Kigelia
| Kigelia | |
|---|---|
| |
| Kigelia africana Semlant, frothen, bleujen ha has | |
| Klassans bewoniethek | |
| Gwlaskor: | |
| (anrenkys): | |
| (anrenkys): | Asterids
|
| Urdh: | Lamiales
|
| Teylu: | Bignoniaceae
|
| Kinda: | Kigelia
|
| Hanow dewhenwek | |
| Kigelia africana Bentham | |
Gwedhen drovannel yw Kigelia, kevys a-dreus Afrika trovannel. Hanow aral dhedhi yw an wedhen selsik, drefen bos semlant hy frothen hevelep dhe selsik yn kasyans.
Hanow
[golegi | pennfenten]Hanow an kinda a dheu dhyworth an hanow Bantu, kigeli-keia. An henwyn kemmyn 'gwedhen selsik' ha 'gwedhen gukomber' a gampoll an frothen hir. An hanow Afrikaans 'worsboom' a styr gwedhen selsik ynwedh.
Semlant ha natur
[golegi | pennfenten]An wedhen a dyv dhe ughelder a 20m. An rusken yw loos ha leven, gans tewder a 6mm po moy. An prenn yw gell golow po melynik. Bythlas yw an wedhen le may hwer glawas dres an vledhen, mes kolldhel yw pan vo seson segh hir.
Hirder an frothen yw ynter 30 ha 90cm gans treuslinen a 15cm po moy. Aga foster yw ynter 5-10 kg. Glus an frothen yw fibrus, ow komprehendya lies hasen.
Aga eth yw krev, yn arbennik nosweyth. Aswiwys yns i rag ponegi gans eskelli kroghen, a dheu rag ponn ha nektar. Ygor yw an bleujennow dydhweyth ynwedh, vysytys gans lies hweskeren kepar ha gwenyn ser. Dybrys yw an frooth gans lies eghen, yn arbennik olifanses, bobans, jirafes ha dowrvergh. Skollyes yw an has a-les yn aga hawgh. Gwenonek yw an frooth dhe dus, ow kawsya hwyja. Peryllus yw dhe wortos yn-dann gwedhen Kigelia pan gottho an frooth.
-
Frooth an wedhen selsik -
Gwedhen Kigelia y'n savanna -
Bleujen Kigelia -
Rusken Kigelia
