寶琳站

寶琳
Po Lam

寶琳站1號月台
站名
中文名	寶琳站
英文名	Po Lam Station
站代碼	POA
基本資訊
座標	22.322412°N 114.258018°E / 22.322412; 114.258018
車站色	橙色
途經路線	將軍澳綫
站服務時間	0550-0137 尾班車時間
接駁交通	巴士、小巴
車站結構
站類	地面
月台類	側式月台
月台數	1
出口數	6
其它設施	其它無障礙設施
地圖

寶琳站外觀

寶琳站大堂

喺寶琳站嘅將軍澳綫通車紀念碑

寶琳站A出口

寶琳站（粵拼：bou2 lam4 zaam6；英文：Po Lam Station）係港鐵將軍澳綫嘅總站，喺新界西貢區將軍澳寶琳貿業路地面。車站設有一個側式月台，並設有月台幕門。

寶琳站係一個地面車站，月台層裝咗冷氣，月台採用側式月台開放式設計，並設有月台幕門，而售票大堂層同出口都喺地面月台嘅同一層，喺將軍澳區鐵路車站中，係較少見嘅設計。兩鐵合併前寶琳站係三個可以直接由月台走出車站嘅地面車站之一，另外兩個係荃灣站同埋欣澳站。

寶琳站雖然好近寶林邨，但佢嘅「琳」字同「林」字不同，但係根據寶琳路嘅歷史，前地鐵公司因此將車站名稱改返做「寶琳」嘅正寫，而唔用「寶林」嘅官方標準。因此唔少市民誤將「寶琳」同埋「寶林」混淆，實際上係有分別。

喺貿業路附近嘅街道可以睇到列車入站嘅情況，而本站駛去坑口站大概一公里嘅地面路段用石塊圍封，據講係避免列車噪音影響隔離景林邨嘅居民，同埋避免列車喺接近民居嘅開放路段減速。由於路綫喺坑口站以北穿過寶順路後，地面再冇渉及行車道路，所以路綫喺寶順路以北伸延到地面，再經密封路段到達寶琳站。

車站結構

車站樓層

U1 平台	平台	出口、車站商店
		自動售賣機、自動櫃員機
	行人天橋	行人天橋通往新都城、寶林邨、公共交通交匯處
	行人通道	行人通道通往平台花園、叠翠軒、景林邨、 將軍澳圖書館、將軍澳泳池
G 大堂及 月台 （地面）	側綫	畀列車停泊，唔對外開放
		路軌
		往北角／康城
	側式月台，左邊嘅車門將會打開
	大堂	出口、客務中心、車站商店
		自動售賣機、自動照相機
		「e分鐘著數」機

車站大堂

車站商店及自助服務

車站商店 7-Eleven 美心西餅 日出茶太 榮華 鴻福堂健康快線 零食物語 Susanna Workshop 盈健醫務中心 芒果站Mango Express 北角雞蛋仔 Lady Story

自助服務 恒生銀行自動櫃員機 中銀香港自動櫃員機 自動售賣機 自動照相機 「e分鐘著數」機 郵箱服務

車站月台

同其他港鐵站唔同，車站大堂、出入閘機同月台都係喺同一層。由於呢個站得一個月台，列車只能夠喺同一個方向到達同離開，因此列車只會停留一段短時間，以免阻住下班列車入站；正因為呢個設計，列車不時會為咗保持安全距離而喺未到站時減速，甚至停低，直至前面列車離開。另外，喺本站1號月台後面，設有一條唔對外開放嘅路軌畀列車停泊，但列車唔能夠由該路軌駛入1號月台上客；同樣，列車進入1號月台後，唔能夠駛入嗰段路軌。

由於鐵路路軌需要由地面（寶琳站）慢慢下降至地底（坑口站），地鐵公司喺寶琳站南面，一路沿住景林邨旁邊起咗一個綠化公園，一方面覆蓋路軌，另一方面可以為區內提供綠化空間。

車站出口

寶琳站主要出入口設喺貿業路，有五條行人天橋連接港鐵站同埋公共運輸交匯處，可以直接由港鐵站去到新都城同叠翠軒入口。其他橫過寶豐路嘅天橋同埋行人路可以去到寶琳邨及英明苑。

