地球嘅將來

地球俾紅巨星太陽燒做一塊焦土嘅想像圖

地球嘅將來涉及科學家對「地球第時會變成點嘅樣」嘅猜想。

最終命運

根據天體物理學上嘅研究估計，响 50 億年之後，太陽同好多恆星一樣，會變做一粒紅巨星（Red giant），地表呢個時候已經形成唔到生物生存必需嘅複雜分子。個模型預測太陽將會膨脹，直徑會變成而家嘅 250 倍，亦即係大約 1 AU（150,000,000 公里）。據估計，地球跟住落嚟嘅命運係點好難講：變做紅巨星嗰陣，太陽會冇咗 30% 嘅質量，所以如果唔考慮潮汐嘅影響，當太陽體積最大嗰陣，地球會郁到去大約距離太陽 1.7 AU（250,000,000 公里）咁遠，噉就會擺脫俾膨脹嘅太陽吞噬嘅命運；但就算係噉，太陽嘅光度峰值將會變成而家嘅 5,000 倍，地球上淨低嘅生物都走唔甩，冚唪唥都會俾極之猛烈嘅陽光摧毀。

睇埋

• 氣候變化
• 太陽系