東山口站

東山口 Dongshankou
東山口站（6號綫）嘅站名
概覽
位置	越秀區中山二路同埋中山一路、農林下路、署前路、東華北路交界嘅地底
座標	23°7′26.8″N 113°17′43.04″E
車站色	1號綫：　+　花崗岩 6號綫：
經過路線	1 6
啟站	1號綫：1999年6月28號 6號綫：2013年12月28號
月台數	2
站口數	4
營運資訊
車站服務時間	06:16-23:30
列車服務時間	06:11-23:43
廣州地鐵1號綫 西朗站　◄烈士陵園站 楊箕站►　廣州東站
廣州地鐵6號綫 潯峰崗站　◄東湖站 區莊站►　長湴站

東山口站（粵拼：dung1 saan1 hau2 zaam6，英文：Dongshankou Station）係廣州地鐵1號綫同6號綫嘅轉車車站，喺1999年6月28號開始營運。呢個站喺越秀區中山二路、中山一路、農林下路、署前路、東華北路嘅交界地底，有4個出入口。爾個站嘅1號綫區域喺1999年6月28號開放，而6號綫區域喺2013年12月28號開放。

車站嘅結構

樓層

垂直結構

地下 一樓	站廳	站廳、換乘通道、售票機、客服中心
地下 二樓	月臺	←1號綫列車往烈士陵園站（西朗方向）
	島式月台，開左邊門
	月臺	1號綫列車往楊箕站（廣州東站方向）→
	6號綫設備區	車站設備，緩衝層
地下 三樓	6號綫設備區	車站設備
地下 四樓	月臺	←6號綫列車往區莊站（長湴方向）
	島式月台，開左邊門
	月臺	6號綫列車往東湖站（潯峰崗方向）→

水平結構

東山口站嘅1號綫站廳	東山口站嘅1號綫月台
東山口站嘅6號綫站廳	東山口嘅6號綫月台（行潯峰崗嗰邊）

站廳

東山口站有2個站廳，分別係：

• 1號綫站廳
• 6號綫站廳
• 轉車通道

而車站嘅兩個收費區都係用咗轉車通道連埋一齊，而且免費區都喺嗮出面嘅過街隧道。成個車站都俾人行通道、車站商舖圍住嗮。而車站嘅商舖方面，都喺嗮1號綫嘅站廳嗰頭。而1號綫同6號綫站廳嘅收費區都有扶手電梯同樓梯去到月台都得；雖然話6號綫嗰邊有好多部𨋢可以去到月台，但係1號綫嗰邊就冇呢啲嘢玩喇。因為1號綫嘅專用𨋢喺車站嘅東邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

月台

呢個站嘅1號綫月台就喺中山一路嘅地底，而6號綫月台就響署前路嘅地底。

東山口站嘅月台全景

1號綫嘅月台全景（去西朗嗰邊，喺2014年8月30號影。）

6號綫嘅月台全景（去長湴嗰邊，喺2014年8月30號影。）

另外，呢個站嘅1號綫月台東邊有袋狀軌響度。如估1號綫東邊嗰橛出咗故障嘅話，去廣州東站嘅列車就喺呢個站返轉頭站。

商舖同自助服務

而家嘅東山口站入面有好多唔同類嘅鋪頭畀乘客買嘢同埋食嘢，好似有便利檔、糖果舖同洗衫舖等。

另外，東山口站入面重有好多自助服務設施畀乘客用，包括咗建設銀行嘅自動櫃員機、自動販賣機、羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。下面有寫清楚呢個站係有乜鋪頭同自助服務響度：

商舖 美心西餅 7-Eleven 手作坊 建行越秀支行 棉元素

自助服務 中國建設銀行自動櫃員機 招商銀行自動櫃員機 M-Touch地鐵資料查詢 好易（Hotye）多媒體自助服務終端 羊城通充值機 自動販賣機

出入口

東山口站冚唪唥嘅出入口
C出入口 C出入口  D出入口 D出入口  E出入口 E出入口  F出入口 F出入口

編號	標記	方位	去到邊度
1號綫站廳
出入口C	農林下路	西北	市政過街通道、廣東電信廣場、沃爾瑪錦軒店、廣州王府井百貨、廣百百貨東山店、廣百商宜養生食品城、東山百貨大樓、金城賓館、農林下路、三育路、廣藥附屬一院、東山口電車總站、農林下路（廣藥附屬一院）巴士站
出入口D	農林上路	東北	中山一路、達道路、省人大、農林上路、農林東公交站
6號綫站廳
出入口E	中山一路	東南	中山一路、達道路、共青團廣東省委員會、越秀區少年宮、廣州市第七中學、廣州市培正中學、東山口（署前路）巴士總站
出入口F	署前路	西南	署前路、中山二路、東華北路、龜崗大馬路、中山大學附屬第一醫院東山院區、東山百貨大樓、東山口（東華北路）公交站
註： 有盲人引導徑 | 設有斜道 | 有輪椅升降臺

