汕頭
 |
| 汕頭 | |
|---|---|
 汕頭天際線 | |
| ---- | |
| 花名：汕、鮀城、沙汕頭 | |
 汕頭位置圖 | |
| 經緯度 | |
| 國 |  中華人民共和國 |
| 省 | 廣東 |
| 地級政區 | 地級市 |
| 市長 | 曾風保 |
| 市委書記 | 溫湛濱 |
| 總面積 | 2199.04 km² |
| 人口 | |
| 總人口(2015) | 555.21萬人 |
| 市區 | 549.01萬人 |
| 時間 | |
| 時區 | 中國時區（UTC+8） |
| ---- | |
| 網站： 汕頭市府 | |
汕頭（粵拼：saan3 tau4；潮州話：Suan-thâu；英文：Swatow），古稱沙汕頭，係廣東東部大埠。今爲中華人民共和國地級市，叫汕頭市。大清時爲汕頭埠，中華民國開始行政爲市。中華人民共和國改革開放，設經濟特區，叫汕頭經濟特區。
汕頭地勢平坦，有山護埠，東北接潮州饒平縣，北鄰潮州潮安縣，西鄰揭陽揭東縣、普寧市，西南接惠來縣，東南瀕臨南中國海。
地理
[編輯]汕頭市全境處於東經116°14′40″至117°19′35″同埋北緯23°02′33″至23°38′50″之間，北回歸線穿過市區北域。汕頭市位處喺潮汕嘅平原，得西北部有小片丘陵。主要嘅山有桑浦山、長得龍山、龍坑山、香爐山，榕江及紅蓮池河、鮑齊河嘅橫貫市區，榕江口有媽嶼島、德州嶼島嶼。氣候喺南亞熱帶海洋性嘅氣候，全年氣候溫和。秋天有颱風，年均降水量2420毫米。年溫21.3℃，1月13.1℃，7月28.3℃。
史
[編輯]考古證明，汕頭係一嗰漁村。喺大宋時，汕頭係揭陽縣鴕江都漁村。元代叫為廈嶺。一五六三年，明嘉靖四十二年，汕頭變成潮州府澄海縣嘅一部分。一五七四年，明萬曆二年，汕頭稱為沙汕坪。大清康熙五十六年，政府喺度築炮臺，並改稱「沙汕頭」，有沙汕頭炮臺，雍正、乾隆期間，逐漸減筆為汕頭。乾隆二十一年，清政府喺媽嶼島設立常關。
第二次鴉片戰爭後，由於潮州城民強烈反抗，外國人主動放棄喺城貿易，改喺相對安全嘅汕頭貿易。咸豐十年，應西方列強要求，汕頭正式對外開市。汕頭由地理優越同安全，慢慢過咗潮州，變成咗粵東經濟要地。
一八六零年汕頭開埠，係近代中國最早一批埠對外開放。喺二十世紀初到卅年代，汕頭港口吞吐量，曾居中國第三，商業之盛居全國第七，係粵東、閩西南、贛東南嘅交通樞紐、進出港口同埋商品嘅集散地。
一九二一年，汕頭立市政廳，同澄海分治，但重係屬嘅潮循道管。一九五八年，設立汕頭專區，潮汕地區嘅行政、文化中心向汕頭移。一九八一年，立汕頭經濟特區。一九九一年，調整行政區域，潮汕分三市，汕頭市變咗其中一市。
政區
[編輯]全市分成6個區，澄海、金平、龍湖、濠江、潮陽、潮南，以及南澳縣。
| 汕頭政區圖 |
|---|
文化
[編輯]語言
[編輯]汕頭嘅主要語言係潮州話。
僑鄉
[編輯]離鄉到外華僑三百三十五萬人，分佈喺世界卌多個國地。
國際交流
[編輯]
日本岸和田市（1990年6月2日締結為友好城市）
加拿大聖約翰斯（1997年2月28日締結為友好城市）
越南芹苴市（2005年8月1日締結為友好城市）
美國奧蘭多市（2007年8月8日締結為友好城市）
韓國平澤市（2003年3月25日締結為友好交流城市）
澳洲費菲市（2005年4月26日締結為友好交流城市）
馬來西亞山打根（2009年5月28日締結為友好交流城市）[1]。
參考
[編輯]- ↑ 〈汕头友好城市、友好交流城市〉 (简体中文)。汕头市政府门户网。原著喺2009-08-04歸檔。喺2009-12-24搵到。
{{cite web}}: CS1 maint: unrecognized language (link)
出面網頁
[編輯]
