巴圖玩家分類法

巴圖玩家分類法（Bartle taxonomy of player types）係遊戲設計上嘅一個諗頭，將玩家按玩遊戲嘅動機分成幾類。根據呢個分類法，玩家通常有五種：

1. 成就者（achiever）：呢種玩家鍾意喺遊戲入面攞高分同收集遊戲裏面徽章（指一啲成功做到某啲嘢就會得到嘅徽章）。
2. 探索者（explorer）：呢種玩家熱衷於探索遊戲內嘅世界，會想搵到嗮所有隱藏嘅嘢。
3. 社交者（socializer）：呢種玩家在乎嘅遊戲嘅社交性，例如隻遊戲可唔可以攞嚟喺聯歡會上同朋友一齊玩。
4. 做低者（beater）：呢種玩家競爭性強，鍾意隻遊戲俾機會佢哋同第啲玩家競技。
5. 完成者（completionist）：成就者同探索者嘅合體，想要完美噉完成遊戲嘅內容同埋搵出隻遊戲所有嘅秘密。

遊戲設計學者指出，遊戲製作師要考慮佢哋隻遊戲傾向吸引邊種玩家，按此調整隻遊戲；例如如果已知隻遊戲吸引嘅玩家以社交者為主嘅，製作組就要諗多啲計，方便隻遊戲多人一齊玩。