蕎麥（蕎讀橋），又寫荍麥，係草一種，屬五穀一類。佢嘅桿係紅紅地，兩三呎高，花白，葉係心形三尖，一尖對出，另外兩尖稍圓，指向底部。蕎麥唔似其他穀類，佢唔係禾本科，而係雙子葉植物，花係有蜜。蕎麥係畀人當食糧。蕎麥有幾個品種，散佈歐亞大陸同北美。
蕎麥中意涼啲地方，所以喺高山或者北方特別易種。唔中意浸水，地要疏水。唔要地沃，要地貧，氮肥一多，就唔易開花。最好多啲嘢同佢傳花紛。
蕎麥原本係野生，後尾中國雲南一帶，啲人將種佢做糧。呢個方法，之後散去吐蕃同中亞地方，再散世界其他地方。
