三門仔
- 船灣海嘅三門仔，睇三門仔 (白沙頭)
三門仔（Sam Mun Tsai），又叫三門仔漁民新村，係香港一地，又係一村，喺大埔東北，以漁村名聞香港。佢喺個半島之上，對住大埔海，北係船灣，南係鹽田仔。附近北面沙欄，有比華利山別墅。原本呢度唔係叫三門仔，而真正嘅三門仔，喺老虎笏半島對出嘅白沙頭。因爲1960年代，香港政府起船灣淡水湖而成條村搬到現址，而呢帶因而叫三門仔。
地理
[編輯]三門仔新村嘅位，查實喺鹽田仔北𡰪位。因爲鹽田仔北面，船灣一帶坭沙沉積，而成爲連島沙洲。所以新村變成連理喺沙洲南面，半島中段。三門仔對住大埔海，係個半月形嘅灣，香港政府喺灣口起咗條堤，等三門仔變成避風塘，是爲船灣避風塘。三門仔新村背後，係個山仔，有聯益漁村，係漁民村來嘅。條村喺個山上面，對住船灣海，可以望到洋洲同馬屎洲。而三門仔新村同聯益漁村村口，有暉曜花園同基督教五旬節聖潔會三門仔堂。
交通
[編輯]三門仔有三門仔路，駁去汀角路。而三角仔新村，亦有碼頭，可以畀人租船前往吉澳等東北離島。由於馬屎洲係地質上係特別地區，有山路由三門仔新村，橫過鹽田仔到另一岸，等潮退時行沙洲過去馬屎洲。而碼頭船載人去馬屎洲。
區內
[編輯]- 三門仔新村
- 聯益漁村
- 基督教五旬節聖潔會三門仔堂
- 暉曜花園
