笑林小子之新烏龍院
- 行運一條龍
- 少林足球
- 賭聖
- 賭俠
- 新烏龍院1
- 新烏龍院2
- 與龍共舞
- 九品芝麻官
- 敗豪
- 臭屁文
- 賭神
- 濟公
- 整蠱專家
- 絕代雙嬌
- 賭俠2
- 流浪地球
- 五億探長雷洛傳
- 都市情緣
- 蠟筆小小生
- 水滸笑傳
- 娛樂之王
- 武狀元蘇乞兒
參考
[編輯]- ↑ 〈出生年份眾說紛紜 田啟文解開吳孟達真實年齡之謎〉。《明報OL》。
- ↑ 〈影壇中的「搞笑男二號」，誰還記得他？〉。kknews.cc 每日頭條。2017-12-06。喺2021-03-10搵到。
{{cite web}}: CS1 maint: url-status (link) - ↑ 黃梓桓 (2021-02-27)。〈吳孟達入院多時終不敵肝癌逝世 終年70歲〉。香港01。喺2021-02-27搵到。
出面網頁
[編輯]