Saltar ao contido

Escola de Enxeñaría Forestal de Pontevedra

Na Galipedia, a Wikipedia en galego.
Escola de Enxeñaría Forestal de Pontevedra

Vista xeral do edificio da escola de enxeñaría forestal
Universidade: Universidade de Vigo
Localización: Pontevedra
Campus: Pontevedra
Enderezo: Campus da Xunqueira
36005
Ano de fundación: 31 de xullo de 1990
Decano: Juan Picos Martín
Docentes: 33
Estudantes: 137[1]
Teléfono: 986801900
Correo electrónico: sdeuetf@uvigo.es
Páxina web: escolaenxeñaríaforestal pontevedra

A Escola de Enxeñaría Forestal de Pontevedra é un centro educativo da Universidade de Vigo con sede en Pontevedra, no campus da Xunqueira.

Historia

[editar | editar a fonte]

A Escola de Enxeñería Forestal de Pontevedra foi creada en 1990 polo decreto 416/1990, do 31 de xullo da Consellería de Educación e Ordenación Universitaria, no seu artigo 15, coa denominación de Escola Universitaria de Enxeñeiros Técnicos de Industrias Forestais. Polo mesmo decreto autorizouse a implantación do título de enxeñeiros técnicos en industrias forestais na escola.[2].

A implantación da escola de enxeñeiros forestais na cidade estivo moi relacionada coa tradición forestal de Pontevedra. A cidade e a comarca de Pontevedra estaban ligadas desde as primeiras décadas do século XX ao sector forestal. A Misión Biolóxica de Galicia, instalouse en Pontevedra en 1928 e o Centro Forestal de Lourizán atopábase en Lourizán desde 1943, ano no que a Deputación de Pontevedra cedera o pazo de Lourizán ao Ministerio de Educación para o seu uso como Centro Rexional de Ensinanzas, Investigacións e Experiencias Forestais e que posteriormente en 1946 converteuse en Escola Técnica Superior de Montes.[3][4]

O primeiro plan de estudos da escola de enxeñeiros forestais do Campus Universitario de Pontevedra foi aprobado o 16 de xullo de 1991[5] e a escola empezou a funcionar no curso académico 1991-1992.

Nos seus inicios a escola situouse provisionalmente en instalacións cedidas pola Escola de Profesorado de E.X.B (antiga escola de Maxisterio a carón do río Lérez na avenida de Bos Aires) e non se trasladou á súa sede definitiva, un edificio propio no campus, ata 1996.[3] O 14 de outubro de 1995 o edificio, deseñado polo arquitecto José Ramón Rúa Rodríguez estaba xa case terminado e foi o primeiro edificio construído no Campus da Xunqueira.[1][6]

En 1999 polo decreto 216/1999, do 15 de xullo, no seu artigo 3, a escola pasou a denominarse Escola Universitaria de Enxeñaría Técnica Forestal.[7]. Posteriormente, en 2011 polo decreto 14/2011, do 3 de febreiro, a escola pasou a denominarse Escola de Enxeñaría Forestal, nome que conserva na actualidade.[8]

En 2019 o grao en enxeñaría forestal da escola converteuse na cuarta titulación universitaria galega en obter o selo internacional de calidade en enxeñería EUR-ACE.[9]

Titulacións

[editar | editar a fonte]

Na escola impártese o grao en Enxeñaría Forestal.[1] As especializacións ofertadas son Industrias Forestais e Explotacións Forestais.

Instalacións

[editar | editar a fonte]

Os servizos administrativos do Campus Universitario de Pontevedra e o Lugar de Entrega e Recollida de Documentación (LERD) do Sistema Universitario de Galicia están situados na Escola de Enxeñería Forestal. A organización Erasmus Students Network para os estudantes Erasmus tamén ten unha sede en Pontevedra situada na escola.

Equipo directivo

[editar | editar a fonte]

O director da escola de enxeñeiros forestais é Juan Picos Martín e a videdirectora Mª Ángeles Cancela Carral. O secretario é José Manuel Casas Mirás.[10]

Actividades

[editar | editar a fonte]

A escola organiza e acolle distintas actividades como as Xornadas Galegas de Patrimonio Natural e Biodiversidade. En novembro de 2019 desenvolvéronse no centro as III Xornadas Galegas de Patrimonio Natural e Biodiversidade con distintas conferencias sobre temas como as mareas vermellas, a contaminación luminosa, a conservación de especies como as píntegas ou o oso ou a xestión do monte e a paisaxe.[11]

Cultura

[editar | editar a fonte]

O patrón da facultade é san Leandro e a facultade celebra a súa festividade no mes de abril.[12]

Galería

[editar | editar a fonte]
  • Fachada principal (oeste)
    Fachada principal (oeste)
  • Fachada sueste
    Fachada sueste
  • Detalle da fachada sur
    Detalle da fachada sur
  • Fachadas leste e norte e carril bici
    Fachadas leste e norte e carril bici

Notas

[editar | editar a fonte]
  1. ↑ 1,0 1,1 1,2 "Forestais, un abanico de salidas en un sector con gran potencial". La Voz de Galicia (en castelán). 4 de marzo de 2012. 
  2. ↑ "DECRETO 416/1990, de 31 de julio, por el que se crean centros y se concede autorización para implantar estudios conducentes a las titulaciones que se relacionan en el sistema universitario de Galicia.". Diario Oficial de Galicia (en castelán). 10 de agosto de 1990. 
  3. ↑ 3,0 3,1 "El 'campus' provisional de Pontevedra". El País (en castelán). 13 de decembro de 1994. 
  4. ↑ "Los Roteiros de Outono recalan en los pazos de Lourizán y Salcedo". La Voz de Galicia (en castelán). 21 de outubro de 2017. 
  5. ↑ "RESOLUCIÓN de 28 de febrero de 1992 de la Universidad de Vigo, por la que se ordena la publicación del plan de estudios conducente a la obtención del titulo de lngeniero Técnico en Industrias Forestales." (PDF). Boletín Oficial del Estado (en castelán). 22 de abril de 1992. 
  6. ↑ "Buenas instalaciones y sinergias para paliar la falta de espacio". La Voz de Galicia (en castelán). 12 de enero de 2016. 
  7. ↑ "DECRETO 216/1999, de 15 de julio, por el que se autoriza el cambio de denominación de determinados centros del sistema universitario de Galicia.". Diario Oficial de Galicia (en castelán). 26 de xullo de 1999. 
  8. ↑ "DECRETO 14/2011, do 3 de febreiro, polo que se suprime, se crea e se modifica a denominación de centros universitarios na Universidade de Vigo.". Diario Oficial de Galicia (en castelán). 14 de febreiro de 2011. 
  9. ↑ "Enxeñería Forestal, cuarto grado gallego con un sello internacional de excelencia". Diario de Pontevedra (en castelán). 4 de maio de 2019. 
  10. ↑ "La Xunta de Escuela confirma a Juan Picos como director de la Escuela de Ingeniería Forestal". Pontevedra Viva (en castelán). 10 de xullo de 2017. 
  11. ↑ "La Escuela de Ingeniería Forestal de Pontevedra acoge este sábado las III Jornadas Gallegas de Patrimonio Natural". Galicia Press (en castelán). 21 de novembro de 2019. 
  12. ↑ "La Escuela de Ingeniería Forestal celebra San Leandro". Pontevedra Viva (en castelán). 11 de abril de 2019. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Escola_de_Enxeñaría_Forestal_de_Pontevedra&oldid=6600147»