Pazo de Guyatt

Pazo de Guyatt
Edificio
Localización	As Xubias de Abaixo, 11 15006, A Coruña
Coordenadas	43°20′34″N 8°23′12″O
[ editar datos en Wikidata ]

O pazo de Guyatt, tamén coñecido como pazo de Cotón de Castro e pazo da Pasaxe, é un pazo situado o lugar das Xubias no concello da Coruña.

Historia

Aínda que posiblemente o pazo teña orixe medieval, a primeira referencia sobre a súa existencia aparece no século XVI, propiedade do rexedor da Coruña Pedro de Villafranca. A principios do século XVII comprouno o tamén rexedor Gabriel Cotón.

Durante a guerra da Independencia foi saqueado polos franceses. En 1865 coa creación da liña de ferrocarril A Coruña - Madrid construíuse un túnel que reduciu o terreo do xardín.

A finais do século XIX a familia Cotón arruinouse, acabando a propiedade nas mans da familia Guyatt, que chegara á cidade en 1870.

Trala guerra civil o goberno franquista incautouse da parcela para instalar o Fogar Infantil das Xubias. Este feito supuxo un estrago do pazo e mesmo foi espoliada unha escaleira. Ademais, serviu de lugar de descanso para oficiais nazis durante a segunda guerra mundial.

Descrición

O pazo é un edificio de granito e planta cadrada. Na fachada consérvase o escudo dos Cotón de Castro.

Véxase tamén

Ligazóns externas

• Un pazo escondido en A Coruña, las últimas huellas de una dinastía inglesa (en castelán)
• La Casa Guyatt, un pazo señorial con elementos del siglo XVIII que todavía es propiedad privada (en castelán)
• Planos e debuxos an As Xubias-Os Castros-A Gaiteira