張宇人

張宇人
出生日	1949年9月30號（75歲）
出生地	香港
國籍	香港
母校	Pepperdine University
職業	政治人、太平紳士
政黨	自由黨
	[改維基數據]
	睇; 傾; 改;

張宇人，GBS，BBS，JP（Tommy CHEUNG Yu-yan，1949年 9月30號—），外號「廿蚊張」^[1]^[2]，係香港立法會飲食界功能界別議員，東區區議會前區議員，香港自由黨第六任主席。佢嘅言論好偏向商界，講過唔少好有爭議嘅說話，畀外界有一種典型「孤寒財主」嘅形象。

屋企

張宇人祖籍廣東東莞，喺香港出世。老豆張志安係香港舊時好出名嘅酒樓—海洋皇宮嘅老闆之一，做到2005年執笠，老母鄉下喺南韓仁川。老婆係蔡詠鈿，生咗一仔兩女。

學歷

佢喺拔萃男書院同美國加州Pepperdine大學完成學業。

名下馬匹

張宇人係香港賽馬會會員、馬主，先後同佢老婆張蔡詠鈿、阿仔張士宗（Christopher）同老友黎昱麟聯名擁有一系列大部分以「䯀」（左馬右聶）字命名嘅馬匹，包括海國之寶、䯀驄（用過兩次）、䯀駢、䯀駿、䯀勝、䯀駒、䯀驥同䯀騁，但䯀騁退役之後，佢嘅名下馬匹就唔再以「䯀」字命名，先後以夫妻名義擁有再戰群雄、金冠、越跑越有，而近年唔止同黎昱麟合夥擁有威德將軍、弗雷，重同仔仔合夥擁有奇妙年華。

此外，佢亦都係好食團體嘅其中一位合夥人，包括好好食、好食德、食得好、好鬥心。

個人榮譽

非官守太平紳士（1989年8月21號）^[3]
銀紫荊星章（2007年）^[4]
金紫荊星章（2015年）^[5]

事幹

2010年3月，佢喺城市論壇度話：「若飲食業界調查結果係低過20元，唔排除向政府建議最低工資時薪20蚊以下」，備受批評，搞到喺25號佢要出嚟開記者會向公眾道歉。佢亦因為呢件事而有咗外號「廿蚊張」^[1]。

2016年11月25號，張宇人獲香港特首梁振英委任爲香港特別行政區行政會議非官守成員。

攷

↑ ^1.0 ^1.1 〈點解梁美芬叫「鼠王芬」？〉。《香港經濟日報》。2015-11-24。喺2020-12-05搵到。
↑ 陳零 (2020-04-14)。〈35歲火鍋店老闆林瑞華考慮挑戰「廿蚊張」：若飲食界選民人數達7000，有得打〉。《眾新聞》。喺2020-12-05搵到。
↑ 〈太平紳士網頁〉 (繁體中文)。香港特別行政區政府太平紳士網頁。
↑ 〈二〇〇七年授勳名單〉 (新聞稿) (繁體中文)。香港政府新聞公報。2007年7月1號。
↑ 〈二〇一五年授勳名單　附件：二〇一五年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2015年7月1號。頁 2。

出面網頁

Tommy Cheung
行政會議 - 行政會議成員 - 張宇人議員
〈香港特別行政區立法會 -張宇人議員, GBS, JP〉 (繁體中文)。香港特別行政區立法會。
〈香港特別行政區立法會 - 議員資料庫〉 (繁體中文)。香港特別行政區立法會。
〈張宇人議員, GBS, JP〉 (繁體中文)。自由黨。
香港網絡大典：張宇人

Template:香港特別行政區第二屆立法會議員

[外號起源-1] 1.0 ^1.1 〈點解梁美芬叫「鼠王芬」？〉。《香港經濟日報》。2015-11-24。喺2020-12-05搵到。

[2] 陳零 (2020-04-14)。〈35歲火鍋店老闆林瑞華考慮挑戰「廿蚊張」：若飲食界選民人數達7000，有得打〉。《眾新聞》。喺2020-12-05搵到。

[3] 〈太平紳士網頁〉 (繁體中文)。香港特別行政區政府太平紳士網頁。

[4] 〈二〇〇七年授勳名單〉 (新聞稿) (繁體中文)。香港政府新聞公報。2007年7月1號。

[5] 〈二〇一五年授勳名單　附件：二〇一五年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2015年7月1號。頁 2。

[1]

[2]

[3]

[4]

[5]