馬力 (民建聯主席)

馬力
馬力
出世	1952年2月23號; 中華人民共和國廣州
死	2007年8月8號（55歲）; 中華人民共和國廣州
職業	香港立法會議員; 香港特別行政區全國人民代表大會代表; 民建聯主席

馬力，GBS，JP（MA Lik；1952年 2月23號—2007年 8月8號），係香港政治人物，做過香港立法會議員、香港特別行政區全國人民代表大會代表，民建聯第二任主席。

屋企

馬力祖籍福建廈門，廣東廣州出世，喺1962年俾屋企人帶去香港定居，喺福建人聚居嘅北角大。同大部分移民一樣，馬力初來港時只識講福建話，連一句廣東話都唔識。

事業

馬力入讀培僑小學，響培僑中學讀書時，佢曾經係民建聯前主席曾鈺成嘅學生。馬力響接受訪問時話過，響培僑讀書期間令佢培養出「服務社會及服務國家」嘅信念。馬力培僑中學畢業之後、最初留喺母校培僑教書，1974年考入香港中文大學中文系（聯合書院）。佢做過培僑中學嘅先生。

1985年到1990年間，入讀港大中文系研究院。馬力響讀書時期經中大教授馬蒙引薦，加入咗「中國語文學會」，從而認識前新華社香港分社秘書長毛鈞年，其後毛鈞年成為馬力從政嘅關鍵人物。1985年，毛鈞年推薦馬力出任《基本法》諮詢委員會秘書處副秘書長（當時馬力得33歲，同邵善波同為副秘書長，梁振英係秘書長。邵善波同馬力都係全職，梁振英只係兼職）。馬力多年後接受傳媒訪問時曾經話，出任副秘書長令佢廣結政界人脈。「香港大部分從政人物都係自八五年《基本法》草委及諮委成立後走出來，呢班人我個個都識，好清楚佢哋嘅諗法。」^[1]。

馬力曾經響香港多份報章撰寫專欄。辛維思係佢響1980年代中英談判時響《明報》用嘅筆名，取意「新思維」。當初傳媒曾經懷疑佢嘅稿件係新華社嘅特稿，直至馬力後來出任民建聯主席，呢個秘密先得以公開^[2]。

自1991年後做埋《香港商報》副社長^[3]。

參選

馬力係民建聯創會會員，響接替為2003年香港區議會選舉選舉失利負責而辭職嘅曾鈺成之前，佢一直係民建聯嘅秘書長，擔當文膽同師爺嘅角色，統籌選舉事務。

2004年，馬力夥拍蔡素玉等代表民建聯合組名單出選2004年香港立法會選舉香港島選區議席。報名參選無耐就發現自己生結腸癌，選舉期間出席唔到公眾活動。最後兩人以些微票數擊敗前綫嘅何秀蘭當選。經過一輪治療，馬力病情好轉。

病逝

2006年3月起，馬力病情出現反覆，不時要做各種治療。2007年中，馬力結腸癌復發，留院治療，期間中央同廣東省領導、香港特區政府主要官員都親自到醫院探佢。後來因癌細胞擴散至全身，重引起呼吸及循環系統衰竭，響2007年8月8號下晝兩點響廣州中山大學（原中山醫科大學）附屬腫瘤醫院病逝，享年55歲^[4]^[5]^[6]^[7]，係香港特區成立後首位響任內逝世嘅立法會議員。佢嘅議席遺缺由立法會補選產生補上。

著作言論

文學研究

佢本身係文學研究出身，曾研讀《楊家將》寫碩士論文，重對《紅樓夢》有研究，曾經同梅節合著紅學研究書籍《紅學耦耕集》^[8]，係香港少數嘅「紅學專家」。

政論文章

響1986至1987年間，馬力以筆名「辛維思」發表近百篇闡析《基本法》嘅文章。馬力經常喺報章上撰文，全盛時期喺報章上有六、七個專欄咁多，不時同政見不同者打筆戰。佢話自己樂在其中：「早期我啲文章都會有新觀點，希望自己嘅創見、觀點、立場可以引起思考、論爭。以前同人筆戰，唔會怕乜嘢，幾長都無所謂，俾人圍攻，我睇人哋寫乜，照砌番轉頭……」大公網：辛思維與紅學專家

肉餅論爭議

馬力響2007年 5月15號同傳媒茶敘嗰時發表有關六四事件嘅言論引起社會好大迴響^[9]。呢番言論引起極大爭議，《蘋果日報》、《明報》、《南華早報》響5月16號第二日都放響頭版報導。支聯會主席司徒華、民主黨主席何俊仁、曾經因為帶住香港人捐款去北京而被捕嘅李卓人、學運領袖王丹、港區人大代表李鵬飛等人都譴責馬力嘅言論^[9]^[10]^[11]。馬力響5月16號向記者承認之前所用嘅例子太過輕挑，又話願意收回部分字眼，但無意收回觀點同道歉^[12]。

