Rotgügger

Rotgügger (Pyrrhula pyrrhula), Männchen

Systematik

Ordnig:	Spatzevögel (Passeriformes)
Underordnig:	Singvögel (Passeri)
Familie:	Finke (Fringillidae)
Underfamilie:	Stiglitzartigi (Carduelinae)
Gattig:	Aigetlichi Rotgügger (Pyrrhula)
Art:	Rotgügger

Wüsseschaftlige Name

Pyrrhula pyrrhula

(Linnaeus, 1758)

De Rotgügger (Pyrrhula pyrrhula; lueg au di alemanische Näme) isch e schüüche Singvogel wo i Mitteleuropa dor s ganz Joor döre haimisch isch. I de Alpe chunnt er bis zo 2600 müM vor.

Pyrrhula pyrrhula

Uussie

De Rotgügger het en uufälig roote Buuch. De Chopf und de Schwanz sind schwarz, de Börzel wiiss und de Rogge grau. D Flögel sind schwarz. D Farbe vo de Wiibli sind blasser as die vom Mandli. Rotgügger wered 15 bis 17 cm gross, hend e Spannwiiti vo 22 bis 26 cm und wöget 21 bis 27 Gramm.

Lebeswiis

De Rotgügger lebt i Noodel- und Mischwälder, i chliine Wäldli, Pärk, Gärte und uf Fridhööf mit Bömm und Büsch. Sis Nest baut er us Ästli i Bömm, em liebste Tane, und Stüücher und polsteret da mit Mies und Grääs uus. Rotgügger hend kai Revier. Er fresst Söömli, Chnospe und Beeri, mengisch au Insekte und chunnt im Winter as Fuetterhüsli. Er flüügt i lange Welelini nu wenig öbrem Bode, isch aber e biliebti Büüti vom Sperber.

Bsundrigs

De Rootgügger cha liecht aglockt were, wemer sin melancholische Ruef nochemacht. Drom het er de Ruef en aifältige Vogel z sii.

Büecher

Einhard Bezzel: Kompendium der Vögel Mitteleuropas. Singvögel. Wiesbaden 1993.
Urs N. Glutz von Blotzheim: Handbuch der Vögel Mitteleuropas 14/2, Passeriformes. Aula-Verlag, Wiesbaden 1997, ISBN 3-89104-610-3.
Stefan Ineichen (Hrsg.): Stadtfauna, 600 Tierarten der Stadt Zürich. Bern 2010, ISBN 978-3-258-07561-7.
Heinz Staffelbach: Handbuch Schweizer Alpen. Bern 2008, ISBN 978-3-258-06895-4.

Weblink

Commons: Rootgügger – Sammlig vo Multimediadateie

Video, Foto und Tonufnahme zue Pyrrhula pyrrhula in dr Internet Bird Collection
Iitrag bi dr Schizerische Vogelwarte
Pyrrhula pyrrhula in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 1. Januar 2009
Javier Blasco-Zumeta & Gerd-Michael Heinze: Alters- und Gschlechtsmerkmol (PDF; 2,14 MB)
Federe vom Rootgügger