Riesenrad

Hee di Sigg_is_op Bönnsch
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Et London Eye

E Rieseradd, wat dä Nam net verdeent hät, ävve jemöödlich es för ze fahre

E Rieseradd es ën Kirmes-Attraktioon. Et es e jruß Radd, wat sich erömdrieht on wo Jondele draan fassjemat sen. Do könne Minsche dren sitze on sich elangsdriehe loße. Et Rieseradd wuerd am Engk vom 19. Johrhondet äfunge vom George Ferris, enem amerikaneschen Inschenör. Op Englisch sät me doröm och hüggzedaach noch Ferris wheel doför.

Ieh dat äächte Rieserädde met Maschine äfunge wore, hatt me ävve att Konstruktioone, die met Muselkraff jetroke wuerdte. Die jov et att em 17. Johrhondet en de Türkei. Natürlich kunnt me se net ze jruß baue, söns wör et ze schwähr jewäs, se en Jang ze brenge.

De mieste modääne Rieserädde sen transpoortierbar on wääde von Kirmes ze Kirmes metjenomme. Et jit ävve och ën Rötsch Rieserädde, die op eenem Plaz fass stohn. Zom Beispill:

• Et Rieseradd em Prater von Wien, e berühmp Symbol von de Stadt. Et es onjefähr 65m huh. Von do bovve kritt mer ën eenzichaardich Sich övve Wien on me kann sujar dodren hierode.
• Et Rieseradd von London, jenannt London Eye ("et Ooch von London"). Et es 133m huh on wuerd 1999 em Opdraach von British Airways jebaut.
• Et Rieseradd von Singapur es sujar 165m huh, et hüükste op de Welt. Wann et voll es, könne do 980 Lügg op eemol dren fahre.