2007年，有首《福佳始終有你》，改編自香港特別行政區成立十周年紀念主題曲《始終有你》，諷刺馬力。

勳銜

太平紳士（2003年）^[13]
金紫荊星章（2005年）^[14]^[15]

影響

馬力擔任民建聯主席期間推行年輕化政策，提出「內強質素，外樹形象」方針，響2004年帶領民建聯贏取11個立法會議席，成為立法會第一大黨。2005年4月，佢又成功促成民建聯同親政府派政黨港進聯合併，改名「民主建港協進聯盟」，簡稱仍然叫民建聯。佢又推動向跨階層吸納黨員，令黨員人數急增，超過一萬，令民建聯成為香港第一個「萬人黨」^[16]。

死後留下立法會議位空缺，間接導致泛民主派訂出初選協調機制，以選出代表參選。

注

↑ 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。
↑ 頭條網：左派明星殞落馬力病逝
↑ 《香港特區名人錄》，第294頁，ISBN 62-8017-128
↑ 馬力病重期間中央及廣東省領導人曾探望互聯網檔案館嘅歸檔，歸檔日期2008年9月23號，.，香港電台，2007年8月8號
↑ 民建聯：主席馬力下午兩時病逝互聯網檔案館嘅歸檔，歸檔日期2008年9月23號，.，香港電台，2007年8月8號
↑ 左派明星殞落　馬力病逝，頭條日報，2007年8月8號
↑ 馬力終年55歲　04年患結腸癌互聯網檔案館嘅歸檔，歸檔日期2008年9月23號，.，香港電台，2007年8月8號
↑ http://www.jointpublishing.com/jpcbook/bookdetail.asp?isbn=962-04-0597-8^{[失咗效嘅鏈]} 《紅學耦耕集》
↑ ^9.0 ^9.1 馬力冷血　否定六四坦克壓人變肉餅互聯網檔案館嘅歸檔，歸檔日期2007年6月4號，.，蘋果日報，2007年5月16號
↑ 關於香港馬力侮辱六四死難者答記者問，王丹，2007年5月16號
↑ 〈李鵬飛勸馬力辭職〉。原著喺2007年5月21號歸檔。喺2007年10月14號搵到。
↑ 馬力承認用例子輕率輕挑互聯網檔案館嘅歸檔，歸檔日期2007年5月18號，.，明報，2007年5月16日
↑ 〈2003年第156號號外公告太平紳士條例 (第510章)〉 (PDF) (新聞稿) (繁體中文)。香港政府憲報。2003年7月1號。
↑ 〈二〇〇五年授勳名單〉 (新聞稿) (繁體中文)。香港政府新聞公報。2005年7月1號。
↑ 〈大公網：馬力生平簡介〉。原著喺2007年9月30號歸檔。喺2007年10月14號搵到。
↑ 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。

出面網頁

〈香港特別行政區立法會 - 議員資料庫〉 (繁體中文)。香港特別行政區立法會。

前任：曾鈺成	民建聯主席 2003年—2007年	繼任：譚耀宗

[1] 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。

[2] 頭條網：左派明星殞落馬力病逝

[3] 《香港特區名人錄》，第294頁，ISBN 62-8017-128

[4] 馬力病重期間中央及廣東省領導人曾探望互聯網檔案館嘅歸檔，歸檔日期2008年9月23號，.，香港電台，2007年8月8號

[5] 民建聯：主席馬力下午兩時病逝互聯網檔案館嘅歸檔，歸檔日期2008年9月23號，.，香港電台，2007年8月8號

[6] 左派明星殞落　馬力病逝，頭條日報，2007年8月8號

[7] 馬力終年55歲　04年患結腸癌互聯網檔案館嘅歸檔，歸檔日期2008年9月23號，.，香港電台，2007年8月8號

[8] ttp://www.jointpublishing.com/jpcbook/bookdetail.asp?isbn=962-04-0597-8^{[失咗效嘅鏈]} 《紅學耦耕集》

[Apple01-9] 9.0 ^9.1 馬力冷血　否定六四坦克壓人變肉餅互聯網檔案館嘅歸檔，歸檔日期2007年6月4號，.，蘋果日報，2007年5月16號

[wang-10] 關於香港馬力侮辱六四死難者答記者問，王丹，2007年5月16號

[11] 〈李鵬飛勸馬力辭職〉。原著喺2007年5月21號歸檔。喺2007年10月14號搵到。

[12] 馬力承認用例子輕率輕挑互聯網檔案館嘅歸檔，歸檔日期2007年5月18號，.，明報，2007年5月16日

[13] 〈2003年第156號號外公告太平紳士條例 (第510章)〉 (PDF) (新聞稿) (繁體中文)。香港政府憲報。2003年7月1號。

[14] 〈二〇〇五年授勳名單〉 (新聞稿) (繁體中文)。香港政府新聞公報。2005年7月1號。

[15] 〈大公網：馬力生平簡介〉。原著喺2007年9月30號歸檔。喺2007年10月14號搵到。

[16] 〈大公網：馬力幕後到台前打造萬人黨〉。原著喺2007年12月3號歸檔。喺2007年10月27號搵到。

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]