地幔

地幔（粵拼：dei6 maan6）係地殼同地核之間嘅一個部位，一般喺地面以下33公里——2900公里之間嘅部位，總共霸咗地球總體積嘅83.3%。由於佢喺地殼同地核嘅中間，所以佢重可以嗌中間層（粵拼：zung1 gaan1 cang4）。

結構

地幔可以分成上下兩層。其中上地幔係由Si、O、Fe、Mg等元素嚟組成，而Fe同Mg嘅含量方面，重多過地殼嘅Fe同Mg嘅含量，所以呢層重可以嗌「地幔矽鎂層」。通常噉話，呢度啲嘢都係話係熔化或融化咗又得，話未熔化或融化咗又得嘅形態，好似條傳輸帶噉帶住地殼慢慢噉移，重督促埋地球下層同上層嘅物質搞交換。重有嘅係，呢度係岩漿嘅發源地，喺地殼嗰度成日見到嘅玄武岩就喺呢度嘅橄欖岩分離出密度較低、矽含量較高嘅部分嚟嘅。而下地幔除咗SiO₃^-嘅岩石之外，由於金屬嘅O^2-同S^2-越嚟越多，所以佢啲嘢嘅比重方面，重犀利過上層地幔，而且佢哋都係固體嚟嘅。

推算

根據科學家嘅推算，地幔層嘅溫度可以去到1000——2100℃到，入面嘅壓力可以去到9——387MPa。而入面啲嘢嘅密度可以去到3.3——4.6g/cm³。喺咁高嘅溫度同高密度嘅環境條件入面，啲嘢幾乎喺塑料性嘅固體狀態。就好似瀝青噉，喺短時間入面有固體嘅性質，但係時間一耐咗就發生變形，啲嘢就搞到半個塑料噉嘅樣出嚟。如估喺地幔嘅上層，由於佢啲壓力比較細，加上物質又好似話係熔化或融化咗又得，話未熔化或融化咗又得嘅形態，所以又可以嗌成「軟流層」，而地殼就喺呢個軟流層嘅上面。如估喺地殼比較淺又薄嘅地區出現咗裂縫嘅話，入面啲岩漿就跟住裂縫行出嚟地面嗰度而形成火山爆發。

有關嘅書

中国少年儿童百科全书第111页　浙江教育出版社 ISBN·7-5338-1946-2/G·1942
何春蓀，普通地質學，國立編譯馆主編，五南圖書出版公司印行，1981，頁373

睇埋