Облешево
| Облешево | |
  Облешево Местоположба на Облешево во Македонија
Облешево на карта
| |
| Координати 41°52′17″N 22°17′21″E / 41.87139° СГШ; 22.28917° ИГД | |
| Регион | Кочанско Поле |
| Општина |  Чешиново-Облешево
|
| Население | 887 жит. (поп. 2021)[1]
|
| Шифра на КО | 13028 |
| Надм. вис. | 287 м |
|
Облешево на општинската карта  Атарот на Облешево во рамките на општината | |
 Облешево на Ризницата
| |
Облешево — село во Општина Чешиново-Облешево, во околината на градот Кочани. Селото е седиште на општината.
Географија и местоположба
[уреди | уреди извор]Облешево се наоѓа во најнискиот рамничарски предел од Кочанското Поле. Го зафаќа просторот во средното сливно подрачје на реката Брегалница, во подножјето на планините Осогово и Плачковица. Има средишна позиција помеѓу поголемите градски општини: Кочани, Штип и Пробиштип. Преку главната сообраќајница M-5, Штип- Кочани-Делчево, се поврзува со Р. Бугарија. Се протегаат следните населени места: Чешиново, Соколарци, Спанчево, Теранци, Чифлик, Кучичино, Бурилчево, Уларци, Жиганци, Бања, Врбица, Ново Селани и Лепопелци.
Историја
[уреди | уреди извор]На крајот на XIX век селото било дел од Кочанската каза на Отоманското Царство.
Стопанство
[уреди | уреди извор]Главна стопанска гранка во селото е земјоделството и производството на ориз.
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Облешево живееле 350 жители, од кои 175 Македонци. и 175 Турци.[2] Според егзархискиот секретар Димитар Мишев („La Macédoine et sa Population Chrétienne“), во 1905 година во Облешево имало 160 Македонци, под врховенството на Бугарската егзархија.[3]
Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.[4]
Во 1961 година во селото имало 1.011 жители, додека во 1994 година населението се зголемило на 1.206 жители.
На пописот од 2002 година, селото имало 1.131 жител, од кои 1.129 Македонци, 1 Србин и 1 останат.[5]
Според последниот попис од 2021 година, во селото живееле 887 жители, од кои 832 Македонци, 2 Албанци, 1 Влав, 1 Србин и 51 лице без податоци.[6]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 350 | 160 | 673 | 798 | 1.011 | 1.118 | 1.228 | 1.206 | 1.206 | 1.131 | 887 |
- Извор за 1900 г.: Македонија. Етнографија и статистика.[7]; за 1905 г.: La Macédoine et sa Population Chrétienne.[8]; за 1948-2002 г.: Државен завод за статистика на РМ.[9]; за 2021 г.: Државен завод за статистика на РМ.[10]
Родови
[уреди | уреди извор]Облешево е македонско село, а имало и други народности во селото.
Според истражувањата од 1960 година, родови во селото се
Македонски:
- Барјактарци (5 к.) доселени се од околината на Босилеград во Србија. Овде се населени во XIX век.
- Шоповци (2 к.) доселени се од селото Костин Дол на Осогово. Овде живеат од XIX век.
- Кадифци (1 к.) доселени се од селото Шталковица кај Пробиштип. Овде живеат од XIX век.
- Дончеви (2 к.) и Текови (1 к.) доселени се од селото Спанчево. Овде живеат од XIX век.
- Андонови (2 к.) доселени се однекаде. Овде живеат од XIX век.
- Трајанови или Соколарци (6 к.) доселени се по турското владеење од селото Соколарци.
- Ставреви (3 к.) и Баба-Џекини (2 к.) доселени се од селото Чешиново.
- Врбичани (1 к.) доселени се од селото Врбица.
- Јастребничани (11 к.) доселени се од селото Јастребник.
- Рајчани (2 к.) доселени се од селото Рајчани. И таму се доселиле однекаде.
- Пантелејци (2 к.) доселени се од селото Пантелеј.
- Белчани (1 к.) доселени се од селото Бели.
- Нивичани (1 к.) доселени се од селото Нивичани.
- Од околината на Крива Паланка се доселиле 26 домаќинства, они се од селата. Длабочица (14 к.), Борово (5 к.), Градец (4 к.), Дренак (2 к.) и Конопница (1 к.)
- Од околината на Кратово се доселиле две домаќинства. Од селата Кнежево и Мождивја (?) (можеби Мождивњак, Кривопаланечко, близу до кратовско).
- Злетовчани (2 к.) доселени се од селото Злетово кај Пробиштип.
- Ташкови (2 к.), Доне (1 к.) и Лазо (1 к.) доселени се од селото Бунеш кај Пробиштип.
- Шталковчани (1 к.) доселени се од селото Шталковица кај Пробиштип.
- Од околината на Делчево и Македонска Каменица се доселиле 5 домаќинства. И тоа од Саса (2 к.), Цера (2 к.) и Каменица (1 к.)
- Небојанци (3 к.) доселени се од селото Небојани.
- Главовчани (2 к.) доселени се од селото Главовица.
- Егејци (6 к.) Ванчо, Ѓорги, Ѓорги, Никола и Петре со своите семејства се доселиле од Егејска Македонија во 1948 година.
Српски
- Симо Марковиќ (1 к.) и Стеван Филковиќ (1 к.) првиот по потекло е од селото Булатовац кај Прокупље. А вториот Добановац на Срем. Вториот по потекло е посрбен Унгарец.
Православни Роми
- Ангелови (2 к.), Блажеви (2 к.), Санда (1 к.) и Тодор (1 к.) зборуваат македонски. Едно домаќинство во селото живее од турско време. А другите се доселени од Пробиштипско.
Албански
- Адим Бајрам (1 к.) дошол со семејството од Сува Река во Косово. По темната боја на кожата изгледа се работи за поалбанчен Ром.[11]
Самоуправа и политика
[уреди | уреди извор]Избирачко место
[уреди | уреди извор]Во селото постои избирачкото место бр. 882 според Државната изборна комисија, сместени во просториите на основното училиште.[12]
На претседателските избори во 2019 година, на ова избирачко место биле запишани вкупно 923 гласачи.[13]
Општествени установи
[уреди | уреди извор]Културни и природни знаменитости
[уреди | уреди извор].JPG)
- Цркви
Култура и спорт
[уреди | уреди извор]- ФК „Слобода“ - Облешево
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Васил Кънчов. „Македония. Етнография и статистика“. София, 1900, стр.226.
- ↑ D.M.Brancoff. "La Macedoine et sa Population Chretienne". Paris, 1905, р.132-133.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Трифуноски, Јован (1970). Кочанска Котлина. Скопје. Скопје: Универзитетска печатница.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
Надворешни врски
[уреди | уреди извор]- Сателитска снимка на Облешево на Карти на Гугл
- Општина Чешиново-Облешево
| ||||||||