• A1 - 新都城商場三期
  • 新都城商場三期、都會豪庭、茵怡花園
• A2 - 新都城商場二期
  • 新都城商場二期、將軍澳戲院、新都城二期、成杏芳紀念小學、將軍澳官立中學、將軍澳賽馬會診所、欣明苑、魷魚灣村、英明苑
• B1 - 公共運輸交匯處
  • 浩明苑、新都城二期、新都城商場二期、聖公會安老服務、施洗聖約翰堂、公共運輸交匯處
• B2 - 新都城商場一期
  • 新都城商場一期、新都城一期、馬陳端喜紀念中學
• B3 - 景林邨
  • 景林邨、張沛松紀念中學、鄭裕彤中學、寶康公園、叠翠軒、將軍澳公共圖書館、將軍澳體育館、將軍澳泳池
• C - 貿業路
  • 貿業路、富麗花園、靚次伯紀念中學、呂潤財紀念中學、保良局羅氏基金中學、寶林邨、寶翠公園、旭輝臺、怡心園、聖公會將軍澳基德小學、職業訓練局邱子文高中學校、慧安園

鄰接車站

	將軍澳綫
北角 - 鰂魚涌 - 油塘 - 調景嶺 - 將軍澳 < 坑口 - 寶琳 康城

接駁交通

• 九巴：
  • 91M - 寶林 ↔ 鑽石山站
  • 93A - 寶林 ↔ 觀塘碼頭
  • 93K - 寶林 ↔ 旺角東站
  • 93M - 寶林 ↺ 藍田站（淨係喺平日朝早繁忙時間服務）
  • 其他路線：98A、98C、98D、98P、98S、290、290A、296M、297、293S、N290、N293
• 過海隧道巴士：
  • 690 - 康盛花園 ↔ 中環（交易廣場）
  • 690P - 康盛花園 → 中環（交易廣場）（淨係喺平日朝早繁忙時間服務，唔經北角同銅鑼灣）
  • N691 - 調景嶺站 ↔ 中環（港澳碼頭）
• 城巴：
  • 798 - 調景嶺站 ↔ 火炭（駿洋邨）
  • 798A - 康盛花園 ↔ 沙田
  • A29 - 寶林 ↔ 機場
  • E22A - 機場博覽館 ↔ 航天城
  • E22C - 調景嶺站 ↔ 飛機維修區
  • E22S - 東涌（滿東邨） ↔ 寶林
  • N29 - 東涌站 ↔ 康盛花園
  • NA29 - 港珠澳大橋香港口岸 ↔ 寶林
• 新界專線小巴：
  • 12 - 寶林 ↔ 西貢
  • 15M - 康盛花園 ↔ 寶琳站
  • 16 - 寶琳 ↔ 布袋澳
  • 17A - 將軍澳村 ↔ 寶琳站（淨係喺平日朝早繁忙時間服務）
  • 17M - 翠林 ↔ 寶琳站
  • 106 - 寶林 ↔ 九龍灣
  • 107 - 靈實醫院 ↺ 寶琳
  • 111 - 寶林 ↔ 新蒲崗（康強街）
  • 115 - 寶林 ↔ 駿昌街
  • 其他路線：10M、15、15A、18、105

利用狀況

由於寶琳站近多個大型屋苑或屋邨，因此人流眾多；而喺星期六、日及公共假期，因有唔少來自東區、觀塘區同埋將軍澳嘅乘客去新都城買嘢，人流比平日繁忙。

另外，每當返工放工繁忙時間之後，部份將軍澳綫列車清客後，會暫停服務，返去將軍澳車廠。呢個時候，月台會喺列車到站前發出廣播，令等車嘅乘客知道架列車喺呢個站落完客會返廠，唔會載客。

車站歷史

將軍澳綫新行車模式

為配合康城站喺2009年7月26號啟用，將軍澳綫喺7月19號開始實施新行車模式。繁忙時間（平日上下晝、星期六上晝）往北角方向，列車以四班做一組，每隔2分30秒一班，頭三班列車將由呢個站開出，第四班就由康城站開出。因此，再下一組由呢個站開出嘅列車，將會同上一組開出嘅列車相隔5分鐘，每個鐘由呢個站開出嘅列車減少4班，等車嘅時間亦會長咗。而非繁忙時間列車班次維持不變。

上一站‧下一站

上一站		港鐵		下一站
坑口 往北角		將軍澳綫		總站

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往北角	2.5/4			4-6			0600	0050

出面網頁

• 港鐵公司－寶琳站街道圖
• 港鐵公司－寶琳站位置圖
• 港鐵公司－寶琳站列車服務時間