頭尾班車信息同配線圖

配線圖
例 █ 1號綫 ▲　楊箕站 ▼　烈士陵園站

配線圖
例 █ 6號綫 ▲　區莊站 ▼　東湖站

行去邊頭	頭班車	尾班車
每日
1號綫
去西朗站	06:18	23:38
去廣州東站	06:16	23:16
6號綫
去潯峰崗站	06:17	23:30
去長湴站	06:21	23:15
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃時期

1號綫同6號綫之間嘅轉車通道

呢個站最早喺1988年嘅地鐵路網規劃嘅初步方案入面話咗係1號綫嘅中途站，嗰時同而家嘅位差唔多。喺1997年嘅《廣州市城市快速軌道交通線網規劃研究（最終報告）》入面話咗，嗰時嘅東山口站係1號綫同3號綫嘅轉車車站。但由於嗰時車站都差唔多起好嗮，冇留低到任何轉車嘅條件。就喺2003年嘅規劃入面，呢個站就改咗係1號綫同6號綫嘅轉車車站。

施工同開通（1號綫）

到咗1993年12月28號，1號綫正式開始逳手起。到咗1999年2月16號先至起好，響1999年6月28號開通嗮成條1號綫之後開始營運。

施工同開通（6號綫）

到咗2006年，6號綫正式開始逳手起。而車站為咗要起6號綫嘅轉車車站，所以之前嘅A出入口取消咗。而6號綫就喺2013年12月28號先至通車。

1號綫加裝月台幕門

喺2005年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門，重搞埋月台風道同埋管線改造工程。而呢個站嘅月台幕門方面，就喺2007年起好重開始用。

出入口

喺之前A出入口附近嘅過街通道嗰個出入口

呢個站嘅出入口方面，以前凈係得1號綫開通嗰陣凈係得2個出入口，後嚟到咗6號綫開通咗嗰陣（2013年6月28號），出入口數量就多到4個。

東山口人行隧道

喺1998年12月，東山口人行隧道開始逳手起，而呢條隧道會將嗰時東山口站嘅A出入口同C出入口連埋一齊，工程喺2000年1月就搞掂嗮，但由於消防方面唔過關，就一直去到2001年12月先至開放。

喺2013年12月28號之後，由於東山口站嘅A出入口通道變咗係轉車通道，重加入埋車站嘅收費區，所以佢哋喺轉車通道嘅西邊起咗棟閘門，平時係唔開畀人隨便入去嘅（費事俾人坐霸王車），而呢棟嘢喺緊急疏散嗰陣先至開畀人用。而家連去A出入口嗰段人行隧道都變咗斷頭路。但係東山口站新開嘅F出入口同人行隧直接連埋一齊，重有喺原嚟通去A出入口嘅隧道前面又加咗個出入口去到6號綫嘅車站同人行隧道嗰度。

利用狀況

呢個站附近係一個商業網點比較集中嘅地區，又係居住人口密集嘅老城區，隔離唔係幾遠嘅東山無軌電車總站就係廣州其中一個最舊嘅電車總站。加上車站嘅北邊有好多嘅商業圈响度，所以呢個站嘅客流都幾多下。

轉車須知

東山口站嘅1號綫同6號綫呢兩條地鐵嘅轉車方面，由於1993年嗰陣起嘅1號線冇事先留低轉車條件，所以要喺站廳嘅轉車通道入面嚟搞轉地鐵先至得。而呢個站係6號線同埋其它線路之間嘅轉車入面，轉車速度係排倒數第二。而轉車方面係需要先坐扶手電梯上到平臺，之後行條通道轉個彎，到咗站廳之後落一層樓，再搭扶手電梯落去先至可以到。

高峰客流控制

呢個站嘅高峰客流控制時間係：

星期一到星期五（工作日期間）8:00——9:00、17:30——19:00

附近嘅建築

寫字樓

• 廣東電信大廈

商場

• 廣州王府井百貨
• 東山錦軒現代城
• 東山百貨大樓

公共設施

• 廣州市越秀區圖書館

醫院

• 中山大學第一附屬醫院

9個文化站

東山口站嘅文化牆

東山口站嘅柱面裝飾

一直以嚟，呢個站響1999年6月28號開通1號綫之後到2013年12月28號晏晝兩點為止，呢個站係重未整文化牆嘅。到咗2013年12月28號晏晝兩點嘅6號綫開通咗之後，出現咗柱面裝飾，呢個站係6號綫首期工程——9個文化站入面嘅一個站。喺站廳入面整咗主題係「印象東山 西韻情懷」嘅文化藝術牆，佢嘅主要内容係舊時東山區入面嘅洋樓。而柱面裝飾嘅嘢都係東山洋樓。

上一站·下一站

上一站⇚⇚　　　　廣州地鐵　　　　⇛⇛下一站
烈士陵園站 西朗站←	東山口站 1號綫	楊箕站 →廣州東站
東湖站 潯峰崗站←	東山口站 6號綫	區莊站 →長湴站