The Philadelphia Story

The Philadelphia Story
Jatorria
Argitaratze-data	1940
Izenburua	The Philadelphia Story
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	komedia erromantikoa eta comedy of remarriage (en)
Iraupena	108 minutu
Kolorea	zuri-beltzekoa
Deskribapena
Oinarritua	The Philadelphia Story (en)
Honen parte da	National Film Registry (en)
Grabazio lekua(k)	Filadelfia
Zuzendaritza eta gidoia
Zuzendaria(k)	George Cukor
Gidoigilea(k)	Donald Ogden Stewart (en) ; Waldo Salt; Philip Barry
Antzezlea(k)
	Katharine Hepburn ; Cary Grant ; James Stewart ; Ruth Hussey ; John Howard ; Roland Young (en) ; John Halliday (en) ; Virginia Weidler ; Henry Daniell ; King Baggot ; Claude King ; Helene Whitney ; Hillary Brooke ; Lionel Pape (en) ; Mary Nash (en) ; Rex Evans (en)
Ekoizpena
Ekoizlea	Joseph L. Mankiewicz
Konpainia ekoizlea	Metro-Goldwyn-Mayer
Edizioa	Frank Sullivan (en)
Ekoizpen-diseinatzailea	Cedric Gibbons
Bestelako lanak
Musikagilea	Franz Waxman (en)
Argazki-zuzendaria	Joseph Ruttenberg
Jantzi-diseinatzailea	Adrian
Fikzioa
Kontakizunaren tokia	Pennsylvania
Historia
Jasotako sariak	Gizonezko aktore onenaren Oscar Saria ; 13th Academy Awards (en) ; Egokitutako gidoi onenaren Oscar Saria ; 13th Academy Awards (en)
Nominazioak	Taldeko emakumezko aktore onenaren Oscar Saria ; 13th Academy Awards (en) ; Ruth Hussey; Zuzendari onenaren Oscar Saria ; 13th Academy Awards (en) ; George Cukor; Egokitutako gidoi onenaren Oscar Saria ; 13th Academy Awards (en) ; Donald Ogden Stewart (en) ; Emakumezko aktore onenaren Oscar Saria ; 13th Academy Awards (en) ; Katharine Hepburn; Gizonezko aktore onenaren Oscar Saria ; 13th Academy Awards (en) ; James Stewart; Film onenaren Oscar Saria ; 13th Academy Awards (en) ; Joseph L. Mankiewicz

The Philadelphia Story (eusk. “Philadelphiako istorioa”) 1940ko George Cukor zinema zuzendariaren komedia erromantikoa da, Philip Barryren izen bereko antzerki-obran oinarritzen dena.

Argumentua

Oharra: Atal honek istorio osoa edo amaiera argitzen du.

Goi-mailako emakume bati buruzko historia da berriz ezkonduko dena. Film honek 1940ko hamarkadako Ipar Amerikako burgesiaren konbentzionalismoak eta itxurakeria aztertzen ditu hiru pertsonaia nagusien arteko egoera barregarrien bidez.

Istorio osoa 24 ordutan gertatzen da 1939 urtean, Filadelfiako jauretxe batean (Pennsylvania, AEB). Han bertan, Tracy Lord (Katharine Hepburn) bizi da, hirian oso ezaguna den familia aberats baten alaba da eta C.K. Dexter Havenenengandik (Cary Grant) dibortziatua dago. Oso izaera zaila eta harroa dauka. George Kittredgerekin (Jon Howard) ezkontzear dago, oso gizon aspergarria eta motela dena. ezkontza baino bi egun lehenago, senar ohia eta bi kazetari ospetsu, Macauley Connor (James Stewart) eta Elizabeth Imbrie (Ruth Hussey), Tracyren etxean agertzen dira, Dexterrek ezkontzara gonbidatuak.

Pelikulako lehen eszenak Tracyren lehenengo ezkontzaren amaiera erakusten du, Tracyk Dexterren golf makila apurtzen duenean eta honek, haserretuta, Tracy lurrera botatzen duenean. Eszena honek pelikula zertan oinarritzen den erakusten digu, hau da, Tracyren izaera gobernaezina eta Dexterren mendekurako gogoa.

Bat-batean Tracyk ustekabeko erabakiari aurre egin behar dio, maiteminduta egon gabe bere senargaiarekin ezkontzea edo bere senar ohiarekin itzultzea. Baina egia esan, Tracyren arazoa beste bat da: helduago eta toleranteagoa izatea edo beti berdin izatea . Hau guztia lortzea, oso zaila da denbora faltagatik eta berak dituen aurreiritziengatik.

Aktoreak

Cary Grant: C.K. Dexter Haven
Katharine Hepburn: Tracy Samantha Lord
James Stewart: Macaulay "Mike" Connor
Ruth Hussey: Elizabeth Imbrie
John Howard: George Kittredge
Roland Young: William Q. Tracy (Uncle Willie)
John Halliday: Seth Lord
Mary Nash: Margaret Lord
Virginia Weidler: Dinah Lord
Henry Daniell: Sidney Kidd
Lionel Pape: Edward
Rex Evans: Thomas
David Clyde: Mac

Kritika zinematografikoa

Filmaren zuzendariak argumentu nagusia eta sekundarioa familia aberatsaren aitak neskatxa batekin daukan maitasun-afera, kazetariak argitaratzekotan daudenak- grazia eta kontu handiz garatzen ditu.

Filmaren gidoia, interpretazioak eta George Cukorren zuzendaritza aipagarriak dira. Beste aldetik, lan taldearen lan bikainak zortzi astetan pelikula filmatzeko aukera eman zuen pasarteak errepikatu gabe. Elkarrizketak polifonikoak, ironikoak eta bikainak dira J. L. Mankiewiczen egindakoari esker. Musika eta fotografia ere miragarriak dira.

Bere aktoreei esker, pelikula hau sei Oscarretarako proposatu zuten eta horietatik bi irabazi zituen: aktorerik onenarena -James Stewart-, eta gidoirik onenarena. Gaur egun komedia hau zine klasikotzat jotzen da.

Bukaerak, Tracy aldatzeko prest dagoela eta istorioren nondik norakoak aldarazi ditzakeela erakusten digu.

Kanpo estekak

Datuak: Q498822
Multimedia: The Philadelphia Story (film) / Q498822